Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 471

K666666666666
(५) भगवई ११ सतं उ २-३-४-५.६.७.८.९ [१५९ ]
原666666666
उववज्जंति, तिरिक्खजोणिएसु उववज्जंति?० एवं जहा वक्कंतीए उव्वट्टणाए वणस्सइकाइयाणं तहा भाणियव्वं । दारं३१ । [सु. ४५. उप्पलमूलाईसु सव्वजीवाणं उववायपरूवगं बत्तीसइमं दारं ] ४५. अह भंते ! सव्वपाणा सव्वभूया सव्वजीवा सव्वसत्ता उप्पलमूलत्ताए उप्पलकंदत्ताए उप्पलनालत्ता उप्पलपत्तत्ता उप्पलकेसरत्ताए उप्पलकण्णियत्ताए उप्पलथिभगत्ताए उववपन्नपुव्वा ? हंता, गोयमा ! असंति अदुवा अणंतखुत्तो । दारं ३२ । सेवं भंते ! सेवं भंते ! त्ति० । ★★★ ॥ उप्पलुद्देसओ ।। ११.१ ॥ बीओ उद्देसओ 'सालु' ★★★ [सु. १. सालुयजीववत्तव्वयाजाणणत्थं पढमउप्पलुद्देसावलोयणनिद्देसपुव्वं विसेसपरूवणा] १. सालुए णं भंते! एगपत्तए किं एगजीवे, अणेगजीवे ? गोयमा ! एगजीवे, एवं उप्पलुद्देसगवत्तव्वया अपरिसेसा भाणियव्वा जाव अणंतखुत्तो । नवरं सरीरोगाहणा जहन्नेणं अंगुलस्स असंखेज्जइभागं, उक्कोसेणं धणुपुहत्तं । सेसं तं चेव । सेवं भंते! सेवं भंते ! ति० । ।११.२॥ ★★★ तइओ उद्देसओ 'पलासे' ★★★ [सु. १. पलासजीववत्तव्वयाजाणणत्थं पढमउप्पलुद्देसावलोयणनिद्देसपुव्वं विसेसपरूवणा] १. पलासे णं भंते! एगपत्तए किं एगजीवे, अणेगजीवे? एवं उप्पलुद्देसगवत्तव्वया अपरिसेसा भाणितव्वा । नवरं सरीरोगाहणा जहन्त्रेणं अंगुलस्स असंखेज्जतिभागं, उक्कोसेणं गाउयपुहत्तं । देवा एएसुन उववज्जंति । लेसासु- ते णं भंते! जीवा किं कण्हलेस्सा नीललेस्सा काउलेस्सा? गोयमा! कण्हलेस्सा वा, नीललेस्सा वा, काउलेस्सा वा, छव्वीसं भंगा। सेसं तं चेव । सेवं भंते! सेवं भंते! ति० ।। ११.३ ॥ ★★★ चउत्थो उद्देसओ 'कुंभी' ★★★ [सु. १. कुंभियजीववत्तव्वयाजाणणत्थं तइयपलासुद्देसावलोयणनिद्देसपुव्वं विसेसपरूवणा] १. कुंभिए णं भंते! एगपत्तए किं एगजीवे, अणेगजीवे ? एवं जहा पलासुद्देसए तहा भाणियव्वे, नवरं ठिती जहन्नेणं अंतोमुहुत्तं, उक्कोसेणं वासपुहुत्तं । सेसं तं चेव । सेवं भंते ! सेवं भंते ! ति० । ।११.४ ॥ ★★ पंचमो उद्देसओ 'नालीय' ★★★ [सु. १. नालियजीववत्तव्वयाजाणणत्थं चउत्थकुंभिउद्देसावलोयणनिद्देसो] १. नालिए णं भंते! एगपत्तए किं एगजीवे, अणेगजीवे ? एवं कुंभिउद्देसगवत्तव्वया निरवसेसा भाणियव्वा । सेवं भंते! सेवं भंते! ति० । ।। ११.५ ॥ ★★★ छट्टो उद्देसओ 'पउम' ★★★ [सु. १. पउमजीववत्तव्वयाजाणणत्थं पढमउप्पलुद्देसावलोयणनिद्देसो] १. पउमे णं भंते! एगपत्तए किं एगजीवे, अणेगजीवे ? एवं उप्पलुद्देसगवत्तव्वया निरवसेसा भाणियव्वा । सेवं भंते! सेवं भंते! ति० ।। ११.६ ॥ ★★★ सत्तमो उद्देसओ 'कण्णीय' ★★★ [ सु. १. कण्णियजीववत्तव्वयाजाणणत्थं पढमउप्पलुद्देसावलोयणनिद्देसो] १. कण्णिए णं भंते! एगपत्तए किं एगजीवे, अणेगजीवे ? एवं चेव निरवसेसं भाणियव्वं । सेवं भंते ! सेवं भंते ! त्ति० । ।। ११.७ ॥ ★★★ अट्ठमो उद्देसओ 'नलिण' ★★★ [सु. १. नलिणजीववत्तव्वयाजाणणत्थं पढमउप्पलुद्देसावलोयणनिद्देसो] १. लिणे णं भंते! एगपत्तए किं एगजीवे, अणेगजीवे ? एवं चेव निरवसेसं जाव अणंतखुत्तो ।। सेवं भंते ! सेवं भंते ! ति० । ।। ११.८ ।। ★★★ नवमो उद्देसओ 'सिव'★★★ [सु. १-५. सिवस्स रण्णो रायहाणी-भज्जा- पुत्ताणं नामाई ] १. तेणं कालेणं तेणं समएणं हत्थिणापुरे नामं नगरे होत्था । वण्णओ । २. तस्स णं हत्थणापुरस्स नगरस्स बहिया उत्तरपुरत्थिमे दिसीभागे एत्थे णं सहसंबवणे नामं उज्जाणे होत्था । सव्वोउयपुप्फफलसमिद्धे रम्मे णंदणवणसन्निगासे सुहसीयलच्छाए मणोरमे सादुफले अकंटए पासादीए जाव पडिरूवे । ३. तत्थ णं हत्थिणापुरे नगरे सिवे नामं राया होत्था, महताहिमवंत० । वण्णओ । ४. तस्स णं सिवस्स रण्ण धारिणी नामं देवी होत्था, सुकुमालपाणिपाया० । वण्णओ । ५. तस्स णं सिवस्स रण्णो पुत्ते धारिणीए अत्तए सिवभद्दए नामं कुमारे होत्था, सुकुमाल० जहा सूरियकंते जाव पच्चुवेक्खमाणे पच्चुवेक्खमाणे विहरति । [सु. ६. सिवस्स रण्णोदिसापोक्खियतावसपव्वज्जागहणसंकप्पो विविहप्पयारतावसनामाई च ] ६. तए णं तस्स सिवस्सरण्णो अन्नया कदायि पुव्वरत्तावरत्तकालसमयंसि रज्जधुरं चिंतेमाणस्स अयमेयारूवे अज्झत्थिए जाव समुप्पज्जित्था “अत्थि ता मे पुरा राणा जहा तालिस (स० ३ उ० १ सु० ३६) जाव पुत्तेहिं वडामि, पसूहिं वड्डामि, रज्जेणं वड्डामि, एवं रद्वेणं बलेणं वाहणेणं कोसेणं कोट्ठागारेण पुरेण
066655555555555卐 PPR30865555555555555555555