Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 478

09555555555555555
५) भगवई ११ मनं उ-१ [१६६]
CF听听听听听听听听听听听听听听听听听听听听听听听听听听听听听听听听听听听听听听听听听听听听
[सु. १५. मरणकालपरूवणा] १५. से किं तं मरणकाले ? मरणकाले, जीवो वा सरीराओ, सरीरं वा जीवाओ । से तं मरणकाले । [सु. १६. समयआवलियाइसरूवनिरूवणपुव्वं अद्धाकालपरूवणा] १६.. (१) से किं तं अद्धाकाले ? अद्धाकाले अणेगविहे पन्नत्ते, से णं समयट्ठयाए आवलियट्ठयाए जाव उस्सप्पिणिअट्टयाए । (२) एस णं सुदंसणा ! अद्धा दोहारच्छेदेणं छिज्जमाणी जाहे विभागं नो हव्वमागच्छति से तं समए समयट्ठताए। (३) असंखेज्जाणं समयाणं समुदयसमितिसमागमेणं सा एगा 'आवलिय'त्ति पव्वुच्चइ। संखेजाओ आवलियाओ जहा सालिउद्देसए (स०६ उ०७ सु०४-9) जाव तं सागरोवमस्स उ एगस्स भवे परीमाणं । [सु. १७. पलिओवम-सागरोवमाणं पओयणं] १७. एएहि णं भंते ! पलिओवम-सागरोवमेहिं किं पयोयणं ? सुदंसणा ! एएहिं णं पलिओवम-सागरोवमेहि नेरतिय-तिरिक्खजोणिय मणुस्स-देवाणं आउयाइं मविनंति । [सु. १८. चउवीसइदंडयठितिजाणणत्थं पण्णवणासुत्तावलोयणनिद्देसो १८. नेरइयाणं भंते ! केवतियं कालं ठिती पण्णत्ता ? एवं ठितिपदं निरवसेसं भाणियव्वं जाव अजहन्नमणुक्कोसेणं तेत्तीसं सागरोवमाइं ठिती पण्णत्ता। [सु. १९-६१. सुदंसणसेट्ठिपुव्वभवकहानिरूवणपुव्वं पलिओवम-सागरोवमाणं खयाऽवचयपरूवणा ] १९. (१) अत्थि णं भंते ! एतेसिं पलिओवम-सागरोवमाणं खए ति वा अवचए ति वा ? हंता, अत्थि। (२) से केणटेणं भंते ! एवं वुच्चति 'अत्थि णं एएसि पलिओवम-सागरोवमाणं जाव अवचये ति वा ? [सु. २०-६१. सुदंसणसेट्ठिपुव्वभवकहा सु. २०-२२. हत्थिणाउर-बलराय-पभावतीदेवीनामनिरूवणं ] २०. एवं खलु सुदंसणा ! तेणं कालेणं तेणं समएणं हत्थिणापुरे नामं नगरे होत्था, वण्णओ। सहसंबवणे उज्जाणे, वण्णओ। २१. तत्थ णं हत्थिणापुरे नगरे बले नामं राया होत्था. वण्णओ। २२. तस्स णं बलस्स रण्णो पभावती नामं देवी होत्था, सुकुमाल० वण्णओ जाव विहरति ।[ सु. २३ वासघर-सयणीयवण्णणापुरस्सरं पभावतीए सीहसुविणदंसणवण्णणं ] २३. तए णं सा पभावती देवी अन्नया कयाइ तंसि तारिसगंसि वासघरंसि अभिंतरओ सचित्तकम्मे बाहरितो दूमियघट्टमढे विचित्तउल्लोगचिल्लियतले मणिरतणपणासियंघकारे बहुसमसुविभत्तदेसभाए पंचवण्णसरससुरभिमुक्कपुप्फपुंजोवयारकलिए कालागरु-पवरकुंदुरुक्क-तरुक्कधूवमघमघेतगंधुद्धताभिरामे सुगंधवरगंधिए गंधवट्टिभूते तंसि तारिसगंसि सयणिज्जंसि सालिंगणवट्टीए उभओ बिब्बोवणे दुहओ उन्नए मज्झे णय-गंभीरे गंगापुलिणवालुयउद्दालसालिसए ओयवियखोमियदुगुल्लपट्ठपलिच्छायणे सुविरइयरयत्ताणे रत्तंसुयसंवुए सुरम्मे आइणग-ख्य-बूर-नवणीय-तूलफासे सुगंधवरकुसुमचुण्णसयणोवयारकलिए अद्धरत्तकालसमयंसि सुत्तजागरा ओहीरमाणी
ओहीरमाणी अयमेयारूवं ओरालं कल्लाणं सिवं धन्नं मंगल्लं सस्सिरीयं महासुविणं सुविणे पासित्ताणं पडिबुद्धा हार-रयय-खीर-सागर-ससंककिरण-दगरयरययमहासेलपंडुरतरारुरमणिज्जपेच्छणिज्नं थिरलट्ठवट्ठपीवसुसिलिट्ठविसिट्ठविसिट्ठतिक्खदाढाविडंबितमुह परिकम्मियजचचकमलकोमलमाइयसोभंतलट्ठउ8 रत्तुप्पलपत्तमउयसुकु मालतालुजीहं मूसागयपवरकणगतावित आवत्तायंतवट्ठतडि विमलसरिसनयणं विसालपीवरोरुपडिपुण्णविमलखंधं मिउविसदसुहमलक्खणपसत्थवित्थिण्णकेसरसडोवसोमियं ऊसियसुनिमितसुजात अप्फोडितणंगूलं सोमं सोमाकारं लीलायतं जंभायंत नहयलातो ओवयमाणं निययवदणकमलसरमतिवयंतं सीह सुविणे पासित्ताणं पडिबुद्धा। [सु. २४. बलस्स रण्णो समक्खं पभावतीए नियसुविणनिवेदणं सुविणफलकहणविन्नत्ती य] २४. तए णं सा पभावती देवी अयमेयारूवं ओराल जाव सस्सिरीयं महासुविणं सुविणे पासित्ताणं पडिबुद्धा समाणी हट्टतुट्ट जाव हिदया धाराहयकलंबगं पिव समूसवियरोमकूवा तं सुविणं ओगिण्हति, ओगिण्हित्ता सयणिज्जाओ अब्भुट्टेति, अ० २ अतुरियमचवलमसंभताए अविलंबिताए रायहंससरिसीए गतीए जेणेव बलस्स रण्णो सयणिज्जे तणेव उवागच्छति, ते० उ० २ बन्नं रायं ताहिं इट्टाहिं कंलाहिं पियाहिं मणुण्णाहिं मणामाहि ओरालाहिं कलनाणाहिं सिवाहिँ धन्नाहिं
मंगल्लाहिं सस्सिरीयाहिं मियमहुरमंजुलाहिं गिराहिं संलवमाणी संलवमाणी पडिबाहेति, पडि०२ बलेणं रण्णा अब्भणुण्णाया समाणी नाणामणि रयणभत्तिचित्तंसि है भद्दासगंसि णिसीयति, णिसीयित्ता आसत्था वीसत्था सुहासणवरगया बलं रायं ताहिं इट्ठाहिं कंताहिं जाव संलवमाणी संलवमाणी एवं वयासी एवं खलु अहं
देवाणुप्पिया ! अज्ज तंसि तारिखगंसि सयणिज्जंसि सालिंगण० तं चेव जाव नियगवयणमतिवयंतं सीहं सुविणे पासित्ताणं पडिबुद्धा । तं णं देवाणुप्पिया ! एतस्य । Prerness 5 555555555555555555 श्री आगमगुणमंजषा ३८१e555555555555555555555555555
1055555555555555555555555555555555555555555555555