Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 528

For95555555555
(५) भगवई श.१५ [२१६]
OUT$乐听听听听听听听听听听听听听听听听听听听听听听听听听听听听听乐乐编织乐乐坊乐明明明明明乐乐885
वयासी -जंणं गोयमा ! से बहुजणे अन्नमन्नस्स एवमाइक्खति ४ एवं खलु गोसाले मंखलिपुत्ते जिणे जिणप्पलावी जाव पगासेमाणे विहरति' तं णं मिच्छा, अहं पुण गोयमा ! एवमाइक्खामि जाव परूवेमि एवं खलु एयस्स गोसालस्स मंखलिपुत्तस्स मंखली णामं मंखे पिता होत्था । तस्स णं मंखलिस्स मंखस्स भद्दा नाम भारिया होत्था, सुकुमाल जाव पडिरूवा । तए णं सा भद्दा भारिया अन्नदा कदायि गुठ्विणी यावि होत्था। [सु. १५-१७. सरवणसन्निवेसे गोबहुलमाहणस्स गोसालाए मंखलि-भद्दाणं निवासो १५. तेणं कालेणं तेणं समएणं सरवणे नामं सन्निवेसे होत्था, रिद्धस्थिमिय जाव सन्निभप्पगासे पासादीए ४ । १६. तत्थ णं सरवणे सन्निवेसे गोबहुले नाम माहणे परिवसति अड्डेजाव अपरिभूते रिव्वद जाव सुपरिनिट्ठिए यावि होत्था। तस्सणं गोबहुलस्समाहणस्स गोसाला यावि होत्था। १७. तएणं से मंखली मंखे अन्नदा कदायि भद्दाए भारियाए गुठ्विणीए सद्धिं चित्तफलगहत्थगए मंखत्तणेणं अप्पाणं भावमाणे पुव्वाणुपुव्विं चरमाणे गामाणुगामं दूइज्जमाणे जेणेव सरवणे सन्निवेसे जेणेव गोबहुलस्स माहणस्स गोसाला तेणेव उवागच्छति, उवा०२ गोबहुलस्स माहणस्स गोसालाए एगदेसंसि भंडानिक्खेवं करेति, भंडा० क०२ सरवणे सन्निवेसे उच्च-नीय-मज्झिमाई कुलाइंघरसमुदाणस्स भिक्खायरियाए अडमाणे वसहीए करेमाणे अन्नत्थ वसहिं अलभमाणे तस्सेव गोबहुलस्स माहणस्स गोसालाए एगदेसंसि वासावासं उवागए। सु. १८-१९. पुत्तजम्माणंतरं मंखलि-भद्दाहिं पुत्तस्स गोसालनामकरणं ]१८. तएणं सा भद्दा भारिया नवण्हं मासाणं बहुपडिपुण्णाणं अद्धट्ठमाण य रातिदियाणं वीतिकंताणं सुकुमाल जाव पडिरूवं दारगं पयाता। १९. तए णं तस्स दारगस्स अम्मापियरो एक्कारसमे दिवसे वीतिक्ते जाव बारसाहदिवसे अयमेतारूवं गोण्णं गूणनिप्फन्नं नामधेज्जं करेंति जम्हा णं अम्हं इमे दारए गोबहुलस्स माहरस्स गोसालाए जाए तं होउणं अम्हं इमस्स दारगस्स नामधेनं 'गोसाले, गोसाले त्ति । तए णं तस्स दारगस्स अम्मापियरो नामधेज करेति 'गोसाले' त्ति। [सु. २०. पत्तजोव्वणस्स गोसालगस्स मंखत्तणेणं विहरणं ]२०. तए णं से गोसाले दारए उम्मुक्कबालभावे विण्णयपरिणतमेत्ते जोव्वणगमणुप्पत्ते सयमेव पाडिएक्कं चित्तफलगं करेति, सय० क०२ चित्तफलगहत्थगए मंखत्तणेणं अप्पाणं भावेमाणे विहरति । [ सु. २१-२२. पव्वइयस्स भगवओ महावीरस्स अट्ठियगामवासानिवासाणंतरं रायगिहनगरनालंदाबाहिरियतंतुसालए आगमणं] २१. तेणं कालेणं तेणं समएणं अहं गोयमा ! तीसं वासाइं अगारवासमझे वसित्ता अम्मा-पितीहिं देवत्ते गतेहिं एवं जहा भाववाए जाव एगं देवदूसमुपादाय मुंडे भवित्ता अगारातो अणगारियं पव्वइए । २२. तए णं अहं गोतमा ! पढमं वासं अद्धमासं अद्धमासेणं खममाणे अट्ठियगामं निस्साए पढमं अंतरवासं वासासं उवागते। दोच्चं वासं मासंमासेणं खममाणे पुव्वाणुपुव्विं चरमाणे गामाणुगामंते दूइज्जमाणे जेणेव रायगिहे नगरे जेणेव नालंदाबाहिरिया जेणे तंतुवायसाला तेणेव उवागच्छामि, ते० उवा० २ अहापडिरूवं ओग्गहं ओगिण्हामि, अहा० ओ० २ तंतुवायसालए एगदेसंसि वासावासं उवागते । तए णं अहं गोतमा ! पढमं मासक्खमणं उवसंपज्जित्ताणं विहरामि। [सु. २३. गोसालगस्स वि रायगिहनगरनालंदाबाहिरियतंतुसालए आगमणं] २३. तएणं से गोसाले मंखलिपुत्ते चित्तफलगहत्थगए मंखत्तणेण अप्पाणं भावेमाणे पुव्वाणुपुव्विं चरमाणे जाव दूइज्जमाणे जेणेव रायगिहे नगरे जेणेव नालंदाबाहिरिया जेणेव तंतुवायसाला तेणेव उवागच्छति, ते० उवा०२ तंतुवायसालाए एगदेसंसि भंडानिक्खेवं करेइ, भंडा० क०२ रायगिहे नगरे उच्च-नीय जाव अन्नत्थ कत्थयि वसहिं अलभमाणे तीसे व तंतुवायसालाए एगदेसंसि वासावासं उवागते जत्थेव णं अहं गोयमा !। [सु. २४-२७. रायगिहे विजयगाहावइगिहे भगवओ पढममासक्खमणपारणयं, पंचदिव्वपाउब्भवो, नगरजणकओय विजयगाहावइस्स धन्नवाओ ]२४. तएणं अहं गोयमा ! पढममासक्खमणपारणगंसि तंतुवायसालाओ पडिनिक्खमामि, ते० उवा० २ रायगिहे नगरे उच्च-नीय जाव अडमाणे विजयस्स गाहावतिस्स गिहं अणुप्पविढे । २५. तए णं से विजये गाहावती ममं एज्जमाणं पासति, पा० २ अट्ठतुट्ठ० खिप्पामेव आसणाओ अब्भुढेति, खि० अ०२ पादपीढाओ पच्चोरुभति, पाद० प०२ पाउयाओ ओमुयइ, पा० ओ० २ एगसाडियं उत्तरासंगं करेति, एग० क०२ अंजलिमउलियहत्थे ममं सत्तट्ठपयाइं अणुगच्छति, अ०२ ममं तिक्खुत्तो आदाहिणपदाहिणं करेति, क०२ ममं वंदति नमंसति, मर्म व०२ ममं विउलेणं असण-पाण-खाइम-साइमेणं 'पडिलाभेस्सामि' त्ति कटु तुट्टे, पडिलाभेमाणे वि तुढे, पडिलाभिते वि तुढे । २६. तए णं तस्स विजयस्स
听听听听听听听听听听听听听听听听听听听听听听听听听听听听听听听听听听听听听听听明明明明明明明明明明