Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1759

(४३) उत्तरऽज्झयणं (चउत्थं मूलसुतं १ अज्झयण सिरि उसहदेवसामिस्स णमो । सिरि गोडी - जिराउला - सव्वोदयपासणाहाणं णमो । नमोऽत्थुणं समणस्स भगवओ महइमहावीर वद्धमाणसामिस्स । सिरि गोयम - सोहम्माइ सव्व गणहराणं मणमो । सिरि सुगुरु- देवाणं णमो । उत्तरज्झयणं ॥ अणेयथेरभगवंविरइयाणि उत्तरऽज्झयणाणि ★★★ ? पढमं विणयसुयऽज्झयणं ★★★ १. संजोगा विप्पमुक्कस्स अणगारस्स भिक्खुणो । विणयं पाउकरिस्सामि आणुपुव्विं सुणेह मे || १ || २. आणानिद्देसकरे गुरूणमुववायकारए । इंगियाकारसंपन्ने से विणीए त्ति वुच्चई ||२|| ३. आणाऽनिद्देसकरे गुरूणमणुववायकारए। पडणीए असंबुद्धे अविणीए ति वुच्चई ||३|| ४. जहा सुणी पूइकण्णी णिक्कसिज्जइ सव्वसो । एवं दुस्सीलपडणीए मुहरी निक्कसिज्ज || ४ || ५. कणकुंडगं जहित्ताणं विद्वं भुंजइ सूयरे । एवं सीलं दुस्सीले रमई मिए ||५|| ६. सुणियाऽभावं साणस्स सूयरस्स नरस्स य। विणए ठवेज्ज अप्पाणं इच्छंतो हियमप्पणो || ६ || ७. तम्हा विणयमेसेज्जा सीलं पडिलभेज्जओ । बुद्धवुत्ते नियागट्ठी न निक्कसिज्जइ कण्हुई ||७|| ८. निसंते सियाऽमुहरी बुद्धाणं अंतिए सया । अत्थुजुत्ताई सिक्खेज्जा, निरत्याणि उ व ॥ ८ ॥ ९. अणुसासिओ न कुप्पेज्जा, खंतिं सेवेज्ज पंडिए । खुड्डेहिं सह संसग्गिं हासं कीडं च वज्जए || ९ || १०. मा य चंडालियं कासी, बहुयं मा य आलवे । काले य अहिज्जित्ता तओ झाएन एक्कओ ।।१०।। ११. आहच्च चंडालियं कट्टु न निण्हवेज्ज कयाइ वि । कडं कडे त्ति भासेज्जा अकडं नोकडे त्तिय ॥११॥ १२. मा गलिअस्से व कसं वयणमिच्छे पुणो पुणो । कसं व दट्टुमाइने पावगं परिवज्जए ||१२|| १३. अणासवा थूलवया कुसीला मिउं पि चंडं पकरेति सीसा । चित्ताणुया लहु दक्खोववेया पसायए ते हु दुरासयं पि ॥ १३ ॥ १४. नापुट्ठो वागरे किंचि पुट्ठो वा नालियं वए । कोहं असच्चं कुव्वेज्जा धारेज्जा पियमप्पियं ॥ १४॥ १५. अप्पा चेव दमेयव्वो अप्पा हु खलु दुद्दमो || अप्पा दंतो सुही होइ अस्सिं लोए परत्थ य || १५ || १६. वरं मे अप्पा दंतो संजमेण तवेण य । मा हं परेहि दम्मंतो बंधणेहिं वहेहिं य ।। १६ ।। १७. पडणीयं च बुद्धाणं वाया अदुव कम्मुणा । आवी वा जइ वा रहस्से नेव कुज्जा कयाइ वि || १७|| १८. न पक्खओ न पुरओ नेव किच्चाण पिट्ठओ । न जुंजे ऊरुणा ऊरुं सयणे णो पडिस्सुणे ॥१८॥ १९. नेव पल्हत्थियं कुज्जा पक्खपिंडं व संजए। पाए पसारिए वा वि न चिट्ठे गुरुणंतिए ||१९|| २०. आयरिएहिं वाहिंतो तुसिणीओ न कयाइ वि । पसायपेही नियायट्ठी उवचिट्ठे गुरुं सया ||२०|| २१. आलवंते लवंते वा न निसिज्जा कयाइ वि । चइऊण आसणं धीरो जओ जत्तं पडिस्सुणे || २१ || २२. आसणगओ न पुच्छेज्जा नेव सेज्जागओ कयाइ वि । आगम्मुक्कुडुओ संतो पुच्छेज्ना पंजलीयडो ||२२|| २३. एवं विणयजुत्तस्स सुत्तं अत्यं च तदुभयं । पुच्छमाणस्स सीसस्स वागरेज्ज जहासुयं ||२३|| २४. मुसं परिहरे भिक्खू न य ओहारिणि वए । भासादोसं परिहरे मायं च वज्जए सया ||२४|| २५. न लवेज्ज पुट्ठो सावज्जं न निरत्थं न मम्मयं । अप्पणट्ठा परट्ठा वा उभयस्संतरेण वा ||२५|| २६. समरेसु अगारे संधी य महापहे । एगो एगित्थिए सद्धिं नेव चिट्ठे न संलवे ||२६|| २७. जं मे बुद्धाऽणुसासंति सीएण फरुसेण वा । मम लाभो त्ति पेहाए पयओ तं पडिस्सुणे ||२७|| २८. अणुसासणमोवायं दुक्कडस्स य चोयणं । हियं तं मन्नई पन्नो, वेस होइ असाहुणो ॥ २८॥ २९. हियं विगयभया बुद्धा फरुसं पि अणुसासणं । वेस्सं तं होइ मूढाणं खंति-सोहिकरं पयं ॥ २९ ॥ ३०. आसणे उवचिट्ठेज्जा अनुच्चे अकुए थिरे । अप्पुट्ठाई निरुट्ठाई निसीएजऽप्पकुक्कुए ||३०|| ३१. कालेण निक्खमे भिक्खू काले य पक्किमे । अकालं च विवज्जेत्ता काले कालं समायरे ॥ ३१ ॥ ३२. परिवाडिए ण चिट्ठेज्जा भिक्खू दत्तेसणं चरे । पडिरूवेण एसित्ता मियं कालेण भक्खए ॥ ३२॥ ३३. नाइदूरमणासण्णे नऽन्नेसिं चक्खुफासओ। एगो चिट्ठेज्ज भत्तट्ठा लंघिया तं नऽइक्कमे ||३३|| ३४. नाइउच्चे व णीए वा नासन्ने नाइदूरओ । फासूयं परकडं पिंड पडिगाहेज्ज संजए ||३४|| ३५. अप्पपाणऽप्पबीयम्मि पडिच्न्नम्मि संवुडे । समयं संजए भुंजे जयं अप्परिसाडियं ॥ ३५ ॥ ३६. सुकडे त्ति सुपक्के त्ति सुच्छिन्ने सुहडे | सुनिट्ठिए सुत्ति सावज्जं वज्जए मुणी || ३६ || ३७. रमए पंडिए सासं हयं भदं व वाहए। बालं सम्मति सासंतो गलिअस्सं व वाहए ||३७|| ३८. खड्डगा मे
UG 5 5 5 5 5 5 5 5 5 5 5
[3]
原6666666666666
સૌજન્ય :- દીર્ઘસંયમી મુખ્ય સાધ્વીશ્રી હરખશ્રીજી મ.સા.ના ૭૫ વર્ષના ચારિત્ર પર્યાયની અનુમોદનાર્થે શ્રી વરલી અચલગચ્છ જૈન સંઘ, શ્રી વડાલા જૈન સંઘ
編卐 arrognation c卐