Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1758

00%事
先事$5%
%%%%%
मिश दसवेयालिय (तइयं मूलसुत) बिइया चूलिया
[१७)
历历明明听听听听听听听听听听听2C
C%劣纲听听听听听听听听听听听听听明明明明明明明明明明明明明明明明明明明明明明明明明明听听听听听听FM
५५०. अज्ज याहं गणी होतो भावियप्पा बहुस्सुओ। जइ हरमंतो परियाए सामण्णे जिणदेसिए॥९॥ ५५१. देवलोगसमाणो उ परियाओ महेसिणं । रयाणं, अरयाणं च महानिरयसालिसो ॥१०॥ ५५२. अमरोवमं जाणिय सोक्खमुत्तमं रयाण परियाए, तहाऽरयाणं । निरओवमं जाणिय दुक्खमुत्तमं रमेज्ज तम्हा परियाए पंडिए ||११|| ५५३. धम्मओ भट्ट सिरिओ ववेयं जन्नग्गि विज्झायमिवऽप्यतेयं । हीलंति णं दुविहियं कुसीला दाढुद्धियं घोरविसं व नागं ।।१२।। ५५४. इहेवऽधम्मो अयसो अकित्ती दुन्नामधेज्जं च पिहुज्जणम्मि। चुयस्स धम्माओ अहम्मसेविणो संभिन्नवित्तस्स य हेटुओ गई ।।१३।। ५५५. भुंजित्तु भोगाइं पसज्झ चेयसा तहाविहं कट्ट असंजमं बहुं । गइं च गच्छे अणभिज्झियं दुह, बोही य से नो सुलभा पुणो पुणो ।।१४।। ५५६. इमस्स ता नेरइयस्स जंतुणो दुहोवणीयस्स किलेसवत्तिणो। पलिओवमं झिज्जइ सागरोवमं किमंग ! पुण मज्झ इमं मणोदुहं ? ||१५|| ५५७. न मे चिरं दुक्खमिणं भविस्सई असासया भोगपिवास जंतुणो । न चे सरीरेण इमेणऽवेस्सई अवेस्सई जीवियपज्जवेण मे ।।१६।। ५५८. जस्सेवमप्पा उ हवेज निच्छिओ चएज्ज देहं, न उ धम्मसासणं । तं तारिसं नो पयलेति इंदिया उवेतवाया व सुदंसणं गिरिं ॥१७॥ ५५९. इच्चेव संपस्सिय बुद्धिमं नरो आयं उवायं विविहं वियाणिया। काएण वाया अदु माणसेणं तिगुत्तिगुत्तो जिणवयणमहिढेजासि ॥१८॥त्ति बेमि ।। ।। रइवक्कचूला नाम चूला पढमा समत्ता ।। ।। एक्कारसमं रइवक्कऽज्झयणं समत्तं ||११|| ★★★१२ बिझ्या चूलिया चूला बारसमं अज्झयणं *** ५६०. चूलियं तु पवक्खामि सुयं केवलिभासियं । जं सुणेत्तु सपुण्णाणं धम्मे उप्पज्जई मई ॥१॥ ५६१. अणुसोयपट्ठिए बहुजणम्मि पडिसोयलद्धलक्खेणं । पडिसोयमेव अप्पा दायव्वो होउकामेणं ।।२।। ५६२. अणुसोयसुहो लोगो पडिसोओ आसवो सुविहियाणं । अणुसोओ संसारो, पडिसोओ तस्स उत्तारो ||३|| ५६३. तम्हा आयारपरक्कमेण संवरसमाहिबहुलेणं । चरिया गुणा य नियमा य होति साहूण दट्ठव्वा ||४|| ५६४. अणिएयवासो समुयाणचरिया अण्णायउंछं पइरिक्कया य । अप्पोवही कलहविवज्जणा य विहारचरिया इसिणं पसत्था ॥५।। ५६५. आइण्ण-ओमाणविवज्जणा य उस्सन्नदिट्ठाहड भत्त-पाणे । संसट्ठकप्पेण चरेज्ज भिक्खू तज्जायसंसट्ठ जई जएज्जा ॥६।। ५६६. अमज्ज-मसासि अमच्छरीया अभिक्खणं निव्विगईगया य । अभिक्खणं काउस्सगकारी सज्झायजोगे पयओ हवेज्जा ||७|| ५६७. न पडिण्णवेज्जा सयणाऽऽसणाई सेज्जं निसेज्ज तह भत्त-पाणं । गामे कुले वा नगरे व देसे ममत्तभावं न कहिचि कुज्जा ।।८।। ५६८. गिहिणो वेयावडियं न कुज्जा अभिवायणं वंदण पूयणं वा । असंकिलिटेहि समं वसेज्जा मुणी चरित्तस्स जओ न हाणी ॥९॥ ५६९. न या लभेज्जा निउणं सहायं गुणाहियं वा गुणओ समं वा । एक्को वि पावाई विवज्जयंतो विहरेज कामेसु असज्जमाणो ||१०|| संवच्छरं वा वि परं पमाणं बीयं च वासं न तहिं वसेज्जा । सुत्तस्स मग्गेण चरेज्ज भिक्खू सुत्तस्स अत्थो जह आणवेइ ॥११|| ५७१. जो पुव्वरत्तावररत्तकाले संपेहई अप्पगमप्पएणं । किं मे कडं ? किं च मे किच्चसेसं ? किं सक्कणिज्ज न समायरामि ||१२॥ ५७२. किं मे परो पासइ ? किं व अप्पा ?। किं वाहं खलियं न विवज्जयामि । इच्चेव सम्म अणुपासमाणो अणागयं नो पडिबंध कुज्जा॥१३॥ ५७३. जत्थेव पासे कइ दुप्पउत्तं कारण वाया अदु माणसेणं । तत्थेव धीरो पडिसाहरेज्जा आइण्णो खिप्पमिव क्खलीणं ।।१४।। ५७४. जस्सेरिसा जोग जिइंदियस्स धिईमओ सप्पुरिसस्स निच्चं । तमाहु लोए पडिबुद्धजीवी सो जीवई संजमजीविएण ॥१५।। ५७५. अप्पा खलु सययं रक्खियव्वो सव्विदिएहिं सुसमाहिएहिं । अरक्खिओ जाइपहं उवेई सुरक्खिओ सव्वदुहाण मुच्चइ ||१६||त्ति बेमि ।। || बीया चूलिया चूला समत्ता ॥ ॥ बारसमं अज्झयणं समत्तं ॥१२॥
॥ दसवेयालियं समत्तं ॥
SO明明明明明明明明明明明明明明明明听听听听听听听听听听听听听听听听听听听听听听听听听听听听听听听听听G
hindAEROINCOPony
On Education International_2010_03
www.jainelibrary.com MO505555555555555555555555555 श्री आगमगुणमंजूषा-१६३९555444NEEEEEEEEEEEEEENE NEARNERIFICE