Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 556

(५) भगवई स. १६ उ ९-१४ / स. १७उ १ [२४४]
पन्नत्ते सत्तरस एक्कवीसे जोयणसए एवं पमाणं जहेव तिगिछिकूडस्स, पासायवडेंसगस्स वि तं चैव पमाणं सीहासणं सपरिवारं बलिस्स परियारेण अट्ठो तहेव, नवरं रुयगिंदप्पभाई ३ कुमुयाई । सेसं तं चेव जाव बलिचंचाए रायहाणीए अन्नेसिं च जाव निच्चे, रूयगिंदस्स णं उप्पायपव्वयस्स उत्तरेणं छक्कोडिसए तहेव जाव चत्तालीसं जोयणसहस्साइं ओगाहित्ता एत्थ णं बलिस्स वइरोयणिंदस्स वइरोयणरन्नो बलिचंचा नाम रायहाणी पन्नत्ता: एगं जोयणसयसहस्सं पमाणं तहेब जाव बलिपेढस्स उववातो जाव आयरक्खा सव्वं तहेव निरवसेसं, नवरं सातिरेगं सागरोवमं ठिती पन्नत्ता । सेसं तं चेव बली वइरोयणिदे, बली वइरोयणिदे। सेवं भंते ! सेवं भंते ! जाव विहरति । । १६.९ ॥ ★★★दसमो उद्देसओ 'ओही' ★★★ [सु. १. ओहिभेयादिजाणणत्थं पण्णवणासुत्तावलोयणनिद्देसो ] १. कतिविधे (?धा) णं भंते! ओही पण्णत्ता ? गोयमा ! दुविधा ओही पन्नत्ता । ओहीपयं निरवसेसं भाणियव्वं । सेवं भंते ! सेवं भंते! जाव विहरति । ।। १६.१०। मैसे एगारसमो उद्देसो 'दीव★★★ [सु. १. दीवकुमारेसु समाहारादिपयाणं निरूवणं ] १. दीवकुमाराणं भंते! सव्वे समाहारा० निस्सासा ? नो इणठ्ठे समट्टे । एवं जहा पढमसए बितियउद्देसए दीवकुमाराणं वत्तव्वया (स० १३०२ सु० ६) तहेव जाव समाउया समुस्सासनिस्सासा । [ सु. २-४. दीवकुमारेसु-लेसानिरूपणं, लेसं पडुच्च अप्पाबहुयं इड्डिअप्पाबहुयं च ] २. दीवकुमाराणं भंते! कति लेस्साओ पन्नत्ताओ ? गोयमा ! चत्तारि लेस्साओ पन्नत्ताओ, तं जहा कण्हलेस्सा जाब तेउलेस्सा । ३. एएसि णं भंते! दीवकुमाराणं कण्हलेस्साणं जाव तेउलेस्साण य कयरे कयरेहिंतो जाव विसेसाहिया वा ? गोयमा ! सव्वत्थोवा दीवकुमारा तेउलेस्सा, काउलेस्सा असंखेज्जगुणा, नीललेस्सा विसेसाहिया, कण्हलेस्सा विसेसाहिया । ४. एतेसि णं भंते! दीवकुमाराणं कण्हलेस्साणं जाव तेउलेस्साण या करे करेहिंतो अप्पिड्डिया वा महिड्डिया वा ? गोयमा ! कण्हलेस्सेहिंतो नीललेस्सा महिड्डिया जाव सव्वमहिड्डिया तेउलेस्सा। सेवं भंते ! भंते! जाव विहरति । ॥१६.११॥ ★★★ बारसमो उद्देसओ 'उदही' ★★★ [ सु. १. उदहिकुमारेसु समाहारइनिरूवणाइ] १. उदधिकुमारा णं भंते ! सव्वे समाहारा० ? एवं चेव । सेवं भंते ! सेवं भंते !० । ।।१६.१२ ॥ ★★★तेसमो उद्देसओ 'दिसा'★★★ [सु. १ दिसाकुमारेसु समाहारइनिरूणाई] १. एवं दिसाकुमारा वि । ।। १६.१३ ।। ★★★ चउदसमो उद्देसओ 'थणिया' ★★★ [सु. १ थणियकुमारेसु समाहाराइनिरूवणाइ ] १. एवं थणियकुमारा वि । सेवं भंते ! त्ति जाव विहरति । ।। १६.१४॥ 55 ॥ सोलसमं सयं समत्तं ॥ 555 सत्तरसमं सयं 55 [ सु. १. सत्तरसमयसयस्स मंगलं ]१. नमो सुयदेवयाए भगवतीए । [सु. २. सत्तरसमसयस्स उद्देसनामपरूवणा ] २. कुंजर १ संजय २ सेलेसि ३ किरिय ४ ईसाण ५ पुढवि ६-७, दग ८-९ वाऊ १०-११ । एगिदिय १२ नाग १३ सुवण्ण १४ विज्जु १५ वा १६ Sग्ग १७ सत्तरसे ॥ १ ॥ ★★★ पढमो उद्देसओ 'कुंजर' ★★★ [ सु. ३. पढमुद्देसस्सुवुग्धाओ ] ३. रायगिहे जाव एवं वदासि [ सु. ४-७ कूणियरन्नो उदायि भूयाणंदनामाणं दोन्हं हत्थीणं पुव्वभव - अणंतरभवनिद्देसपुव्वं सिद्धिगमणानिरूवणं ] ४. उदायी णं भंते ! हत्थराया कओहिंतो अणंतरं उव्वट्टित्ता उदायिहत्थिरायत्ताए उववन्ने ? गोयमा । असुरकुमारेहिंतो देवेहिंतो अनंतरं उव्वट्टित्ता उदायिहत्थिरायत्ताए उववन्ने । ५. उदायी णं भंते ! हत्थराया कालमासे कालं किच्चा कहिं गच्छिहिति, कहिं उववज्जिहिति ? गोयमा ! इमीसे णं रयणप्पभाए पुढवीए उक्कोससागरोवमद्वितीयंसि नरगंसि नेरइयत्ताए उववज्जिहिति । ६. से णं भंते ! ततोहिंतो अनंतरं उव्वट्ठित्ता कहिं गच्छिहिति ?, कहिं उववज्जिहिति ? गोयमा ! महाविदेहे वासे सिज्झिहिति जाव अंतं काहिति । ७. भूयाणंदेणं भंते ! हत्थराया कतोहिंतो अणंतरं उव्वट्टित्ता भूयाणंद० ? एवं जहेव उदायी जाव अंतं काहिति । [ सु. ८-९ तालमारुभमाणम्मि तालफलं च पचालेमाणाइम्मि पुरिसम्मि ताल-तालफलजीवेसु च किरियापरूवणाइ ] ८. पुरिसे णं भंते! तालमारुभइ, तालं आरुभित्ता तालाओ तालफलं पचालेमाणे वा पवाडेमाणे वा कतिकिरिए ? गोयमा ! जावं च णं से पुरिसे तालमारुभति, तालमारुभित्ता तालाओ तालफलं पचालेइ वा पवाडेइ वा तावं च णं से पुरिसे काइयाए
6
फ्र श्री आगमगुणमंजूषा - ४५९
6666666
5