Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 246

CAC%乐乐乐%$$$$$$$乐乐乐乐明乐乐乐明明玩乐乐乐
FROFF4555555555555
(३) ठाणे ६-अ.छट्ठाणं २५)
1555555555ssxxxsxeurog 2 अकम्मभूमीओ पन्नत्ताओ, तंजहा हेमवते, हेरण्णवते, हरिवस्से रम्मगवस्से, देवकुरा, उत्तरकुरा १ । जंबूदीवे दीवे छव्वासा पन्नत्ता, तंजहा भरहे, एरवते, हेमवते,
हेरन्नवए, हरिवस्से, रम्मगवस्से २ जंबूदीवे दीवे छ वासहरपव्वत्ता पन्नत्ता, तंजहा चुल्लहिमवंते, महाहिमवंते, निसढे, नीलवंते, रूप्पी, सिहरी ३ । जंबूमंदरदाहिणेणं छ कूडा पन्नत्ता, तंजहा चुल्लहिमवंतकूडे, वेसमणकूडे, महाहिमवंतकूडे, वेरुलितकूडे, निसढकूडे, रुयगकूडे ४ । जंबूमंदरउत्तरेणं छ कूडा पन्नत्ता, तंजहा नेलवंतकूडे, उवदंसणकूडे, रुप्पिकूडे, मणिकंचणकूडे, सिहरिकूडे, तिगिछिकूडे ५ । जंबूद्दीवे दीवे छ महद्दहा पन्नत्ता, तंजहा पउमदहे, महापउमद्दहे, तिगिछिदहे, केसरिदहे, महापोंडरीयदहे, पुंडरीयदहे ६। तत्थ णं छ देवताओ महिड्डियाओ जाव पलिओवमद्वितीतातो परिवसंति, तंजहा सिरि, हिरि, धिति, कित्ति, बुद्धि, लच्छी ७ । जंबूमंदरदाहिणेणं छ महानदीओ पन्नत्ताओ, तंजहा गंगा, सिंधू, रोहिता, रोहितंसा, हरी, हरिकंता ८ । जंबूमंदरउत्तरेणं छ महानदीतो पन्नत्ताओ, तंजहा नरकंता, नारिकता, सुवन्नकूला, रुप्पकूला, रत्ता, रत्तवती ९ । जंबुमंदरपुरस्थिमेणं सीताते महानदीते उभयकूले छ अंतरनदीओ पन्नत्ताओ, तंजहा गाहावती, दहवती, पंकवती, तत्तयला, मत्तयला, उम्मत्तयला १० । जंबुमंदरपच्चत्थिमेणं सीतोदाते महानदीते उभयकूले छ अंतरनदीओ पन्नत्ताओ, तंजहा खीरोदा, सीहसोता, अंतोवाहिणी, उम्मिमालिणी, फेणमालिणी, गंभीरमालिणी ११ । धायइसंडदीवपुरथिमद्धे णं छ अकम्मभूमीओ पन्नत्ताओ, तंजहा हेमवते, एवं जहा जर्बुद्दीवे जाव अंतरणदीतो २२ जाव पुक्खरवरदीवड्ढपच्चत्थिमद्धे भाणितव्वं ५५। ५२३. छ उडू पन्नत्ता, तंजहा पाउसे, वरिसारत्ते, सरए, हेमंते, वसंते, गिम्हे । ५२४. छ ओमरत्ता पन्नत्ता, तंजहा ततिते पव्वे, सत्तमे पव्वे, एक्कारसमे पव्वे, पन्नरसमे पव्वे, एगूणवीसतिमे पव्वे, तेवीसइमे पव्वे । छ अइरत्ता पन्नत्ता, तंजहा चउत्थे पव्वे, अट्ठमे पव्वे, दुवालसमे पव्वे, सोलसमे पव्वे, वीसइमे पव्वे, चउवीसइमे पव्वे । ५२५. आभिणिबोधियणाणस्स णं छविहे अत्थोग्गहे पन्नत्ते, तंजहा सोइंदियत्थोग्गहे जाव नोइंदियत्थोग्गहे। ५२६. छव्विहे ओहिणाणे पन्नत्ते, तंजहा आणुगामिते, अणाणुगामिते, वड्डमाणते, हायमाणते, पडिवाती, अपडिवाती।