Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1290

NO555555555555555555555555555555555555555555555555SOUNet
055555555555555
एखालच्याजमुना र
] k5%80%%%%%%SEXYeuter सिरि उसहदेव सामिस्स णमो। सिरि गोडी - जिराउला - सव्वोदयपासणाहाणं णमो । नमोऽत्थुणं समणस्स भगवओ महइ महावीर वद्धमाण सामिस्स । सिरि गोयम - सोहम्माइ सव्व गणहराणं णमो। सिरि सुगुरु - देवाणं णमो । श्रीमज्जम्बूद्वीपप्रज्ञप्त्युपाङ्गम् । तेणं कालेणं तेणं समएणं मिहिला णामं णयरी होत्था, रिद्धत्थिमियसमिद्धा वण्णओ, तीसे णं मिहिलाए णयरीए बहिया उत्तरपुरच्छिमे दिसिभाए एत्थ णं माणिभद्दे णामं चेइए होत्था वण्णओ, जियसत्तू राया धारिणी देवी वण्णओ, तेणं कालेणं० सामी समोसढो, परिसा णिग्गया, धम्मो कहिओ, परिसा पडिगया ।१। तेणं कालेणं० समणस्स भगवओ महावीरस्स जेठे अंतेवासी इंदभूई णाम अणगारे गोअमगोत्तेणं सत्तुस्सेहे समचउरंससंठाणे जाव तिक्खुत्तो आयाहिणं पयाहिणं करेड़ वंदइ णमंसइ त्ता (प्र० जाव) एवं वयासी ।। कहिं णं भंते ! जंबुद्दीवे केमहालए णं भंते ! जंबुद्दीवे किंसंठिए णं भंते ! जंबुद्दीवे किमायारभावपडोयारे णं भंते ! जंबुद्दीवे पण्णत्ते ?, गोयमा ! अंयण्णं जंबुद्दीवे दीवे सव्वदीवसमुद्दाणं सव्वब्भंतराए सव्वखुड्डाए वट्टे तेल्लापूयसंठाणसंठिए वट्टे रहचक्कवालसंठाणसंठिए वट्टे पुक्खरकण्णियासंठाणसंठिए वट्टे पडिपुण्णचंदसंठाणसंठिए एग जोयणसयसहस्सं आयामविक्खंभेणं तिण्णि जोयणसयसहस्साई सोलस सहस्साई दोण्णि य सत्तावीसे जोयणसए तिण्णि य कोसे अट्ठावीसं (२०९) च धणुसयं तेरस अंगुलाई अद्धंगुलं च किंचिविसेसाहियं परिक्खेवेणं पं०।३। से णं एगाए वइरामईए जगईए सव्वओ समंता संपरिक्खित्ते, सा णं जगई अट्ठ जोयणाई उड्ढउच्चत्तेणं मूले बारस जोअणाई विक्खंभेणं मज्झे अट्ठ जोयणाई विक्खंभेणं उवरिं चत्तारि जोअणाइं विक्खंभेणं मूले विच्छिन्ना मज्झे संक्खित्ता उवरिं (प्र० प्पि) तणुया गोपुच्छसंठाणसंठिया सव्ववइरामई अच्छा सण्हा लण्हा घट्ठा मट्ठा णीरया णिम्मला णिप्पका णिक्कंकडच्छाया सप्पभा समिरीया सउज्जोया पासादीया दरिसणिजा अभिरूवा पडिरूवा, साणं जगई एगेणं महंतगवक्ख (प्र० जाल) कडएणं सव्वओ समंता संपरिक्खित्ता, से णं गवक्खकडए अद्धजोअणं उड्ढंउच्चत्तेणं पंच धणुसयाई विक्खंभेणं सव्वरयणामये अच्छे जाव पडिरूवे, तीसे णं जगईए उप्पिं बहुमज्झदेसभाए एत्थ णं महं एगा पउमवरवेझ्या पं० अद्धजोयणं उड्ढंउच्चत्तेणं पंच धणुसयाई विक्खंभेणं जगईसमिया परिक्खेवेणं सव्वरयणामई अच्छा जाव पडिरूवा, तीसेणं पउमवरवेइयाए अयमेयारूवे वण्णापासे पं० तं०-वइरामया णेमी एवं जहा जीवाभिगमे जाव अट्ठो जाव धुवा णियया सासया जाव णिच्चा।४। तीसे णं जगईए उप्पिं बाहिं पउमवरवेइयाए एत्थ णं महं एगे वणसंडे पं० देसूणाई दो जोअणाई विक्खंभेणं जगईसमए परिक्खेवेणं वणसंडवण्णओ णायव्वो।। तस्स णं वणसंडस्स अंतो बहुसमरमणिज्जे भूमिभागे पं० से जहाणामए आलिंगपुक्खरेइ वा जाव णाणाविहपंचवण्णेहिं मणीहि य तणेहि य उवसोभिए, तं०-किण्हेहिं एवं वण्णो गंधो रसो फासो सद्दो पक्खरिणीओ पव्वयगा घरगा मंडवगा पुढविसिलावट्टया णेयव्वा, तत्थ णं बहवे वाणमंतरा देवा य देवीओ य आसयंति सयंति० पुरापोराणाणं सुपरक्वंताणं सुभाणं कल्लाणाणं कडाणं कम्माणं कल्लाणफलवित्तिविसेसं पच्चणुभवमाणा विहरंति, तीसे णं जगईए उप्पिं अंतो पउमवरवेइआए एत्थ णं एगे महं वणसंडे पं०, देसूणाई दो जोअणाई विक्खंभेणं वेदियासमएण परिक्खेवेणं किण्हे जाव तणविहूणो णेअव्वो।६। जंबुद्दीवस्स णं भंते ! दीवस्स कइ दारा पं०?, गो० ! चत्तारि दारा पं० २०-विजए वेजयंते जयंते अपराजिए, एवं चत्तारिवि दारा सरायहाणिआ भाणियव्वा ।७। कहिं णं भंते ! जंबुद्दीवस्स विजए णामं दारे पं०?, गो० ! जंबुद्दीवे दीवे मंदरस्स पव्वयस्स पुरत्थिमेणं पणयालीसं जोयणसहस्साई वीइवइत्ता जंबुद्दीवपुरथिमपेरंते लवणसमुद्दपुरथिमद्धस्स पच्चत्थिमेणं सीआए महाणईए उप्पिं एत्थणं जंबुद्दीवस्स विजए णामंदारे पं० अट्ठ जोयणाई उद्धंउच्चत्तेणं चत्तारि जोयणाई विक्खंभेणं तावइयं चेव पवेसेणं सेए वरकणगथूभियाए जाव दारस्स वण्णओ जाव रायहाणी।८। जंबुद्दीवस्स णं भंते ! दीवस्स दारस्स य दारस्स य केवइए अबाहाए अंतरे पं०?, गो० ! अउणासीई जोअणसहस्साई
明明明明明明历历明明明明明听听听听听听听听听听听听听听听听听听听听听听听听听听听听听听听听听听听听2:
સૌજન્ય :- પ.પૂ. વિદુષી સાધ્વીશ્રી ચારૂલતાશ્રીજી ના શિષ્યા પ.પૂ. સાધ્વીશ્રી તત્ત્વપૂર્ણાશ્રીજી ની પ્રેરણાથી મુલુન્ડ (પશ્ચિમ) અચલગચ્છ જૈન સમાજ.
re5555555555555555555555 श्री आगमगुणमंजूषा-१४८३ 55555555555555555555555555509