Page Text
________________
(५) भगवई ७ मतं उद्देसक ७.८ [१०]
********KKKKKK
पडुच्च । (३) चउरिदियाणं पुच्छा। गोयमा ! चउरिदिया कामी वि भोगी वि। से केणट्टेणं जाव भोगा वि ? गोयमा ! चक्खिदियं पडुच्च कामी, घाणिदियजिब्मिदिय-. फासिदियाइं पडुच्च भोगी । से तेणद्वेणं जाव भोगी वि । १८. अवसेसा जहा जीवा जाव वेमाणिया । [ सु. १९. कामभोग - नोकामि- नोभोगि-भोगीणं जीवाणमप्पाबहुयं ] १९. एतेसि णं भंते! जीवाणं कामभोगीणं, नोकामीणं, नोभोगीणं, भोगीण य कतरे कतरेहिंतो जाव विसेसाहिया वा ? गोयमा ! सव्वत्थोवा जीवा कामभोगी, नोकामी नोभोगी अनंतगुणा, भोगी अनंतगुणा । [सु. २०-२३. भवियदेव-भवियआहोहिय-भवियपरमाहोहिय- भवियकेवलीणं खीणदेहाणं मणुस्साणं भोगित्तपरूवणा] २० छउमत्थे णं भंते! मणुस्से जे भविए अन्नयरेसु देवलोएसु देवत्ताए उववज्जित्तए, से नूणं भंते! से खीणभोगी नो पभू उट्ठाणेणं कम्मेणं बलेणं वीरिएणं पुरिसक्कारपरक्कमेणं विउलाई भोगभोगाइं भुंजमाणे विहरित्तए, से नूणं भंते! एयमहं एवं वयह ? गोयमा ! णो इणठ्ठे समठ्ठे, पभू णं से उट्ठाणेण वि कम्मेण वि
5555555
विवरण व पुरिसक्कारपरक्कमेण वि अन्नयराइं विपुलाई भोगभोगाई भुंजमाणे विहरित्तए, तम्हा भोगी, भोगे परिच्चयमाणे महानिज्जरे महापज्जवसाणे भवति । २१. आहोहिए णं भंते ! मणुस्से जे भविए अन्नयरेसु देवलोएसु०, एवं चेव जहा छउमत्थे जाव महापज्जवसाणे भवति । २२. परमाहोहिए णं भंते! मणुस्से जे भविए तेणं चेव भबग्गहणेणं सिज्झित्तए जाव अंतं करेत्तए, से नूणं भंते! से खीणभोगी० सेसं जहा छउमत्थस्स । २३. केवली णं भंते! मणूसे जे भविए तेणं चेव भवग्गहणेणं० एवं चेव जहा परमाहोहिए जाव महापज्जवसाणे भवति । [सु. २४. असण्णीणं अकामनिकरणवेदणापरूवणा] २४. जे इमे भंते ! असण्णिणो पाणा, तं जहा पुढविकाइया जाव वणस्सतिकाइया छट्टा य एगइया तसा, एते णं अंधा मूढा तमं पविट्ठा तमपडलमोहजालपलिच्छन्ना अकामनिकरणं वेदणं वेदेतीति वत्तव्वं सिया ? हंता, गोयमा ! जे इमे असण्णिणो पाणा जाव वेदणं वेदेंतीति वत्तव्वं सिया । [ सु. २५-२६. रुवाइदंसणसमत्थस्स वि हेउनिद्देसपुव्वयं अकामनिकरणवेदणापरूवणा] २५. अत्थि णं भंते! पभू वि अकामनिकरणं वेदणं वेदेति ? हंता, गोयमा ! अत्थी । २६. कहं णं भंते! पभू वि अकामनिकरणं वेदणं वेदेति ? गोतमा ! जे णं णोपभू विणा पदीवेणं अंधकारंसि रूवाइं पासित्तए, जे णं नोपभू पुरतो रुवाई अणिज्झाइत्ताणं पासित्तए, जेणं नोपभू मग्गतो रुवाई अणवयक्खित्ताणं पासित्तए, जे णं नोपभू पासतो रुवाई अणवलोएत्ताणं पासित्तए, जेणं नोपभू उडुंरूवाइं अणालोएत्ताणं पसित्तए, जे णं नोपभू अहे रुवाई अणालोएत्ताणं पसित्तए, एस णं गोतमा ! पभू वि अकामनिकरणं वेदणं वेदेति । [ सु. २७-२८. रुवाइदंसणसमत्थस्स वि हेउनिद्देसपुव्वयं पकामनिकरणवेदणपरूवणा] २७. अत्थि णं भंते! पभू वि पकामनिकरणं वेदणं वेदेति ? हंता, अत्थि । २८. कहं णं भंते! पभू वि पकामनिकरणं वेदणं वेदेति ? गोयमा ! जे णं नोपभू समुद्दस्स पारं गमित्तए, जे णं नो पभू समुद्दस्स पारगताई रुवाई पासित्तए, जेणं नोपभू देवलोगं गमित्तए, जेणं नो पभू देवलोगगताई रुवाई पासित्तए एस णं गोयमा ! भूि पकामनिकारणं वेदणं वेदेति । सेवं भंते ! सेवं भंते ! ति० ॥ ★★★ ॥ सत्तमस्स सत्तमो उद्देसओ समत्तो ।। ७.७ ।। अट्टमो उद्दसो 'छउमत्थ' ★★★ [सु. १. छउमत्थाइ-केवलीणं कमसो असिज्झणाइ - सिज्झणाइपरूवणनिद्देसो ] १. छउमत्थे णं भंते ! मणूसे तीयमणंतं सासयं समयं केवलेणं संजमेणं एवं जहा पढमसते चउत्थे उद्देसए (सु. १२-१८) तहा भाणियव्वं जाव अलमत्थु । [सु. २. हत्थि कुंथूणं समजीवत्तपरूवणे रायपसेणइज्जसुत्तनिद्देसो] २. से णूणं भंते ! हत्थिस्स य कुंथुस्स य समे चैव जीवे ? हंता, गोयमा ! हत्थिस्स य कुंथुस्स य एवं जहा रायपसेणइज्जे जाव खुडियं वा, महालियं वा, से तेणट्टेणं गोयमा ! जाव समे चेव जीवे। [सु. ३-४. चउवीसदंडएसु पावकम्मकरण निज्जिणणाई पडुच्च कमसो दुह-सुहपरूवणं ] ३. नेरइयाणं भंते! पावे कम्मे जे य कडे, जे यकज्जति, जे य कज्जिस्सति सव्वे से दुक्खे ? जे निज्जिण्णे से णं सुहे ? हंता, गोयमा ! नेरइयाणं पावे कम्मे जाव सुहे । ४. एवं जाव वेमाणियाणं । [सु. ५-६. चउवीसदंडएसु दसविहसण्णापरूवणा] ५. कति णं भंते ! सण्णाओ पण्णत्ताओ ? गोयमा ! दस सण्णाओ पण्णत्ताओ, तं जहा आहारसण्णा १ भयसण्णा २ मेहुणसण्णा ३ परिग्गहसण्णा ४ कोहसण्णा ५ माणसण्णा ६ मायासण्णा ७ लोभसण्णा ८ ओहसण्णा ९ लोगसण्णा १० । ६. एवं जाव वेमाणियाणं । [ सु. ७. नेरइएस दसविहवेयणापरूवणा] ७. नेरइया दसविहं वेयणं पच्चणुभवमाणा विहरंति, तं जहा सीतं उसिणं खुहं पिवासं कंडुं परज्झं जरं दाहं भयं सोगं । [ सु. ८. ॐॐॐॐॐॐ श्री आगमगुणमंजूषा ३०५
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |