Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1251

KORO555555555555
(१६) सूरपन्नति
पाहुडं - १९
[३९]
国勇为勇勇$555
२ हुंति।लावणगाय तिगुणिता ससिसूरा धायईसंडे॥७९॥ दो चंदा इह दीवे चत्तारिय सायरे लवणतोए।धायइसंडे दीवे बारस चंदा य सूरा य॥८॥धातइसंडप्पभितिसुक
उद्दिट्ठा तिगुणिता भवे चंदा । आदिल्लचंदसहिता अणंतराणंतरे खेत्ते।।८१।। रिक्खग्गहतारग्गं दीवसमुद्दे जहिच्छसी णाउं । तस्स ससीहिं गुणितं रिक्खग्गहतारग्गं तु ।।८२।। बहिता तु माणुसनगस्स चंदसूराणऽवद्विता जोण्हा । चंदा अभीयीजुत्ता सूरा पुण हुंति पुस्सेहिं ।।८३।। चंदातो सूरस्स य सूरा चंदस्स अंतरं होइ । पण्णाससहस्साइं तु जोयणाणं अणूणाई ।।८४|| सूरस्स य सूरस्स य ससिणो य अंतरं होइ । बाहिं तु माणुसनगस्स जोयणाणं सतसहस्सं ।।८५|| सूरंतरिया चंदा चंदंतरिया य दिणयरा दित्ता। चित्तंतरलेसागा सुहलेसा मंदलेसा य॥८६|| अट्ठासीतिं च गहा अट्ठावीसं च हुँति नक्खत्ता । एगससीपरिवारो एत्तो ताराण वोच्छामि ॥८७॥ छावट्ठि सहस्साइं णव चेव सताई पंचसतराई । एगससीपरिवारो तारागणकोडिकोडीणं ।।८८|| अंतो मणुस्सखेत्ते जे चंदिमसूरियगहगणणक्त्ततारारूवा ते णं देवा किं उड्ढोववन्नगा कप्पोव० विमाणोव० चारोव० चारद्वितीया गतिरतिया गतिसमावण्णगा?, ता ते णं देवा णो उड्ढो० नो कप्पो० विमाणो० चारो० नो के चारठितीया गइरइया गतिसमावण्णगा उड्ढामुहकलंबुआपुप्फसंठाणसंठितेहिं जोअणसाहस्सिएहिं तावक्खेत्तेहिं साहस्सिएहिं बाहिराहि य वेउव्वियाहिं परिसाहिं महताहतणट्टगीयवाइयतंतीतलतालतुडियघणमुइंगपडुप्पवाइयरवेणं महता उक्कट्ठिसीहणादबोलकलकलरवेणं अच्छं पव्वतरायं पदाहिणावत्तमंडलचारं मेरूं अणुपरियटुंति, ता तेसिं णं देवाणं जाधे इंदे चयति से कथमिदाणिं पकरेति ?, ता चत्तारिपंच सामाणिया देवा तं ठाणं उवसंपज्जित्ताणं विहरंति जाव अण्णे इंदे उववण्णे भवति, ता इंदठाणे णं केवइएणं कालेणं विरहियं उववाएणं पं०?, ता जह० इक्कं समयं उक्को० छम्मासे, ता बहिता णं माणुस्सखेत्तस्स जे चंदिमसूरियगहजावतारारूवा ते णं देवा किं उड्ढोववण्णगा कप्पो० विमाणो० चारोव० चारद्वितीया गतिरतीया गतिसमावण्णगा?, ता ते णं देवा णो उड्ढोव० नो कप्पो० विमाणो० णो चारोव० चारठितीया नो गइरइया णो गतिसमावण्णगा पक्किट्टगसंठाणसंठितेहिं जोयणसयसाहस्सिएहिं तावक्खेत्तेहिं सयसाहस्सियाहिं बाहिराहिं वेउव्वियाहिं परिसाहिं महताहतनट्टगीयवाइयजावरवेणं दिव्वाइं भोगभोगाई भुंजमाणा विहरंति, सुहलेसा मंदलेसा मंदायवलेसा चित्तंतरलेसा अण्णोऽण्णसमोगाढाहिं लेसाहिं कूडा इव ठाणठिता ते पदेसे सव्वतो समंता ओभासंति उज्जोवेति तवेति पभासेंति, ता तेसिंणं देवाणं जाहे इंदे चयति से कहमिदाणिं पकरंति ?, ताजाव चत्तारिपंच सामाणिया देवा तं णं ठाणं तहेव जाव छम्मासे।१००। ता पुक्खरवरंणं दीवं पुक्खरोदे णामं समुद्दे वट्टे वलयाकारसंठाणसंठिते सव्व जाव चिट्ठति, ता पुक्खरोदेणं समुद्दे किं समचक्कवालसंठिते जावणो विसमचक्कवालसंठिते, ता पुक्खरोदे णं समुद्दे केवतियं चक्कवालविक्खंभेणं केवइयं परिक्खेवेणं आहि०, ता संखेज्जाइं जोयणसहस्साई आयामविक्खंभेणं संखेज्जाइं जोयणसहस्साई परिक्खेवेणं आहि०, ता पुक्खरवरोदेणं समुद्दे केवतिया चंदा पभासेंसुवा० पुच्छा तहेव, ता पुक्खरोदे णं समुद्दे संखेज्जा चंदा पभासेंसु वा० जाव संखेज्जाओ तारागणकोडाकोडीओ सोभं सोभेसु वा०, एतेणं अभिलावेणं वरूणवरे दीवे वरूणोदे समुद्दे खीरवरे दीवे खीरवरे समुद्दे घतवरे दीवे घतोदे समुद्दे खोतवरे दीवे खोतोदे समुद्दे णंदिस्सरवरे दीवे णंदिस्सवरे समुद्दे अरूणे दीवे अरूणोदे समुद्दे अरूणवरे दीवे अरूणवरोदे समुद्दे अरूणवरोभासे दीवे अरूणवरोभासे समुद्दे कुंडले दीवे कुंडलोदे समुद्दे कुंडलवरे दीवे कुंडलवरोदे समुद्दे कुंडलवरोभासे दीवे कुंडलवरोभासे समुद्दे१४ सव्वेसिं विक्खंभपरिक्खेवो जोतिसाइं पुक्खरोदसागरसरिसाइं । ता कुंडलवरोभासण्णं समुदं रूयए दीवे वट्टे वलयाकारसंठाणसंठिए सव्वतो जाव चिट्ठति, ता रूयए णं दीवे किं समचक्कवाल जाव णो विसमचक्कवालसंठिते, ता रूयए णं दीवे केवइयं समचक्कवालविक्खंभेणं केवतियं परिक्खेवेणं आहि०?, ता असंखेज्जाई जोयणसहस्साइं चक्कवालविक्खंभेणं असंखेज्जाई जोयणसहस्साई परिक्खेवेणं आहि०, ता रूयगे णं दीवे केवतिया चंदा पभासेंसु वा पुच्छा, ता रूयगे णं दीवे असंखेज्जा चंदा पभासंसु वा० जाव असंखेज्जाओ तारागणकोडिकोडीओ सोभं सोभेसु वा०, एवं रूयगे समुद्दे रूयगवरे दीवे रूयगवरोदे समुद्दे रूयगवरोभासे दीवे रूयगवरोभासे समुद्दे, एवं तिपडोयारा णेतव्वा जाव सूरे दीवे सूरोदे समुद्दे सूरवरे दीवे सूरवरे समुद्दे सूरवरोभासे दीवे सूरवरोभासे समुद्दे, सव्वेसिं विक्खंभपरिक्खेवजोतिसाई रूयवगवरदीवसरिसाई, ता सूरवरोभासोदण्णं समुदं देवे णामं दीवे वट्टे वलयाकारसंठाणसंठिते सव्वतो समंता संपरिक्विवित्ताणं
NO.O乐听听听听听听听听听听听听听听听听听听听听听听听听听听听听听听听听听听听听听听听听听听听听听乐明$25