Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 269

溪
(३) ठाणं
१० अ. दसठ्ठाणं [ ७८ ]
लाभासंसप्पओगे, पूयासंसप्पओगे, सक्कारासंसप्पओगे । ७६०. दसविधे धम्मे पन्नत्ते, तंजहा गामधम्मे, नगरधम्मे, रट्ठधम्मे, पासंडधम्मे, कुलधम्मे, गणधम्मे, संघधम्मे, सुतधम्मे, चरित्तधम्मे, अत्थिकायधम्मे । ७६१. दस थेरा पन्नत्ता, तंजहा गामथेरा, नगरथेरा, रट्ठथेरा, पसत्थारथेरा, कुलथेरा, गणथेरा, संघथेरा, जातिथेरा, सुतथेरा परितागथेरा । ७६२. दस पुत्ता पन्नत्ता, तंजहा अत्तते, खेत्तते, दिन्नते, विन्नते, ओरसे, मोहरे, सोडीरे, संवुड्ढे, ओववातिते, धम्मंतेवासी । ७६३. केवलिस्स णं दस अणुत्तरा पन्नत्ता, तंजहा अणुत्तरे णाणे, अणुत्तरे दंसणे, अणुत्तरे चरित्ते, अणुत्तरे तवे, अणुत्तरे वीरिते, अणुत्तरा खंती, अणुत्तरा मुत्ती, अणुत्तरे अज्जवे, अणुत्तरे मद्दवे, अणुत्तरे लाघवे । ७६४. समतखेत्ते णं दस कुरातो पन्नत्ताओ, तंजहा पंच देवकुरातो पंच उत्तरकुरातो । तत्थ णं दस महतिमहालया महादुमा पन्नत्ता, तंजहा जंबू सुंदसणा, घाततिरुक्खे, महाघाततिरुक्खे, पउमरूक्खे, महापउमरुक्खे, पंच कूडसामलीओ । तत्थ णं दस देवा महिड्डिता जाव परिवसंति, तंजहा अणाढिते जंबुद्दीवाधिपती, सुंदसणे, पियदंसणे, पोंडरीते, महापोंडरीते, पंच गरुला वेणुदेवा १० । ७६५. दसहिं ठाणेहिं ओगाढं दुस्समं जाणेज्ना, तंजहा अकाले वरिसति, काले ण वरिसति, असाधू पुज्नति, साधू ण पुज्नंति, गुरुसु जणो मिच्छं पडिवन्नो, अमणुण्णा सद्दा जाव फासा । दसहिं ठाणेहिं ओगाढं सुसमं जाणेज्जा, तंजा अकाले ण वरिसति, तं चेव विवरीतं जाव मणुण्णा फासा । ७६६. सुसमसुसमाए णं समाए दसविधा रुक्खा उवभोगत्ताए हव्वमागच्छंति, तंजहा मत्तंगता त मिंगा, तुडतंगा दीव - जोति-चित्तंगा । चित्तरसा मणियंगा, गेहागारा अणितणा त ॥ १७२ ॥ ७६७. जंबूदीवे दीवे भरहे वासे तीताते उसप्पिणीते दस कुलगरा होत्था, तंजहा -“सयज्जले सताऊ य अणंतसेणे त अजितसेणे त । कक्कसेणे भीमसेणे महाभीमसेणे त सत्तमे ॥ १७३॥ दढरहे दसरहे सतरहे || जंबूदीवे दीवे भरहे वासे आगमेसाते उसप्पिणीए दस कुलगरा भविस्संति, तंजहा सीमंकरे, सीमंधरे, खेमंकरे, खेमंधरे, विमलवाहणे, संमुती, पडिसुते, दढधणू, दसधणू, सतधणू । ७६८. जंबूद्दीवे दीवे मंदरस्स पव्वयस्स पुरत्थिमेणं सीताते महानतीते उभतो कुले दस वक्खारपव्वता पन्नत्ता, तंजहा मालवंते, चित्तकूडे, बंभकूडे जाव सोमणसे । जंबुमंदरपच्चत्थिमेणं सीतोताते महानतीते उभतो कूले दस वक्खारपव्वता पन्नत्ता, तंजहा विज्जुप्पमे जाव गंधमातणे । एवं धायइसंडपुरत्थिमद्धे वि वक्खारा भाणियव्वा जाव पुक्खरखरदीवड्डपच्चत्थिमद्धे । ७६९. दस कप्पा इंदाहिट्ठिया पन्नत्ता, तंजहा सोहम्मे जाव सहस्सारे, पाणते, अच्चुए। एतेसु णं दससु कप्पेसु दस इंदा पन्नत्ता, तंजहा सक्के, ईसाणे जाव अच्चुते । एतेसि णं दसण्हं इंदाणं दस परिजाणिता विमाणा पन्नत्ता, तंजहा पालते, पुप्फते जाव विमले, वरे, सव्वतोभद्दे । ७७०. दसदसमिता रातिंदियसतेणं अद्धछट्ठेहिं य भिक्खासतेहिं अधासुत्ता जाव आराधिता वि भवति । ७७१. दसविधा संसारसमावन्नगा जीवा पन्नत्ता, तंजा पढमसमयएगेदिता, अपढमसमयएगेंदिता, एवं जाव अपढमसमयपंचेदिता । दसविधा सव्वजीवा पन्नत्ता, तंजहा पुढविकातिता जाव वणस्सतिकातिता, बेतिदिता जाव पंचेदिता, अणिदिता । अधवा दसविधा सव्वजीवा पन्नत्ता, तंजहा पढमसमयनेरतिता, अपढमसमयनेरतिता जाव अपढमसमयदेवा, पढमसमयसिद्धा, अपढमसमयसिद्धा । ७७२. वाससताउयस्स णं पुरिसस्स दस दसाओ पन्नत्ताओ, तंजहा -“बाला किड्डा मंदा, बला पन्ना य हायणी । पवंचा पब्भारा, मुंमुही सातणी तधा” ॥१७४।। ७७३. दसविधा तणवणस्सतिकातिता पन्नत्ता, तंजहा मूले, कंदे जाव पुप्फे, फले. बीये । ७७४. सव्वातो वि णं विज्जाहरसेढीओ दस दस जोयणाई विक्खंभेणं पण्णत्तातो । सव्वतो वि णं अभिओगसेढीओ दस दस जोयणाइं विक्खंमेणं पण्णत्तातो । ७७५. गेवेज्जगविमाणा णं दस जोयणसयाई उड्डउच्चत्तेणं पण्णत्ता । ७७६. दसहिं ठाणेहिं सह तेतसा भासं कुज्जा, तंजहा केति तहारूवं समणं वा माहणं वा अच्चासातेज्जा, से य अच्चासातिते समाणे परिकुविते तस्स तेतं निसिरेज्जा, से तं परितावेति, से त्तं परितावेत्ता तामेव सह तेतसा भासं कुज्जा १ । केति तधारूवं समणं वा माहणं वा अच्चासातेज्जा, से य अच्चासातिते समाणे देवे परिकुविए तस्स तेयं निसिरेज्ना, से त्तं परितावेति, से त्तं परितावेत्ता तामेव सह तेतसा भासं कुज्जा २ । केति तहारूवं समणं वा माहणं वा अच्चासातेज्जा, से य
भिक्खुपडिमा
CHOR
Mero श्री आगमगुणमंजूषा १७६ TOR