Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 252

feXOL
MOO%%%% %%%%%%%% %
(३) अल . मतदान (1)
1355889XNSANSAR जावऽच्चुतस्स त्ति नेतव्वं । ५८३. चमरस्स णं असुरिंदस्स असुरकुमाररण्णो दुमस्स पत्ताणिताहिपतिस्स सत्त कच्छाओ पन्नत्ताओ, तंजहा पढमा कच्छा जाव सत्तमा कच्छा | चमरस्स णमसुरिंदस्स असुरकुमाररन्नो दुमस्स पत्ताणिताधिपतिस्स पढमाए कच्छाए चउसढि देवसहस्सा पन्नत्ता, जावतिता पढमा कच्छा तब्बिगुणा दोच्चा कच्छा, जावइया दोच्चा कच्छा तब्बिगुणा तच्चा कच्छा, एवं जाव जावतिता छट्ठा कच्छा तब्बिगुणा सत्तमा कच्छा । एवं बलिस्स वि, णवरं महद्दमे सटुिं देवसाहस्सितो, सेसंतं चेव । धरणस्स एवं चेव, णवरमट्ठावीसं देवसहस्सा, सेसं तं चेव । जधा धरणस्स एवं जाव महाघोसस्स, नवरं पत्ताणिताधिपती अन्ने, ते पुव्वभणिता । सक्कस्स णं देविंदस्स देवरन्नो हरिणेगमेसिस्स सत्त कच्छाओ पन्नताओ, तंजहा पढमा कच्छा एवं जहा चमरस्स तहा जावऽच्चुतस्स, णाणत्तं पत्ताणिताधिपतीणं, ते पुव्वभणिता। देवपरिमाणमिमं सक्कस्स चउरासीति देवसहस्सा, ईसाणस्स असीतिं देवसहस्सा, देवा इमाते गाथाते अणुगंतव्वा- “चउरासीति असीति, बावत्तरि सत्तरीय सट्ठी य । पन्ना चत्तालीसा, तीसा वीसा दस सहस्सा ॥८५|| जावऽच्चुतस्स लहुपरक्कमस्स दस देवसहस्सा जाव जावतिता छट्ठा कच्छा तब्बिगुणा सत्तमा कच्छा। ५८४. सत्तविधे वयणविकप्पे पन्नत्ते, तंजहा आलावे, अणालावे, उल्लावे, अणुल्लावे, संलावे, पलावे, विप्पलावे। ५८५. सत्तविधे विणए पन्नत्ते, तंजहा णाणविणए, दंसणविणए, चरित्तविणए, मणविणए, वतिविणए, कायविणए, लोगोक्यारविणए। पसत्थमणविणए सत्तविधे पन्नत्ते, तंजहा अपावते, असावज्जे अकिरिते, निरूवक्केसे, अणण्हवकरे, अच्छविकरे, अभूताभिसंकणे । अपसत्थमणविणए सत्तविधे पन्नत्ते, तंजहा पावते, सावज्जे, सकिरिते, सउवक्केसे, अण्हवकरे, छविकरे, भूताभिसंकणे । पसत्थवइविणए सत्तविधे पन्नत्ते, तंजहा अपावते, असावज्जे, जाव अभूताभिसंकणे । अपसत्थवइविणते सत्तविधे पन्नत्ते, तंजहा पावते जाव भूताभिसंकणे । पसत्थकातविणए सत्तविधे पन्नत्ते, तंजहा आउत्तं गमणं, आउत्तं ठाणं, आउतं निसीयणं, आउत्तं तुअट्टणं, आउत्तं उल्लंघणं, आउत्तं पल्लंघणं, आउत्तं सविदियजोगजुंजणता । अपसत्थकातविणते सत्तविधे पन्नत्ते, तंजहा अणाउत्तं गमणं जाव अणाउत्तं सव्विदियजोगजुंजणता। लोगोवतारविणते सत्तविधे पन्नत्ते, तंजहा अब्भासवत्तितं, परछंदाणुवत्तितं, कज्जहेउं, कतपडिकतिता, अत्तगवेसणता, देसकालण्णता, सव्वत्थेसु अपडिलोमता । ५८६. सत्त समुग्धाता पन्नत्ता, तंजहा वेदणासमुग्घाते, कसायसमुग्घाते, मारणंतियसमुग्धाते, वेउव्वियसमुग्धाते, तेजससमुग्धाते, आहारगसमुग्धाते केवलिसमुग्घाते । मणुस्साणं सत्त समुग्धाता एवं चेव । ५८७. समणस्स णं भगवतो महावीरस्स तित्थंसि सत्त पवतणनिण्हगा पन्नत्ता, तंजहा बहुरता, जीवपतेसिता, अव्वत्तिता, सामुच्छेइता, दोकिरिता, तेरासिता, अबद्धिता । एतेसि णं सत्तण्हं पवयणनिण्हगाणं सत्त धम्मातरिता होत्था, तंजहा जमाली, तीसगुत्ते, आसाढे, आसमित्ते, गंगे, छलुए, गोट्ठामाहिले । एतेसि णं सत्तण्हं पवयणनिण्हगाणं सत्त उप्पत्तिनगरा होत्था, तंजहा- “सावत्थी, उसभपुरं, सेतविता, मिहिल, उल्लुगातीरं । पुरिमंतरंजि, दसपुर, णिण्हगउप्पत्तिनगराइं ॥८६॥ ५८८. सातावेयणिज्जस्स कम्मस्स सत्तविधे अणुभावे पन्नत्ते, तंजहा मणुन्ना सद्दा, मणुण्णा रूवा जाव मणुन्ना फासा, मणोसुहता, वतिसुहता। असातावेयणिज्जस्स णं कस्मस्स सत्तविधे अणुभावे पन्नत्ते, तंजहा अमणुण्णासहा जाव वतिदुहता। ५८९. महाणक्खत्ते सत्ततारे पन्नत्ते। अभितीयादिता सत्त णक्खता पुव्वदारिता पन्नत्ता, तंजहा अभिती, सवणो, धणिट्ठा, सतभिसता, पुव्वा भद्दवता, उत्तरा भद्दवता, रेवती। अस्सिणितादिता णं सत्त णक्खत्ता दाहिणदारिता, पन्नत्ता, तंजहा अस्सिणी, भरणी, कित्तिता, रोहिणी, मिगसिर, अद्दा, पुणव्वसू । पुस्सादिता णं सत्त णक्खत्ता अवरदारिता पन्नत्ता, तंजहा पुस्सो, असिलेसा, मघा, पुव्वा फग्गुणी, उत्तरा फग्गुणी, हत्थो, चित्ता। सातितातियाणं सत्तणक्खत्ता उत्तरदारिता पन्नत्ता, तंजहा साति, विसाहा, अणुराहा, जेट्ठा, मूलो, पुव्वा, आसाढा, उत्तरा आसाढा। ५९०. जंबूदीवे दीवे सोमणसे वक्खारपव्वते सत्त कूडा पन्नत्ता, तंजहा-"सिद्धे सोमणसे ता, बोद्धव्वे मंगलावतीकूडे
देवकुरु विमल कंचण, विसिट्ठकूडे त बोद्धव्वे" ||८७|| जंबुद्दीवे दीवे गंधमायणे वक्खारपव्वते सत्त कूडा पन्नत्ता, तंजहा-"सिद्धे तगंधमातण, बोधव्वे गंधिलावतीकूडे । उत्तरकुरु फलिहे, लोहितक्ख आणंदणे चेब" ॥८८|| ५९१. बेतिदिताणं सत्त जातीकुलकोडिजोणिपमुहसतसहस्सा पन्नत्ता । ५९२. जीवाणं सत्तट्ठाणनिव्वत्तिते
पोग्गले पावकम्मत्ताते चिणिंसु वा चिणंति वा चिणिस्संति वा, तंजहा नेरतियनिव्वत्तिते जाव देवनिव्वत्तिते। एवं चिण जाव णिज्जरा चेव ।। ५९३. सत्तपदेसिता खंधा Keros 5 555555555555555555 श्री आगमगुणमजूषा - १५९55555555555555555555555556OR
合乐乐听听听听听听听历乐乐乐乐5555乐乐乐乐乐明明明明明明明明明明明明明明明明明历历明明明明明GO