Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 468

1795
(५) भगवई १० सतं ५६७-३४ / ११ स उ १
Education Internation 2010 03
सीहासांसि । सेसं तं चैव । ३०. एवं वियालगस्स वि। एवं अट्ठासीतीए वि महागहाणं भाणियव्वं जाव भावकेउस्स। नवरं वडेंसगा सीहासणाणि य सरिनामगाणि । सेसं तं चेव। [सु. ३१-३३. सकस्स देविंदस्स, तस्स लोगपालाणं च देविसंखाइपरूवणा] ३१. सकस्स णं भंते! देविंदस्स देवरण्णो० पुच्छा । अज्जो ! अट्ठ अग्गमहिसीओ पन्नत्ताओ, तं जहा पउमा सिवा सुयी अंजू अमला अच्छरा नवमिया रोहिणी । तत्थ णं एगमेगाए देवीए सोलस सोलस देविसहस्सा परियारो पन्नत्तो। पभू ताओ एगमेगा देवी अन्नाई सोलस सोलस देविसहस्सा परियारं विउव्वित्तए । एवामेव सपुव्वावरेणं अट्ठावीसुत्तरं देविसयसहस्सं, से त्तं तुडिए । ३२. पभूणं भंते ! सक्के देविदे देवराया सोहम्मे कप्पे सोहम्मवडेंसए विमाणे सभाए सुहम्माए सक्कंति सीहासणंसि तुडिएणं सद्धिं० सेसं जहा चमरस्स (सु० ६-७) । नवरं परियारो जहा मोउद्देसए (स० ३ उ० १ सु० १५) । ३३. सक्कस्स णं देविंदस्स देवरण्णो सोमस्स महारण्णो कति अग्गमहिसीओ० पुच्छा। अज्जो ! चत्तारि अग्गमहिसीओ पन्नत्ताओ, तं जहा-रोहिणी मदणा चित्ता सोमा । तत्थ णं एगमेगा०, सेसं जहा चमरलोगपालाणं (सु० ८-१३) | नवरं सयंपभे विमाणे सभाए सुहम्माए सोमंसि सीहासणंसि, सेसं तं चेव । एवं जाव वेसमणस्स, नवरं विमाणाइं जहा ततियसए (स० ३ उ० ७सु० ३) । [ सु. ३४-३५. ईसाणस्स, तस्स लोगपालाणं च देवसंखाइपरूवणा] ३४. ईसाणस्स णं भंते !० पुच्छा। अज्जो ! अट्ठ अग्गमहिसीओ पन्नत्ताओ, तं जहा कण्हा कण्हराई रामा रामरक्खिया वसू वसुगुत्ता वसुमित्ता वसुंधरा । तत्थ णं एगमेगाए०, सेसं जहा सक्कस्स । ३५. ईसाणस्स णं भंते! देविंदस्स सोमस्स महारण्णो कति० पुच्छा । अज्जो ! चत्तारि अग्गमहिसीओ पन्नत्ताओ, तं जहा पुढवी राती रयणी विज्जू । तत्थ णं०, सेसं जहा सक्कस्स लोगपालाणं । एवं जाव वरुणस्स, नवरं विमाणा जहा चउत्थसए (स० ४ उ० १ सु० ३) । सेसं तं चेव जाव नो चेव णं मेहुणवत्तियं । सेवं भंते ! सेवं भंते! त्ति जाव विहरइ । ।। १०.५॥ ★★★ छट्टो उद्देसओ 'सभा' ★★★ [सु. १. सक्कस्स सुहम्मसभाए वण्णणं ] १. कहि णं भंते! सक्कस्स देविंदस्स देवरण्णो सभा सुहम्मा पन्नत्ता? गोयमा ! जंबुद्दीवे दीवे मंदरस्स पव्वयस्स दाहिणेणं इमीसे रयणप्पभाए एवं जहा रायप्पसेणइज्जे जाव पंच वडेंसगा पन्नत्ता, तं जहा - असोगवडेंसए जाव मज्झे सोहम्मवडेंसए। से णं सोहम्मवडेंसए महाविमाणे अद्धतेरस जोयणसयसहस्साई आयाम - विक्खंभेणं, एवं जह सूरियामे तहेव माणं तहेव उववातो। सक्कस्स य अभिसेओ तहेव जह सूरियाभस्स || १ || अलंकार अच्चणिया तहेव जाव आयरक्ख त्ति, दो सागरोवमाइं ठिती । [ सु. २. सक्कस्स देविंदस्स इडिआईणं परूवणा] २. सक्के णं भंते! देविदे देवराया केमहिडीए जाव केमहासोक्खे ? गोयमा ! हड्डी महासोक्खे, से णं तत्थ बत्तीसाए विमाणावाससयसहस्साणं जाव विहरति, एमहिड्डीए जाव एमहासोक्खे सक्के देविंदे देवराया । सेवं भंते! सेवं भंते! ति० ।। १०.६ ।। सत्तमाइचोत्तीसइमपज्जंता उद्देसा 'उत्तरअंतरदीवा' सु. १. उत्तरिल्लअंतरदीववत्तव्वयाजाणणत्थं जीवाभिगमसुत्तावलोयणनिद्देसो ! १. कहिं णं भंते ! उत्तरिल्लाणं एगोरूयमणुस्साणं एगोरुयदीवे नामं दीवे पन्नत्ते ? एवं जहा जीवाभिगमे तहेव निरवसेसं जाव सुद्धदंतदीवो त्ति । एए अट्ठावीसं उद्देसगा भाणियव्वा । सेवं भंते ! सेवं भंते ! त्ति जाव विहरति । ।१०.७-३४ ॥ ★★★ ।दसमं सयं समत्तं ॥ १०॥ ★★★ एक्कारस्स सयं [सु. १. एगारससयस्स बारसउद्देसनामसंगहगाहा ] १. उप्पल १ सालु २ पलासे ३ कुंभी ४ नालीय ५ पउम ६ कण्णीय ७ । नलिण ८ सिव ९ लोग १० कालाऽऽलभिय ११-१२ दस दो य एक्कारे || १ || ★ ★ ★ पढमो उद्देसओ 'उप्पल' ★★★ [सु. २. पढमुद्देसस्स दारसंगहगाहाओ] २. उववाओ १ परिमाणं २ अवहारुच्चत्त ३-४ बंध ५ वेदे ६ य । उदए ७ उदीरणाए ८ लेसा ९ दिट्ठी १० य नाणे १९ य ॥ २ ॥ जोगुवओगे १२-१३ वण्ण रसमाइ १४ ऊसासगे १५ य आहारे १६ । विरई १७ किरिया १८ बंधे १९ सण्ण२० कसायित्थि २१-२२ बंधे २३ य ॥ ३॥ सण्णिदिय २४-२५ अणुबंधे २६ संवेहाऽऽहार २७-२८ ठिइ २९ समुग्धाए ३० । चयणं ३१ मूलदीसु य उववाओ सव्वजीवाणं ३२ ॥४॥ [सु. ३. पढमुद्देसस्सुवुग्घाओ] ३. तेणं कालेणं तेणं समएणं रायगिहे जाव पज्जुवासमाणे एवं वदासी- [सु. ४. उप्पलपत्ते एग- अणेगजीववियारो] ४. उप्पले णं भंते! एगपत्तए किं एगजीवे अणेगजीवे ? गोयमा ! एगजीवे, नो अणेगजीवे। तेण परं जे अन्ने जीवा उववज्जंति ते
jainelibrary.or
For Private & Personal Use Only 202
[ १५६ ]
CCFFELELELELELELELELE offer