Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 260

生年
९.अ. नवद्वाणं ६९)
55
। कला आवरणे अन्नाणे, मिच्छापावतणे ति त” ॥ १३१ ॥ ६७९. नव णेउणिता वत्थू पन्नत्ता, तंजहा -"संखाणे निमित्ते कातिते, पोराणे पारिहत्थिते । परपंडित वाति, भूतिकम्मे तिगिच्छिते ॥ १३२॥ ६८०. समणस्स णं भगवतो महावीरस्स णव गणा होत्था, तंजहा गोदासगणे, उत्तरबलितस्सतगणे, उद्देहगणे, चारणगणे, उद्दवातितगणे, विस्सवातितगणे, कामिडितगणे, माणवगणे, कोडितगणे । ६८१. समणेणं भगवता महावीरेण समणाणं णिग्गथाणं णवकोडिपरिसुद्धे भिक्खे पन्नत्ते, तंजहा ण हणति, ण हणावेति, हणंतं णाणुजाणति, ण पतति, ण पतावेति, पतंतं णाणुजाणति, ण किणति, ण किणावेति, किणतं णाणुजाणति । ६८२. ईसाणस्स णं देविंदस्स देवरण्णो वरुणस्स महारन्नो णव अग्गमहिसीओ पन्नत्ताओ। ६८३. ईसाणस्स णं देविंदस्स [देवरण्णो] अग्गमहिसीणं णव पलिओ माई ठिती पन्नत्ता । ईसाणे कप्पे उक्कोसेणं देवीणं णव पलिओवमाई ठिती पन्नता । ६८४. नव देवनिकाया पन्नत्ता, तंजहा सारस्स्यमादिच्चा, वण्ही वरुणा य गद्दतोया य । तुसिता अव्वाबाधा, अग्गिच्चा चेव रिट्ठा य ॥ १३३॥ अव्वाबाहाणं देवाणं नव देवा नव देवसता पन्नत्ता, एवं अग्गिच्चा वि, एवं रिट्ठा वि । ६८५. णव गेवेज्जविमाणपत् पन्नत्ता, तंजहा हेट्ठिमहेट्ठिमगेवेज्जविमाणपत्थडे, हेट्ठिममज्झिमगेवेज्जविमाणपत्थडे, हेट्ठिमउवरिमगेवेज्जविमाणपत्थडे, मज्झिमहेट्ठिमगेवेज्जविमाणपत्थडे, मज्झिममज्झिमगे वेज्जविमाणपत्थडे, मज्झिमउवरिमगे वेज्जविमाणपत्थडे, उवरिमहेट्ठिमगे वेज्जविमाणपत्थडे, उवरिममज्झिमगे वेज्जविमाणपत्थडे, उवरिमउवरिमगेवेज्जविमाणपत्थडे । एतेसि णं णवण्हं गेवेज्जविमाणपत्थडाणं णव नामधिज्जा पन्नत्ता, तंजहा -“भद्दे सुभद्दे सुजाते, सोमणसे पितदरिसणे । सुदंसणे अमोहे य, सुप्पबुद्धे जसोधरे" || १३४|| ६८६. नवविधे आउपरिणामे पत्ते, तंजहा गतिपरिणामे, गतिबंधणपरिणामे, ठितिपरिणामे, ठितिबंधणपरिणामे, उडुंगारवपरिणामे, अधेगारवपरिणामे, तिरितंगारवपरिणामे, दीहंगारवपरिणामे, रहस्संगारवपरिणामे । ६८७. णवणवमिता णं भिक्खुपडिमा एगासीतीते रातिदिएहिं चउहिं य पंचुत्तरेहिं भिक्खासेहिं अधासुत्ता जाव आराहिता तावि भवति । ६८८. णवविधे पायच्छित्ते पन्नत्ते, तंजहा आलोयणारिहे जाव मूलारिहे, अणवट्टप्पारिहे । ६८९. जंबुमंदरदाहिणेणं भरहे दीहवेतड्ढे नव कूडा पन्नत्ता, तंजहा -"सिद्धे भरहे खंडग, माणी वेयड्ड पुण्ण तिमिसगुहा । भरहे वेसमणे या ९, भरहे कूडाण णामाइ " ||१३५|| जंबुमंदरदाहिणेणं निसभे वासहरपव्वते णव कूडा पन्नत्ता, तंजहा -“सिद्धे निसहे हरिवस्स, विदेहे हरि धिती य सीतोदा। अवरविदेहे रूतगे ९, निसभे कूडाण णामाई” ॥