Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 185

(
(२) सूयगडो बी. सु. ६. अ. अइज्जे [३८]
य बालकिच्चा, रायाभिओगेण कुतो भएणं । वियागरेज्जा पसिणं न वावि, सकामकिच्चेणिह आरियाणं ||१७|| ८०४. गंता व तत्था अदुवा अगंता, वियागरेज्जा समियाssसुप्पणे । अणारिया दंसणतो परित्ता, इति संकमाणो ण उवेति तत्थ ।। १८ ।। ८०५. पण्णं जहा वणिए उदयट्ठि, आयस्स हेउं पगरेति संगं । तउवमे समणे नायपुत्ते, इच्चेव मे होति मती वियक्का ॥ १९ ॥ ८०६. नवं न कुज्जा विहुणे पुराणं, चिच्चाऽमई तायति साह एवं । एत्तावया बंभवति त्ति वुत्ते, तस्सोदयट्ठी सम बेमि ||२०|| ८०७. समारभंते वणिया भूयगामं, परिग्गहं चेव ममायमीणा । ते णातिसंजोगमविप्पहाय, आयस्स हेउं पकरेति संगं ॥ २१ ॥ ८०८. वित्तेसिणो मेहुणसंपगाढा, ते भोयणट्ठा वणिया वयंति । वयं तु कामेसु अज्झोववन्ना, अणारिया पेमरसेसु गिद्धा ||२२|| ८०९. आरंभयं चेव परिग्गहं च, अविउस्सिया णिस्सिय आयदंडा । तेसिं च से उदए जं वयासी, चउरंतणंताय दुहाय णेह ||२३|| ८१०. णेगंत णच्वंतिय उदये से, वयंति ते दो विगुणोदयंमि । से उदए सातिमणंतपत्ते तमुद्दयं साहति ताइ णाती ||२४|| ८११. अहिंसयं सव्वपयाणुकंपी, धम्मे ठितं कम्मविवेगहेउं । तमायदंडेहिं समायरंता, अबोहिए ते पडिरूवमेयं ।।२५।। ८१२. पिण्णागपिंडीमवि विदु सूले, केई पएज्जा पुरिसे इमे त्ति । अलाउयं वावि कुमारए त्ति, स लिप्पती पाणवहेण अम्हं ||२६|| ८१३. अहवा वि विद्धूण मिलक्खु सूले, पिन्नागबुद्धीए णरं पएज्जा । कुमारगं वा वि अलाउए त्ति, न लिप्पती पाणवहेण अम्हं ॥ २७॥ ८१४. पुरिसं व वेळूण कुमारकं वा, सूलंमि केई पए जातते । पिण्णायपिंडी सतिमारुहेत्ता, बुद्धाण तं कप्पति पारणाए ॥२८॥ ८१५. सिणायगाणं तु दुवे सहस्से, जे भोयए णितिए भिक्खुगाणं । ते पुण्णखंधं सुमहऽज्जिणित्ता, भवंति आरोप्प महंतसत्ता ||२९|| ८१६. अजोगरूवं इह संजयाणं, पावं तु पाणाण पसज्झ काउं । अबोहिए दोण्ह वि तं असाहु, वयंति जे यावि पडणंति ॥३०॥ ८१७. उ अहे य तिरियं दिसासु, विण्णाय लिंगं तस थावराणं । भूयाभिसंकाए दुगुंछमाणे, वदे करेज्जा व कुओ विहत्थी ||३१|| ८१८.
वित्त एवमत्थि, अणारिए से पुरिसे तहा हु। को संभवो ? पिन्नगपिंडियाए, वाया वि एसा वुइया असच्चा ॥ ३२ ॥ ८१९. वायाभिओगेण जया हेज्जा, णो तारसं वायमुदाहरेज्जा । अट्ठाणमेयं वयणं गुणाणं, जे दिक्खिते बूय मुरालमेतं ॥ ३३॥ ८२०. लद्धे अहट्ठे अहो एव तुब्भे, जीवाणुभागे सुविचितिए य । पुव्वं समुदं अवरं च पुट्ठे, ओलोइए पाणितले ठिते वा ॥ ३४।। ८२१. जीवाणुभागं सुविचिंतयंता, आहारिया अण्णविहीए सोही । न वियागरे छन्नपओपजीवी, एसोऽणुधम्मो इह संजयाणं ।। ३५।। ८२२. सिणायगाणं तु दुवे सहस्से, जे भोयए नितिए भिक्खुयाणं । असंजए लोहियपाणि से ऊ, णिगच्छती गरहमिहेव लोए ॥ ३६ ॥ ८२३. थूलं उरब्भं इह मारियाणं, उद्दिट्ठभत्तं च पकप्पइत्ता । तं लोणतेल्लेण उवक्खडेत्ता, सपिप्पलीयं पकरेति मंसं ||३७|| ८२४. तं भुंजमाणा पिसितं पभूतं, न उवलिप्पामो वयं रएणं । इच्चेवमाहंसु अणज्जधम्मा, अणारिया बाल रसेसु गिद्धा ||३८|| ८२५. जे यावि भुंजंति तहप्पगारं, सेवंति ते पावमजाणमाणा । मणं न एवं कुसल करेंति, वाया वि एसा बुझता तु मिच्छा ||३९|| ८२६. सव्वेसि जीवाण दयट्टयाए, सावज्जदोसं परिवज्जयंता । तस्संकिणो इसिणो नायपुत्ता, उद्दिट्ठभत्तं परिवज्जयंति ॥४०॥ ८२७. भूताभिसंकाए दुगुंछमाणा, सव्वेसि पाणाणमिहायदंडं । तम्हा ण भुंजंति तहप्पकारं, एसोऽणुधम्मो इह संजयाणं ॥ ४१ ॥ ८२८. निग्गंथधम्मम्मि इमा समाही, अस्सिं सुठिच्चा अणिहे चरेज्जा । बुद्धे मुणी सीलगुणोववेते इच्चत्थतं पाउणती सिलोगं ॥ ४२॥। ८२९. सिणायगाणं तु दुवे सहस्से, जे भोय णितिए माहाणं । ते पुण्णखंधं सुमहऽज्जिणित्ता, भवंति देवा इति वेयवाओ ॥४३॥ ८३०. सिणायगाणं तु दुवे सहस्से, जे भोयए णितिए कुलालयाणं । से गच्छति लोलुवसंपगाढे, तिव्वाभितावी णरगाभिसेवी ॥४४॥ ८३१. दयावरं धम्म दुगुंछमाणे वहावहं धम्म पसंसमाणे । एगं पि जे भोययती असीलं, णिवो(णिधो)णिसं जाति कतो ऽ सुरेहिं ? ||४५|| ८३२. दुहतो वि धम्मम्मि समुट्ठिया मो, अस्सिं सुठिच्चा तह एसकालं । आयारसीले वूइए Sहाणे, संपरायंसि विसेसमत्थि ॥४६॥ ८३३. अव्वत्तरूवं पुरिसं महंतं, सणातणं अक्खयमव्वयं च । सव्वेसु भूतेसु वि सव्वतो सो, चंदो व्व ताराहिं समत्तरूवो ॥४७॥ ८३४. एवं न मिज्जति न संसरति, न माहणा खत्तिय वेस पेस्सा। कीडा य पक्खी य सिरीसिवा य, नरा य सव्वे तह देवलोगा ।।४८।। ८३५. लोयं अजाणित्तिह केवलेणं, कति जे धम्ममजाणमाणा । नासेति अप्पाण परं च णट्ठा, संसार घोरम्मि अणोरपारे ||४९|| ८३६. लोयं विजाणंतिह केवलेणं, पुण्णेण णाणेण समाहिजुत्ता। धम्मं समत्तं च कर्हेत जे उ, तारेति अप्पाण परं च तिण्णा ॥ ५०।। ८३७. जे गरहितं ठाणमिहावसंति, जे यावि लोए चरणोववेया । उदाहडं तं तु समं श्री आगमगुणमंजूषा - १२०
C卐66666666纸纸纸纸纸纸纸纸