Page Text
________________
(५) भगवई सु. २४ उ १
पंचेंदियतिरिक्खजोणिएहिंतो उववज्जंति । ३ जति पंचेंदियतिरिक्खजोणिएहिंतो उववज्जंति किं सन्निपंचेंदियतिरिक्खजोणिएहिंतो उववज्जंति, असन्निपंचेदियतिरिक्खजोणिएहिंतो उववज्र्ज्जति ? गोयमा ! सन्निपंचेंदियतितरिक्खजोणिएहिंतो वि उववज्जंति, असन्निपंचेंदियतिरिक्खजोणिएहिंतो वि उववज्जति । (४) जति सन्निपंचेदियतिरिक्खजोणिएहिंतो उववज्जति किं जलचरेहिंतो उववज्जंति, थलचरेहिंतो उववज्जंति, खहचरेहिंतो उववज्जति ? गोयमा ! जलचरेहिंतो वि उववज्जंति, थलचरेहिंतो वि उववज्जंति, खहचरेहिंतो वि उववज्जति । (५) जति जलचर - थलचर- खहचरेहिंतो उववज्जंति किं पज्जत्तएहिंतो उववज्जंति, अपज्जत्तएहिंतो उववज्जति ? गोयमा ! पज्जत्तएहिंतो उववज्र्ज्जति, नो अपज्जत्तएहिंतो उववज्र्ज्जति । [सु. ४-५०. नरयउववज्र्ज्जतम्मि पज्जत्तअसन्निपंचेदियतित रिक्खजोणियम्मि उववाय - परिमाणाइवीसइदारपरूवणं ] ४. पज्जत्ताअसन्निपंचेदियतिरिक्खजोणिए णं भंते! जे भविए नेरइएस उववज्जित्तए से णं भंते! कतिसु पुढवीसु उववज्जेज्जा ? गोयमा ! एगाए रयणप्पभाए पुढवीए उववज्जेज्जा । ५. पज्जत्ताअसन्निपंचेंदियतिरिक्खजोणिए णं भंते! जे भविए रयणप्पभापुढविनेरइएस उववज्जित्तए से णं भंते! केवतिकालट्ठितीएसु उववज्जेज्जा ? गोयमा ! जहन्नेणं दसवीससहस्सट्ठितीएसु, उक्कोसेणं पलिओवमस्स असंखेज्जतिभागट्ठितीएस उववज्जेज्जा । ६. ते णं भंते ! जीवा एसमए केवतिया उववज्जंति ? गोयमा ! जहन्नेणं एक्को वा दो वा तिन्नि वा, उक्कोसेणं संखेज्जा वा, असंखेज्ना वा उववज्जंति । ७. तेसि णं भंते! जीवाणं सरीरगा किंसंघयणा पन्नत्ता ? गोयमा ! सेवट्टसंघयणा पन्नत्ता । ८. तेसिं णं भंते ! जीवाणं केमहालिया सरीरोगाहणा पत्ता? गोयमा ! जहन्नेणं अंगुलस्स असंखेज्जतिभागं, उक्कोसेणं जोयणसहस्सं । ९. तेसि णं भंते! जीवाणं सरीरगा किंसंठिया पन्नत्ता ? गोयमा ! हुंडसंठाणसंठिया पन्नत्ता । १०. तेसि णं भंते ! जीवाणं कति लेस्साओ पन्नत्ताओ ? गोयमा ! तिन्नि लेस्साओ पन्नत्ताओ, तं जहा कण्हलेस्सा नीललेस्सा काउलेस्सा। ११. ते णं भंते! जीवा किं सम्मदिट्ठी, मिच्छादिट्ठी, सम्मामिच्छादिट्ठी? गोयमा ! नो सम्मद्दिट्ठी, मिच्छादिट्ठी, नो सम्मामिच्छदिट्ठी । १२. ते णं भंते ! जीवा किं नाणी, अन्नाणी ? गोयमा ! नो नाणी, अन्नाणी, नियमं दुअन्नाणी, तं जहा-मतिअन्नाणी य सुयअन्नाणी य । १३. ते णं भंते! जीवा किं मणजोगी, वइजोगी, कायजोगी ? गोयमा ! नो मणजोगी, वइजोगी वि, कायजोगी वि । १४. ते णं भंते! जीवा किं सागारोवउत्ता ? गोयमा ! सागारोवउत्ता वि, अणागारोवउत्ता वि। १५. तेसिं णं भंते! जीवाणं कति सन्नाओ पन्नत्ताओ ? गोयमा ! चत्तारि सन्नाओ पन्नत्ताओ, तं जहा- आहारसण्णा भयसण्णा मेहुणसण्णा परिग्गहसण्णा । १६. तेसिं णं भंते ! जीवाणं कति कसाया पन्नत्ता ? गोयमा ! चत्तारि कसाया पन्नत्ता, तं जहा कोहकसाये माणकसाये मायाकसाये लोभकसाये । १७. तेसिंणं भंते! जीवाणं कति इंदिया पन्नत्ता ? गोयमा ! पंच इंदिया पन्नत्ता, तं जहा- सोतिदिए चक्खिदिए जाव फार्सिदिए । १८. तेसि णं भंते ! जीवाणं कति समुग्धाया पन्नत्ता ? गोयमा ! तओ समुग्धाया पन्नत्ता, तं जहा वेयणासमुग्धाए कसायसमुग्धाए मारणंतियसमुग्धाए । १९. ते णं भंते! जीवा किं सायावेदगा, असायावेदगा ? गोयमा ! सायावेदगा वि, असातावेदगा वि । २०. ते णं भंते! जीवा किं इत्थवेदगा, पुरिसवेदगा, नपुंसगवेदगा ? गोयमा ! नो इत्थिवेदगा, नो पुरिसवेदगा, नपुंसगवेदगा । २१. तेसि णं भंते! जीवाणं केवतियं कालं ठिती पन्नत्ता ? गोयमा ! जहन्नेणं अंतोमुहद्दुत्तं, उक्कोसेणं पुव्वकोडी । २२. तेसि णं भंते ! जीवाणं केवतिया अज्झवसाणा पन्नत्ता ? गोयमा ! असंखेज्जा अज्झवसाणा पन्नत्ता । २३. ते णं भंते ! किं पसत्था, अप्पसत्था ? गोयमा ! पसत्था वि, अप्पसत्था वि । २४. से णं भंते! 'पज्जत्ताअसन्निपंचेंदियतिरिक्खजोणिये' इति कालओ केवचिरं होइ ? गोयमा ! जहन्नेणं अंतोमुहुत्तं, उक्कोसेणं पुव्वकोडी । २५ से णं भंते ! 'पज्जत्ताअसन्निपंचेंदियतिरिक्खजोणिए रयणप्पभापुढ विनेरइए पुणरवि 'पज्जत्ताअसन्निपंचेंदियतिरिक्खजोणिए' त्ति केवतियं कालं सेवेज्जा ?, केवतियं कालं गतिरागतिं करेज्जा ? गोयमा ! भवादेसेणं दो भवग्गहणाईं, काला सेणं जहन्नेणं दस वाससहस्साइं अंतोमुहुत्तमब्भहियाई, उक्कोसेणं पलिओवमस्स असंखेज्जतिभागं पुव्वकाडिअब्महियं; एवतियं कालं सेवेज्जा, एवतियं कालं गतिरागतिं करेज्जा | सु. ५-२५ पढमो गमओ । २६. पज्जत्ताअसन्निपंचेदियतिरिक्खजोणिए णं भंते! जे भविए जहन्नकालद्वितीएसु रयणप्पभापुढविनेरइएसु उववज्जित्तए से णं भंते ! केवतिकालट्ठितीएसु उववज्जेज्जा ? गोयमा ! जहन्नेणं दसवाससहस्सट्ठितीएसु, उक्कोसेण वि दसवाससहस्सट्ठितीयेसु उववज्जेज्जा । २७. ते णं भंते ! जीवा
Bunte & D
(२८७)
फ्र
श्री आगमगुणमंजूषा ५०२०
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |