Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 307

Fox99555555555
() समवायगसुत्त • सगण · वये - कुलकर भारया तित्थकर पिउ - माउ वण्णाआ।३१)
फफफफफका
C%明明明明明明明明明明明明明明明明明明明明明明明明明明明明明听听听听听听乐听听听听听听听听听听乐观
पण्णत्ते ? गोयमा ! छविहे संठाणे पण्णत्ते, तंजहा समचउरंसे, णग्गोहपरिमंडले, साति, खुज्जे, वामणे, हुंडे । णेरइया णं भंते ! किं [संठाणी पण्णत्ता ?] गोयमा ! हुंडसंठाणी पण्णत्ता। असुरकुमारा [णं भंते] ! किं[संठाणी पण्णत्ता ?] गोयमा ! समचउरंससंठाणसंठिया पण्णत्ता जाव थणिय त्ति । पुढवि[काइया] मसूरयसंठाणा पण्णत्ता । आऊ [काइया] थिबुयसंठाणा पण्णत्ता । तेऊ [काइया] सूइकलावसंठाणा पण्णत्ता । वाऊ [काइया] पडातियासंठाणा पण्णत्ता । वणप्फति [काइया] णाणासंठाणसंठिता पण्णत्ता । बेतिया तेतिया चउरिदिया संमुच्छिमपंचेदियतिरिक्खजोणिया हुंडसंठाणा पण्णत्ता । गब्भवक्वंतिया छव्विहसंठाणा [पण्णत्ता] । सम्मुच्छिममणूसा हुंडसंठाणसंठिता पण्णत्ता । गब्भवक्कंतियाणं [मणूसाणं] छव्विहा संठाणा [पण्णत्ता] | जहा असुरकुमारा तहा वाणमंतरा जोतिसिया वेमाणिया [१५६] कतिविहे णं भंते ! वेए पण्णत्ते? गोयमा ! तिविहे वेए पण्णत्ते, तंजहा इत्थिवेदे पुरिसवेदे णपुंसगवेदे। रतियाणं भंते १ किं इत्थिवेए पुरिसवेए णपुंसगवेए पण्णत्ते ? गोयमा ! णो इत्थि [वेदे], णो पुंवेदे, णपुंसगवेदे [पण्णत्ते] । असुरकुमा [राणं भंते] ! किं [इत्थिवेए पुरिसवेए णपुसंगवेए पण्णत्ते ] ? गोयमा ! इत्थि [ए], पुमं वेए], णो णपुंसग [ए] जाव थणिय त्ति । पुढवि [काइया] आउ[काइया] तेउ[काइया] वाउ[काइया] वण [प्फति काइया] बे [इंदिया] ते [इंदिया] चउ[रिदिया] संमुच्छिमपंचेदियतिरिक्ख[जोणिया] संमुच्छिममणूसा णपुंसगवेया। गब्भवक्कंतियमणूसा पंचेदियतिरिया तिवेया। जहा असुकुमारा तहा वाणमंतरा जोतिसिया वेमाणिया।[१५७] तेणं कालेणं तेणं समएणं कप्पस्स समोसरणं णेतव्वं जाव गणहरा सावच्चा हिरवच्चा वोच्छिन्ना । जंबुद्दीवेणं दीवे भारहे वासे तीताए उस्सप्पिणीते सत्त कुलकरा होत्था, तंजहा मित्तदामे सुदामे य, सुपासे य सयंपभे। विमलघोसे सुघोसे य, महाघोसे य सत्तमे ॥७४|| जंबुद्दीवे णं दीवे भारहे वासे तीताए उस्सप्पिणीए दस कुलकरा होत्था, तंजहा सतज्जले सताऊ य, अजितसेणे अणंतसेणे य । कक्कसेणे भीमसेणे, महासेणे य सत्तमे ॥७५|| दढरहे दसरहे सतरहे । जंबुद्दीवे णं दीवे भारहे वासे इमीसे ओसप्पिणीए समाते सत्त कुलगरा होत्था, तंजहा पढमेत्थ विमलवाहण० [चक्खुम जसमं चउत्थमभिचंदे । तत्तो पसेणईए मरुदेवे चेव नाभी य ॥७६||] गाहा । एतेसि णं सत्तण्हं कुलगराणं सत्त भारियातो होत्था, तंजहा चंदजस चंद० [कंता सुरुव पडिरूव चक्खुकंता य । सिरिकता मरुदेवी कुलगरपत्तीण णामाई ॥७७||] गाहा । जंबुद्दीवे णं दीवे भारहे वासे इमीसे णं ओसप्पिणीए चउवीसं तित्थकराण पितरो होत्था, तंजहा णाभी जियसतू या० जियारी संवरे इ य । मेहे धरे पइटे य महसेणे य खत्तिए॥७८|| सुग्गीवे दढरहे विण्हू वसुपुज्जे य खत्तिए। कयवम्मा सीहसेणे य भाणू विस्ससेणे इय ॥७९|| सूरे सुदंसणे कुंभे सुमित्तविजए समुद्दविजये य । राया य आससेणे सिद्धत्थे च्चिय खत्तिए ।।८०|| गाहा। उदितोदितकुलवंसा विसुद्धवंसा गुणेहिं उववेया। तित्थप्पवत्तयाणं एते पितरो जिणवराणं ॥८१|| जंबुद्दीवे एवं मातरो मरुदेवा० विजय सेणा सिद्धत्था मंगला सुसीमा य। पुहई लक्खण रामा नंदा विण्हू जया सामा ||८|| सुजसा सुव्वय अइरा सिरि देवी य पभावई। पउमावती य वप्पा सिव वम्मा तिसिला इय ॥८३|| गाहातो। जंबुद्दीवेणं दीवे भारहे वासे इमीसे ओसप्पिणीए चउवीसं तित्थकरा होत्था, तंजहा उसभ १ अजित २ जाव वद्धमाणो २४ य। एतेसिंचउवीसाए तित्थकराणं चउवीसं पुव्वभविया णामधेज्जा होत्था, तंजहा पढमेत्थ वतिरणाभे विमले तह विमलवाहणे चेव । तत्तो य धम्मसीहे सुमित्त तह धम्ममित्ते य ॥८४|| सुंदरबाहू तह दीहबाहु जुगबाहु लट्ठबाहू य । दिण्णे य इंददिण्णे सुंदर माहिंदरे चेव ।।८५।। सीहरहे मेहरहे रुप्पी य सुदंसणे य बोधव्वे । तत्तो य णंदणे खलु सीहगिरी चेव वीसत्तिमे ॥८६|| अद्दीणसत्तु संखे सुदंसणे णंदणे य बोधव्वे। ओसप्पिणीए एते तित्थकराणं तु पुव्वभवा ।।८७|| एतेसिणं चउवीसाए तित्थयराणं चउवीसं सीयाओ होत्था, तंजहा सीया सुदंसणासुप्पभा य सिद्धत्थ सुप्पसिद्धा है य। विजया य वेजयंती जयंती अपराजिया ।।८८|| अरुणप्पभ सूरप्पभ सुंकप्पभ अग्गि सप्पभा चेव । विमला य पंचवण्णा सागरदत्ता तह णागदत्ता य ॥८९।। अभयकर णिव्वुतिकरी मणोरमा तह मणोहराचेव। देवकुरु उत्तरकुरा विसाल चंदप्पभा सीया।।९०॥ एतातो सीयातो सव्वेसिंचेव जिणवरिंदाणं । सव्वजगवच्छलाणं
सव्वोतुकसुभाए छायाए ॥९१।। पुव्विं उक्खित्ता माणुसेहिं सा हट्ठरोमकूवेहिं । पच्छा वहति सीयं असुरिंद-सुरिंद-नागिंदा ।।९२|| चलचवलकुंडलधरा २ सच्छंदविउव्वियाभरणधारी । सुर-असुरवंदियाणं वहति सीयं जिणिदाणं ।।९३।। पुरतो वहंति देवा नागा पुण दाहिणम्मि पासम्मि । पच्चत्थिमेण असुरा गरुला पुण xero 5 5555555555 श्री आगमगुणमंजूषा २०२१२ 5555555555555555
5
SOF听听听听听听听听听听听听听听听听听听听听听听乐乐乐乐玩玩乐乐乐乐乐乐乐乐乐乐乐乐乐乐乐乐乐乐乐TG