५२७. नो कप्पइ निग्गंथाण वा निग्गंथीण वा इमाई छ अवतणाई वदित्तते, तंजहा अलियवयणे, हीलियवयणे, खिसितवयणे, फरुसवयणे, गारत्थियवयणे, विउसवितं वा पुणो उदीरित्तते। ५२८.छ कप्पस्स पत्थारा पन्नत्ता, तंजहा पाणातिवातस्स वायं वयमाणे, मुसावायस्सवादं वदमाणे, अदिन्नादाणस्स वायं वयमाणे, अविरतिवायं वयमाणे, अपुरिसवायं वयमाणे, दासावायं वयमाणे । इच्वेते छ कप्पस्स पत्थारे पत्थरेत्ता सम्ममपरिपूरेमाणे तट्ठाणपत्ते। ५२९. छ कप्पस्स पलिमंथू पन्नत्ता, तंजहा कोकुतिते संजमस्स पलिमंथू, मोहरिते सच्चवयणस्स पलिमंथू, चक्खुलोलुते इरितावहिताते पलिमंथू, तितिणिते एसणागोतरस्स पलिमंथू, इच्छालोभिते मोत्तिमग्गस् पलिमंथू, भिज्जाणिदाणकरणे मोक्खमग्गस्स पलिमंथू । सव्वत्थ भगवता अणिताणता पसत्था । ५३०. छविधा कप्पट्टिती पन्नत्ता, तंजहा सामातितकप्पद्विती, छेदोवठ्ठावणितकप्पद्विती, निव्विसमाणकप्पद्विती, णिव्विट्ठकप्पद्विती, जिणकप्पद्विती, थेरकप्पट्टिती । ५३१. समणे भगवं महावीरे छठेणं भत्तेणं अपाणएणं मुंडे जाव पव्वइए। समणस्सणं भगवओ महावीरस्स छटेणं भत्तेणं अपाणएणं अणंते अणुत्तरे जाव समुप्पन्ने । समणे भगवं महावीरे छटेणं भत्तेणं अपाणएणं सिद्धे जाव सव्वदुक्खप्पहीणे । ५३२. सणंकुमार-माहिदेसु णं कप्पेसु विमाणा छ जोयणसयाइं उर्दउच्चत्तेणं पन्नत्ता । सणंकुमार-माहिदेसु णं कप्पेसु देवाणं भवधारणिज्जगा सरीरगा उक्कोसेणं छ रतणीओ उढुंउच्चत्तेणं पन्नत्ता। ५३३. छविहे भोयणपरिणामे पन्नत्ते, तंजहा मणुण्णे रसिते, पीणणिज्जे, बिहणिज्जे, मयणिज्ने, दप्पणिज्जे । छविहे विसपरिणामे पन्नत्ते, तंजहा डक्के, भुत्ते, निवतिते, मंसाणुसारी, सोणिताणुसारी, अद्विमिंजाणुसारी। ५३४. छव्विहे पट्टे पन्नत्ते, तंजहा संसयपट्टे, वुग्गहपढे, अणुजोगी, अणुलोमे, तहणाणे, अतहणाणे । ५३५. चमरचंचा णं रायहाणी उक्कोसेणं छम्मासा विरहिता उववातेणं । एगमेगे णं इंदट्ठाणे उक्कोसेणं छम्मासे विरहिते उववातेणं । अधेसत्तमा णं पुढवी उक्कोसेणं छम्मासा विरहिता उववातेणं । सिद्धिगती णं उक्कोसेणं छम्मासा विरहिता उववातेणं। ५३६. छव्विधे आउयबंधे पन्नत्ते, तंजहा जातिणामनिधत्ताउले गतिणामणिधत्ताउते, ठितिनामनिधत्ताउते, ओगाहणाणामनिधत्ताउते, पदेसणामनिधत्ताउते, अणुभावणामनिहत्ताउते। नेरतियाणं छविहे ५ आउयबंधे पन्नत्ते, तंजहा जातिणामनिहत्ताउते जाव अणुभाव [नाम] णिहत्ताउए। एवं जाव वेमाणियाणं । नेरइया णियमं छम्मासावसेसाउता परभवियाउयं पगरेति Morc5 5 555555555555 ॥ श्री आगमगुणभंजूषा - १५३5555555
5 555555555555OOK
HO乐乐听听听听听听听听听听听听听乐乐乐听听听听听听听听听听听听听听听听听听听听听听听听听听听听听
乐乐$乐乐$$$乐听听听听听听切$$$$$GO