Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1763

MO.9555555555555555
$$$
$
$
$$$250
2C%听听听听听听听听听听听听听听听听听听听听听听听听听听听听听听听听听听听听听听垢听听听听听听听听C
मुंडिणं । एयाणि वि न तायंति दस्सीलं परियागयं ।।२१।। १५१. पिंडोलए व्व दुस्सीलो नरगाओ न मुच्चई। भिक्खाए वा गिहत्थे वा सुव्वए कमई दिवं ।।२२।। १५२. अगारिसामाइयंगाई सड्डी कारण फासए। पोसहं दुहओ पक्खं एगराइं न हावए ।।२३।। १५३. एवं सिक्खासमावन्नो गिहवासे वि सुव्वए । मुच्चई छवि-पव्वाओ गच्छे जक्खसलोगयं ॥२४॥ १५४. अह जे संवुडे भिक्खू दोण्हमन्नतरे सिया । सव्वदुक्खप्पहीणे वा देवे वा वि महिड्डिए ।।२५।। १५५. उत्तराई विमोहाइं जुइमंताऽणुपुव्वसो। समाइन्नाइं जक्खेहिं आवासाइं जसंसिणो॥२६।। १५६. दीहाउया इड्डिमंता समिद्धा कामरूविणो। अहुणोववन्नसंकासा भुज्जोअच्चिमालिप्पभा ॥२७|| १५७.ताई ठाणाइं गच्छंति सिक्खित्ता संजमं तवं । भिक्खाए वा गिहत्थे वा जे संतिपरिनिव्वुडा ॥२८॥ १५८. तेसिं सोच्चा सपुज्जाणं संजयाणं वुसीमओ। न संतसंति मरणंते सीलमंता बहुस्सुया ॥२९|| १५९. तुलिया विसेसमादाय दयाधम्मस्स खंतिए। विप्पसीएज्ज मेहावी तहाभूएण अप्पणा |३०|| १६०. तओ काले अभिप्पेए सड्ढी तालिसमंतिए। विणएज्ज लोमहरिसं भेयं देहस्स कंखए॥३१।। १६१. अह कालम्मि आघायाय समुस्सयं । सकाममरणं मरइ तिहमण्णतरं मुणि ॥३शत्ति बेमि ।। ***अकाममरणिज्ज अज्झयणं समत्तं ॥५॥★★★६ छटुं खुड्डागनियंठिज्ज अज्झयणं ★★१६२. जावंतऽविज्जापुरिसा सव्वे ते दुक्खसंभवा । लुप्पंति बहुसो मूढा संसारम्मि अणंतए ||१|| १६३. समिक्ख पंडिए तम्हा पासजाईपडे बहू । अप्पणा सच्चमेसेज्जा मेत्तिं भूएसु कप्पए ||२|| १६४. माया पिया ण्हुसा भाया भज्जा पुत्ता य ओरसा। नालं ते मम ताणाय लुप्पंतस्स सकम्मुणा।।३।। १६५. एयम8 सपेहाए पासे समियदंसणे। छिंद गिद्धिं सिणेहं चन कंखे पुव्वसंथवं ।।४|| १६६. गवासं मणि कुडलं पसवो दास-पोरुसं । सव्वमेयं चइत्ताणं कामरूवी भविस्ससि ॥५॥ १६७. अज्झत्थं सव्वओ सव्वं दिस्स पाणे पियायए। न हणे पाणिणो पाणे भय-वेराओ उवरए ।।६।। १६८. आयाणं निरयं दिस्स नाइएज तणामवि । दोगुंछी अप्पणो पाए दिन्नं भुजेज्ज भोयणं ।।७।। १६९. इहमेगे तु मन्नंति अपच्चक्खाय पावगं । आयरियं विदित्ता णं सव्वदुक्खा विमुच्चई ।।८।। १७०. भणंता अकरता य बंध-मोक्खपइन्निणो । वायाविरिमंत्तेणं समासासेति अप्पयं ।।९।। १७१. न चित्ता तायए भासा, कुओ विज्जाणुसासणं ?। विसंन्ना पावकम्मेहिं बाला पंडियमाणिणो ।।१०|| १७२. जे केइ सरीरे सत्ता वन्ने रूवे य सव्वसो । मणसा काय-वक्केणं सव्वे ते दुक्खसंभवा ॥११॥ १७३. आवण्णा दीहमद्धाणं संसारम्मि अणंतए । तम्हा सव्वदिसं पस्स अप्पमत्तो परिव्वए ॥१२॥ १७४. बहिया उड्डमादाय नावकंखे कयाइ वि । पुव्वकम्मखयट्ठाए इमं देहं समुद्धरे॥१३|| १७५. विविच्च कम्मुणो हेउं कालकंखी परिव्वए । मायं पिंडस्स पाणस्स कडं लभ्रूण भक्खए||१४|| १७६. सन्निहिं च न कुव्वेज्जा लेवमायाए संजए। पक्खी पत्तं समादाय निरवेक्खो परिव्वए।।१५।। १७७. एसणासमिओ लज्जू गामे अनियओ चरे । अप्पमत्तो पमत्तेहिं पिंडवायं गवेसए ।।१६ ।। १७८. एवं से उदाहु अणुत्तरनाणी अणुत्तरदंसी अणुत्तरनाण-दसणधरे अरहा नायपुत्ते भगवं वेसालीए वियाहिए।।१७||त्ति बेमि॥★★★॥खड्डागनियंडिज समत्तं॥६॥★★★७ सत्तमं एलइज्जं अज्झयणं★★★१७९. जहाऽऽएसं समुद्दिस्स कोइ पोसेज एलगं । ओयणं जवसं देज्जा पोसेज्जा विसयंगणे॥१॥ १८०. तओ से पुढे परिव्यूढे जायमेदे महोदरे। पीणिए विपुले देहे आएसंपडिकंखए।।२।। १८१. जाव न एइ आएसेताव जीवइ से दुही। अह पत्तम्मि आएसे सीसं छेत्तूण भुज्जई ।।३।। १८२. जहा खलु से ओरब्भे आएसाय समीहिए। एवं बाले अधम्मिटे ईहई निरयाउयं ।।४।। १८३. हिंसे बाले मूसावाई अद्धाणम्मि विलोवए। अण्णऽदत्तहरे तेणे माई कण्णुहरे सढे ॥५॥ १८४. इत्थीविसयगिद्धे य महारंभपरिग्गहे। भुंजमाणे सुरं मंसं परिवूढे परंदमे ॥६॥ १८५. अयकक्करभोई य तुंदिले चियलोहिए। आउयं निरए कंखे जहाऽऽएस व एलए।।७।। १८६. आसणं सयणं जाणं वित्तं कामे य भुंजिया। दुस्साहडं धणं हेच्चा बहुं संचिणिया रयं ।।८।। १८७. तओ कम्मगुरू जंतू पच्चुप्पण्णपरायणे । अय व्व आगयाऽऽएसे मरणंतम्मि सोयई ।।९।। १८८. तओ आउपरिक्खीणे चुया देहा विहिंसगा। आसुरियं दिसं बाला गच्छंति अवसा तमं ॥१०|| १८९. जहा कागणिए हेउं सहस्सं हारए नरो। अपत्थं अंबगं भोच्चा राया रज्जं तु हारए ||११|| १९०. एवं माणुस्साया कामा देवकामाण अंतिए । सहस्सगुणिया भुज्जो आउं कामा य दिव्विया ||१२|| १९१. अणगेवासानउया जासा
乐听听听听听听听听听听听听听听听听听乐听听听听听听听听听听听听听听听听听听听乐听听听听听听听听听听CTO
Morch
#55555555555555555[ श्री आगमगुणमंजूषा १६४४ 55555555555555555555555 FOTO