१३६॥ जंबुद्दीवे दीवे मंदरपव्वते णंदणवणे णव कूडा पन्नत्ता, तंजहा -“णंदणे मंदरे चेव, निसहे हेमवते रयय रुपए य । सागरचित्ते वइरे, बलकूडे ९ चेव बोद्धव्वे ॥ १३७॥ जंबुद्दीवे दीवे मालवंते वक्खारपव्वते णव कूडा पन्नत्ता, तंजहा -“सिद्धे य मालवंते, उत्तरकुर कच्छ सागरे रयते। सीता त पुण्णणामे, हरिस्सकूडे य बोद्धव्वे ॥ १३८ ॥ जंबूद्दीवे दीवे कच्छे दीहवेयड्डे नव कूडा पन्नत्ता, तंजहा "सिद्धे कच्छे खंडग, माणी वेयड्ड पुन्न तिमिसगुहा। कच्छ वेसमणे या ९, कच्छे कूडाण णामाई” ॥ १३९॥ जंबुद्दीवे दीवे सुकच्छे दीहवेयड्डे णव कूडा पन्नत्ता, तंजहा -“सिद्ध सुकच्छे खंडग, माणी वेयड्ड पुन्न तिमिसगुहा । सुकच्छे वेसमणे ता ९, सुकच्छे कूडाण णामाई” || १४०|| एवं जाव पोक्खलावतिम्मि दीहवेयड्डे, एवं वच्छे दीहवेयड्डे एवं जाव मंगलावतिम्मि दीहवेयड्डे | जंबुद्दीवे दीवे विज्जुप्पभे वक्खारपव्वते नव कूडा पन्नत्ता, तंजहा “सिद्धे य विज्जूणामे, देवकुरा पम्ह कणग सोवत्थी । सीतोदा य सयजले, हरिकूडे ९ चेव बोद्धव्वे ॥ १४१ ॥ जंबुद्दीवे दीवे पम्हे दीहवेयड्डे णव कूडा पन्नत्ता, तंजहा सिद्धे पम्हे खंडग माणी वेयड्ड ॥ १४२ ॥ एवं चेव, जाय सलिलावतिम्मि दीहवेयड्डे । एवं वप्पे दीहवेयड्डे, एवं जाव गंधिलावतिम्मि दीवेढे नव कूडा पन्नत्ता, तंजहा - सिद्धे गंधिले खंडग, माणी वेयड्ड पुन्न तिमिसगुहा। गंधिलावति वेसमणे ९, कूडाणं होति णामाई ॥ १४३॥ एवं सव्वेसु दीहवेयसु दो कूडा सरिसणामगा, सेसा ते चेव । जंबुमंदरउत्तरेणं नेलवंते वासहरे पव्वते णव कूडा पन्नत्ता, तंजहा -“सिद्धे नेलवंत विदेहे, सीता कित्ती त नारिकता त । अवरविदेहे रम्मगकूडे, उवदंसणे ९ चेव ॥१४४॥ जंबुमंदरउत्तरेणं एरवते दीहवेतड्डे नव कूडा पन्नत्ता, तंजहा -“सिद्धेरवए खंडग, माणी वेयड्ड पुण्ण तिमिसगुहा । एरवते वेसमणे ९, एरवते कूडणामाई' || १४५|| ६९०. पासे णं अरहा पुरिसादाणिए वज्जरिसभणारातसंघयणे समचउरंससंठाणसंठिते नव रयणीओ उड्डउच्चत्तेणं होत्था । ६९१. समणस्स भगवतो महावीरस्स तित्यंसि णवहिं जीवेहिं तित्थगरणामगोत्ते कम्मे णिव्वत्तिते, तंजहा सेणितेणं, सुपासेणं, उदातिणा, पोट्टिलेणं ॐ श्री आगमगुणमंजूषा - १६७
(३) ठाण