Page Text
________________
(३७) ववहार छेयसुत्तं (४) उ. ३,४
[४]
650
कप्पइ गणं धारेत्तए, थेरा य से नो वियरेज्जा एवं से नो कप्पइ गणं धारेत्तए, जण्णं थेरेहिं अविइण्णं गणं धारेज्जा से सन्तरा छेए वा परिहारे वा, जे ते साहम्मिया उठाए विहरति नत्थि णं तेसिं केइ छए वा परिहारे वा '११६ । २ । तिवासपरियाए समणे निग्गंथे आयारकुसले संजमकुसले पवयणकुसले पननत्तिकुसले संगहकुसले उवग्गहकुसले अक्ख (क्खु) यायारे अभिन्नायारे असबलायारे असंकिलिडायारचरित्ते बहुस्सुए बज्झागमे जहन्नेणं आयारपकप्पधरे कप्पर आयरिउवज्झायत्ताए उद्दित्तिए | ३ | सच्चेपणं से तिवासपरियाए समणे निग्गंधे नो आयारकुसले जाव संकिलिठ्ठायारचरित्ते अप्पसुए अप्पागमे नो कप्पइ आयरियउवज्झायत्ताए उद्दित्तिए |४| एवं पंचवासपरियाए समणे निग्गंथे आयारकुसले जाव असंकिलिठ्ठायारचरिते बहुस्सुये बज्झागमे जहनेणं दसाकप्पववहारधरे कप्प आयरियउवज्झायत्ताए पवत्ति० उद्दिसित्तए । ५। सच्चेव णं से पञ्चवासपरियाए समणे निग्गांथे नो आयारकुसले जाव अप्पसुए अप्पागमे नो कप्पड़ आयरियउवज्झायत्ताए पव० उद्दिसित्तए । ६ । अठ्ठवासपरियाए समणे निग्गन्थे कप्पड़ आयारकुसले० जहन्त्रेणं ठाणसमवायधरे कप्पड़ से आयरियत्ताए उवज्झायत्ताए पवत्तित्ता रत्ताए गणित्ताए गणावच्छेइयत्ताए उद्दिसिंत्तए । ७ सच्चेव णं से अठ्ठावासपरियाए समणे निग्गन्थे नो आयारकुसले० नो कप्पइ आयरियत्ताए जाव गणावच्छेइयत्ताए उद्दिसित्तए '१८२ १८ | निरूद्धपरियाए समणे निग्गन्थे कप्पर तद्दिवसं आयरियउवज्झायत्तए उद्दिसित्तए, से किमाहु भंते !?, अत्थि णं णं तारुवाणि कुलाई कडाणि पत्तियाणि थेजाणि वेसासियाणि संमयाणि सम्मुइकराणि अणुमयाणि बहुमयाणि भवन्ति, तेहिं कडेहिं तेहिं पत्तिएहिं तेहिं थेज्जेहिं तेहिं सासिएहिं तेहिं संमएहिं तेहिं सम्मुइकरेहिं जं से निरूद्धपरियाए समणे निग्गन्थे कप्पइ आयरियउवज्झायत्ताए उद्दिसित्तए तद्दिवसं |९| निरूद्धतिवासपरियाए समणे निग्गन्थे कप्पइ आयारियउवज्झायत्ताए उद्दिसित्तए समुच्छेयकप्पंसि, तस्स णं आयारपकप्पस्स देसे अवट्ठिए अहिज्जिए भवइ सेसे 'अहिज्जिस्सामि' त्ति अहिज्जेज्जा, एवं से कप्पड़ आयरियउवज्झायत्ताए उद्दिसित्तए, से य 'अहिज्जिस्सामि' त्ति नो अहिज्जेज्जा एवं से नो कप्पर आयरियउवज्झायत्ताए उद्दिसित्तए ‘२१६’।१०। निग्गन्थस्स णं नवडहरतरूणस्स आयरियउवज्झाए वीसुंभेज्जा, नो से कप्पइ अणायरियउवज्झायस्स होत्तए, कप्पर से पुव्विं आयरियं उद्दिसावेत्ता तओ पच्छा उवज्झायं, से किमाहु भंते !?, दुसंगहिए समणे निग्गंथे, तं०-आयरिएणं उवज्झाएणं य । ११ । निग्गन्धीए णं नवडहरतरूणियाए आयरियउवज्झाए पवत्तिणीय विसुंभेज्जा, नो से कप्पइ अणायरियउवज्झाइयाए अपवत्तिणीयाए होत्तए, कप्पड़ से पुव्विं आयरियं उद्दिसावेत्ता तओ पच्छा उवज्झायं० तओ पच्छा पवत्तिणि०, से किमाहु भंते !?, तिसंगहिया समणी निग्गन्थी, तं०-आयरिएणं उवज्झाएणं पवत्तिणीए य '२३५ | १२ | भिक्खू य गणाओ अवक्कम्म मेहुणधम्मं पडिसेवेज्जा तिण्टि संवच्छराणि तस्स तप्पत्तियं नो कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा, तीहिं संवच्छरेहिं विइक्कन्हं चउत्थगंसि संवच्छरंसि पट्टियंसि ठियस्स उवसन्तस्स उवरयस्स पडिविरयस्स निव्विगारस्स एवं से कप्पइ आयरियत्तं वा जाव गणावच्छेयइत्तं वा उद्दिसित्तए वा दारेत्तए वा '२५१'।१३। गणावच्छेइए गणावच्छेइयत्तं अनिक्खिवित्ता मेहुणधम्मं पडिसेवेज्जा जावज्जीवाए तस्स तप्पत्तियं नो कप्पइ आयरियत्तं वा जाव गणावच्छेइयत्तं वा उद्दित्तिए वा धारेत्तए वा । १४ । गणावच्छेइए गणावच्छेइयत्तं निक्खिवित्ता मेहुणधम्मं पडिसेवेज्जा तिण्णि संवच्छराणि० गणावच्छेइयत्तं० धारेत्तए वा । १५ । एवं आयरिए उवज्झाए० (२४३) वि दो आलावगा '२५६।१६-१७। भिक्खू य गणाओ अवक्कम्म ओहायइ तिण्णि संवच्छराणि० धारेत्तए वा । १८ । एवं गणावच्छेययत्तं अनिक्खिवित्ता ओहाएज्जा जावज्जीवाए, निक्खिवित्ता तिण्णि संवच्छराई० ।१९-२०। एवं आयरिए उवज्झाए वि '२७५ १२१-२२ भिक्खू य बहुस्सुए बज्झागमे बहुसो बहुआगाढानागढेसु कारणेसु माइमुसावाई असुई पावजीवी जावज्जीवाए तस्स तपप्पत्तियं नो कप्पइ आयरियत्तं वा जाव गणावच्छेययत्तं वा उद्दिसित्तए वा धारेत्तए वा ।२३। एवं गणावच्छेइएवि० धारेत्तए वा । २४। आयरियउवज्झाए वि | २५ | बहवे भिक्खुणो बहुस्सुया बज्झागमा बहुसो० जीवाए तेसिं तप्पत्तियं न कप्पइ जाव उद्दिसित्तए वा धारेत्तए वा । २६ । एवं गणावच्छेइयावि, धारेत्तए वा । २७। एवं आयरियउवज्झायावि, धारेत्तए वा । २८ । बहवे भिक्खुणो बहवे गणावच्छेइया बहवे आयरियउवज्झाया बहुस्सुया बज्झागमा बहुसो० आयरियत्तं वा उवज्झायत्तं वा पवत्तित्तं वा थेरत्तं वा गणधरत्तं वा गणावच्छेइयत्तं वा उद्दिसित्तए वा धारेत्तए वा‘३६९’।२९★★★ ॥ तइओ उद्देसओ ३॥ ★★★ नो कप्पइ आयरियउवज्झायस्स एगाणियस्स हेमन्तगिम्हासु चरित्तए । १ । कप्पर आयरियउवज्झायस्स श्री आगमगुणमंजूषा - १४५४
2298
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |