Page Text
________________
(४) समवायंगसुतं २१ २२ २३ द्वाणं [११]
फ्र । णियट्टिबादरस्स णं खवितसत्तयस्स मोहणिज्जस्स एक्कवीस कम्मंसा संतकम्मं पण्णत्ता, तंजहा अपच्चक्खाणकसाए कोहे, एवं माणे माया लोभे । पच्चक्खाणकसाए को, एवं माणे माया लोभे । संजलणे कोधे, एवं माणे माया लोभे । इत्थवेदे, पुमवेदे, णपुंसयवेदे, हासे अरति, रति, भय, सोके, दुगुंछा। एक्कमेक्काए णं ओसप्पिणीए पंचम-छट्ठीतो समातो एक्कवीसं एक्कवीसं वाससहस्साइं कालेणं पण्णत्तातो, तंजहा दूसमा, दूसमदूसमा य । एगमेगाए णं उस्सप्पिणीए पढम-बितियातो समातो एक्कवीसं एक्कवीसं वाससहस्साइं कालेणं पण्णत्तातो, तंजहा दुसमदूसमा, दूसमा य । ( २ ) इमीसे णं रयणप्पभाए पुढवीए अत्थेगतियाणं नेरइयाणं एक्कवीसं पलिओ माई ठिती पण्णत्ता। छट्टीए पुढवीए अत्थेगतियाणं नेरइयाणं एक्कवीसं सागरोवमाइं ठिती पण्णत्ता। असुरकुमाराणं देवाणं अत्थेगतियाणं एक्कवीसं पलिओवमाइं ठिती पण्णत्ता | सोहम्मीसाणेसु कप्पेसु अत्थेगतियाणं देवाणं एक्कवीसं पलिओवमाई ठिती पण्णत्ता । आरणे कप्पे देवाणं उक्कोसेणं एक्कवीसं सागरोवमाई ठिती पण्णत्ता । अच्चुते कप्पे देवाणं जहण्णेणं एक्कवीसं सागरोवमाइं ठिती पण्णत्ता । (३) जे देवा सिरिवच्छं सिरिदामगंडं मल्लं किट्ठि चावोण्णतं आरणवडेंसंगं विमाणं देवत्ता उववण्णा तेसि णं देवाणं एक्कवीसं सागरोवमाई ठिती पण्णत्ता । ते णं देवा एकवीसाए अद्धमासाणं आणमंति वा पाणमंति वा ऊससंति वा नीससंति वा । तेसिणं देवाणं एक्कवीसाए वाससहस्सेहिं आहारट्ठे समुप्पज्जति । (४). संतेगतिया भवसिद्धिया [जीवा जे एक्कवीसाए भवग्गहण्णेहिं सिझस्संति] जाव सव्वदुक्खाणमंत ] करेस्संति।। [२२] ★★★ (१) बावीसं परीसहा पण्णत्ता, तंजहा दिगिंछापरीसहे १, पिवासापरीसहे २, सीतपरीसहे ३, उसिणपरीसहे ४, दंसमसगफासपरीसहे ५, अचेलपरीसहे ६, अरतिपरीसहे ७, इत्थिपरीसहे ८, चरियापरीसहे ९, णिसीहियापरीसहे १०, सेज्जापरीस ११, अक्कोसपरीसहे १२, वधपरीसहे १३, जायणपरीस १४, अलाभपरीसहे १५, रोगपरीसहे १६, तणपरीसहे १७, जल्लपरीसहे १८, सक्कारपुरक्कारपरीसहे १९, अण्णाणपरीसहे २० दंसणपरीसहे २१, पण्णापरीसहे २२ । दिट्ठिवायस्स णं बावीसं सुत्ताइं छिन्नछेयणयियाई ससमयसुत्तपरिवाडीए, बावीस सुत्ताइं अच्छिन्नछेयणयियाइं आजीवियसुत्तपरिवाडीए, बावीसं सुत्ताइं तिकणइयाइं तेरासियसुत्तपरिवाडीए, बावीसं सुत्ताइं चउक्कणइयाइं ससमयसुत्तपरिवाडीए। बावीसतिविधे पोग्गलपरिणामे पण्णत्ते, तंजहा कालयवण्णपरिणामे, नीलवण्णपरिणामे, लोहियवण्णपरिणामे, हालिद्दवण्णपरिणामे, सुक्किलवण्णपरिणामे । सुब्भिगंधपरिणामे, एवं दुब्भिगंधे वि | तित्तरसपरिणामे, एवं पंच वि रसा । कक्खडफासपरिणामे मउयफासपरिणामे, गुरुफासपरिणामे, लहुफासपरिणामे, सीतफासपरिणामे, उसिणफासपरिणामे, णिद्धफासपरिणामे, लुक्खफासपरिणामे, गरुयलहुयपरिणामे, अगरुयलहुयपरिणामे । (२) इमीसे णं रयणप्पभाए पुढवीए अत्थेगतियाणं नेरइयाणं बावीसं पलिओ माई ठिती पण्णत्ता । छट्ठी पुढवीए णेरइयाणं उक्कोसेणं बावीसं सागरोवमाई ठिती पण्णत्ता । अहेसत्तमाए णं पुढवीए नेरइयाणं जहण्णेणं बावीसं सागरोवमाई ठिती पण्णत्ता । असुरकुमाराणं देवाणं अत्थेगतियाणं बावीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं बावीसं पलिओवमाई ठिती पण्णत्ता । अच्चुत्ते कप्पे देवाणं उक्कोसेणं बावीसं सागरोवमाइं ठिती पण्णत्ता। हेट्ठिमहेट्ठिमगेवेज्जाणं देवाणं जहणणेणं बावीसं सागरोवमाई ठिती पण्णत्ता । (३) जे देवा महितं विस्सुत्तं विमलं पभासं वणमालं अच्चुत्तवडेंसगं विमाणं देवत्ताते उववण्णा तेसिं णं देवाणं [उक्कोसेणं ?] बावीसं सागरोवमाई ठिती पण्णत्ता । ते णं देवा बावीसं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं बावीसाए वाससहस्सेहिं आहारट्ठे समुप्पज्जति । (४) संतेगतिया भवसिद्धिया जीवा जे बावीसाए भवग्गहणेहिं सिज्झिस्संति जाव सव्वदुक्खाणं अंतं करेस्संति ॥[२३]★★★ (१). तेवीसं सूयगडज्झयणा पण्णत्ता, तंजहा सम १, वेतालिएर, उवसग्गपरिण्णा ३, थीपरिण्णा ४, नरयविभत्ती ५, महावीरथुई ६, कुसीलपरिभासिते ७, वीरिए ८, धम्मे ९, समाही १०, मग्गे ११, समोसरणे १२, आहत्तहिए १३, गंथे १४, जमतीते १५, गाथा १६, पुंडरीए १७, किरियट्ठाणे १८, आहारपरिण्णा १९, पच्चक्खाणकिरिया २०, अणगारसुतं २१, अद्दइज्जं २२, णालंदतिज्जं २३ । (२). जंबुद्दीवे णं दीवे भारहे वासे इमीसे ओसप्पिणीए तेवीसाए जिणाणं सूरग्गमणमुहुत्तंसि केवलवरनाणदंसणे समुप्पण्णे । जंबुद्दीवे णं दीवे इमीसे ओसप्पिणीए तेवीसं तित्थकरा पुव्वभवे एक्कारसंगिणो होत्था, तंजहा अजित संभव अभिनंदण जाव पासो वद्धमाणो य । उसभे णं अरहा कोसलिए
GRO
Deoश्री आगमगुणमंजूषा - १८८
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |