Page Text
________________
*ORK££££££££¶¶¶¶¶¶
(५) भगवई स. १६ उ ८.९ [२४३]
तं चैव सव्वं । ३. लोगस्स णं भंते! दाहिणिल्ले चरिमंते किं जीवा० ? एवं चेव । ४. एवं पच्चत्थिमिल्ले वि, उत्तरिल्ले वि । ५. लोगस्स णं भंते ! उवरिल्ले चरिमंते किं जीवा० पुच्छा। गोयमा ! नो जीवा, जीवदेसा वि जाव अजीवपएसा वि । जे जीवदेसा ते नियमं एगिदियदेसा य, अणिदियदेसा य, अहवा एगिदियदेसा य अणिदियदेसाय बेदियस्स य देसे. अहवा एगिदियदेसा य अणिदियदेसा य बेइंदियाण य देसा। एवं मज्झिल्लविरहितो जाव पंचिदियाणं । जे जीवप्पएसा ते नियमं एगिदियप्पदेसा य अणिदियप्पएसा य, अहवा एगिदियपदेसा य अणिदियप्पदेसा य बेइंदियदेस्स य पदेसा, अहवा एगिदियपदेसा य अणिदियपएसा य बेइंदियाण य पदेसा । एवं आदिल्लविरहिओ जाव पंचिदियाणं। अजीवा जहा दसमसए तमाए (स० १० उ० १ सु० १७) तहेव निरवसेसं । ६. लोगस्स णं भंते ! हेट्ठिल्ले चरिमंते किं जीवा० पुच्छा। गोयमा ! नो जीवा, जीवदेसा वि जाव अजीवप्पएसा वि । जे जीवदेसा ते नियमं एगिदियदेसा, अहवा एगिदियदेसा य बेदियस्स य देसे, अहवा एगिदियदेसा य बेइंदियाण य देसा । एवं मज्झिल्लविरहिओ जाव अणिदियाणं पदेसा आदिल्लविरहिया सव्वेसिं जहा पुरत्थिमिल्ले चरिमंते तहेव । अजीवा जहा उवरिल्ले चरिमंते तहेव । [ सु. ७-९. सत्तण्हं नरयपुढवीणं पुरत्थिमिल्लाइचरिमंते जीव- अजीवतद्देसपदेसनिरूवणं ] ७. इमीसे णं भंते! रयणप्पभाए पुढवीए पुरत्थिमिल्ले चरिमंते किं जीवा० पुच्छा। गोयमा ! नो जीवा, एवं जहेव लोगस्स तहेव चत्तारि वि चरिमंता जाव उत्तरिल्ले, उवरिल्ले जहा दसमसए विमला दिसा (स० १० उ० १ सु० १६) तहेव निरवसेसं । हेट्ठिल्ले चरिमंते जहेव लोगस्स हेट्ठिल्ले चरिमंते (सु० ६) तहेव, नवरं देसे पंचेदिएसु तियभंगो, सेसं तं चेव । ८. एवं जहा रयणप्पभाए चत्तारि चरिमंता भणिया एवं सक्करप्पभाए वि । उवरिम-हेट्ठिल्ला जहा रयणप्पभाए हेट्ठिल्ले । ९. एवं जाव असत्तमाए । [सु. १०-१२. सोहम्माइबारसदेवलोग गेवेज्ज- अणुत्तरविमाण ईसिपब्भार- पुढवीणं पुरत्थिमिल्लाइचरिमंते जीव-अजीव तद्देसपदेसाइनिरूवणं ] १०. एवं सोहम्मस्स वि जाव अच्यस्स । ११. गेविज्जविमाणाणं एवं चेव । नवरं उवरिम हेट्ठिल्लेसु चरिमंतेसु देसेसु पंचेंदियाण वि मज्झिल्लविरहितो चेव, सेसं तहेव । १२. एवं जहा गेवेज्जविमाणा तहा अणुत्तरविमाणा वि, ईसिप भारा वि । [सु. १३. परमाणुपोग्गलस्स एगसमएणं पुरत्थिमिल्लचरिमंत-पच्चत्थिमिल्लाइचरिमंतगमणसामनिरूवणं] १३. परमाणुपोग्गले णं भंते ! लोगस्स पुरत्थिमिल्लाओ चरिमंताओ पच्चत्थिमिल्लं चरिमंतं एगसमएणं गच्छति, पच्चत्थिमिल्लाओ चरिमंताओ पुरत्थिमिल्लं चरिमंतं एगसमएणं गच्छति, दाहिणिल्लाओ चरिमंताओ उत्तरिल्लं जाव गच्छति, उत्तरिल्लाओ० दाहिणिल्लं जाव गच्छति, उवरिल्लाओ चरिमंताओ हेट्ठिल्लं चरिमंतं एग० जाव गच्छति, हेट्ठिल्लाओ चरिमंताओ उवरिल्लं चरिमंतं एगसमएणं गच्छति ? हंता, गोतमा ! परमाणुपोग्गले णं लोगस्स पुरित्थिमिल्ल० तं चेव जाव उवरिल्लं चरिमंतं गच्छति । [सु. १४. मेहवरिसणनिण्णयत्थं हत्थाइ आउंटावेमाणपुरिसम्मि किरियापरूवणं ] १४. पुरिसे णं भंते ! वासं वासति, वासं नो वासतीति हत्थं वा पायं वा बाहुं वा ऊरुं वा आउंटावेमाणे वा पसारेमाणे वा कतिकिरिए ? गोयमा ! जावं च णं से पुरिसे वासं वासति, वासं नो वासतीति हत्थं वा जाव ऊरुं वा आउंटावेति वा पसारेति वा तावं च णं से पुरिसे काइयाए जाव पंचहिं किरियाहिं पुट्ठे । [सु. १५. देवस्स अलोगंसि हत्थाइआउंटणाइअसामत्थनिरूवणं] १५. (१) देवे णं भंते ! महिड्डीए जाव महेसक्खे लोगंते ठिच्चा पभू अलोगंसि हत्थं वा जाव ऊरुं वा आउंटावेत्ताए वा पसारेत्तए वा ? णो इणट्ठे समट्ठे । (२) से केणट्टेणं भंते ! एवं वुच्चति 'देवे णं महिड्डीए जाव लोगते ठिच्चा णो पभू अलोगंसि हत्थं वा जाव पसारेत्तए वा' ? गोयमा ! जीवाणं आहारोवचिया पोग्गला, बोदिचिया पोग्गला, कलेवरचिया पोग्गला, पोग्गलमेव पप्प जीवाण य अजीवाण य गतिपरियाए आहिज्जइ, अलोए णं नेवत्थि जीवा, नेवत्थि पोग्गला, से तेणट्टेणं जाव पसारेत्तए वा । सेवं भंते ! सेवं भंते ! ति० | ॥१६८॥ ★★ नवमो उद्देसओ 'बलि' ★★★ [सु. १. वइरोयणिंदस्स बलिस्स सभा - रायहाणी आदी निरूवणं ] १. कहिं णं भंते! बलिस्स वइरायणिंदस्स वइरायणरन्नो सभा सुहम्मा पन्नत्ता ? गोयमा ! जंबुद्दीवे दीवे मंदरस्स पव्वयस्स उत्तरेणं तिरियमसंखेज्जे ० जहेव चमरस्स (स० २३०८ सु० १) जाव बायालीसं जोयणसहस्साइं ओगाहित्ता एत्थ णं बलिस्स वइरोयणिंदस्स वइरोयणरन्नो रूयगिदे नाम उप्पायपव्वए
श्री आगमगुणम्जूषा- ४५८
蛋蛋蛋蛋
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |