Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 1058

xxxssssssss
(१५) पण्णवणा पय - १/गणपयं - २
_ [१६]
RCF明明明明明明明明明明明明明明明听听听听听听听听听听听听听听听听听听听听听听听听听听听听听听听FM
सामाइयचरित्तारिया १ छेदोवट्ठावणियचरित्तारिया २ परिहारविसुद्धियचरित्तारिया ३ सुहुमसंपरायचरित्तारिया ४ अहक्खायचरित्तारिया ५ | १३४. से किं तं सामाइयचरित्तारिया ? सामाइयचरित्तारिया दुविहा पण्णत्ता । तंजहा इत्तरियसामाइयचरित्तारिया य आवकहियसामाइयचरित्तारिया य। सेत्तं सामारियचरित्तारिया। १३५. से किं तं छेदोवट्ठावणियचरित्तारिया ? छे दोवट्ठावणियचरित्तारिया दुविहा पण्णत्ता । तं जहा साइयारछे दोवट्ठावणियचरित्तारिया य णिरइयारछेदोवट्ठावणियचरित्तारिया य । सेत्तं छेदोवट्ठावणियचरित्तारिया । १३६. से किं तं परिहारविसुद्धियचरित्तारिया ? परिहारविसुद्धियचरित्तारिया दुविहा पण्णत्ता । तं जहा निव्विसमाणपरिहारविसुद्धियचरित्तारिया य निविट्ठकाइयपरिहारविसुद्धियचरित्तारिया य। सेत्तं परिहारविसुद्धियचरित्तारिया। १३७. से किं तं सुहुमसंपरायचरित्तारिया ? सुहुमसंपरायचरित्तारिया दुविहा पण्णत्ता । तं जहा संकिलिस्समाणसुहुमसंपरायचरित्तारियाय विसुज्झमाणसुहुमसंपरायचरित्तारियाय । से तं सुहुमसंपरायचरित्तारिया । १३८. से किं तं अहक्खायचरित्तारिया ? अहक्खायचरित्तारियादुविहा पण्णत्ता । तं जहा छउमत्थअहक्खायचरित्तारिया य केवलिअहक्खायचरित्तारिया य । सेत्तं अहक्खायचरित्तारिया । सेत्तं चरित्तारिया। सेत्तं अणितिपत्तारिया । सेत्तं आरिया । सेत्तं कम्मभूमगा । सेत्तं गब्भवक्कंतिया। सेत्तं मणुस्सा। सुत्ताइं १३९.१४७. देवजीवपण्णवणा] १३९. से किं तं देवा ? देवा चउव्विहा पण्णत्ता । तं जहा भवणवासी १ वाणमंतरा २ जोइसिया ३ वेमाणिया ४।१४०. १ से किं तं भवणवासी ? भवणवासी दसविहा पन्नत्ता । तं जहा-असुरकुमारा १ नागकुमारा २ सुवण्णकुमारा ३ विज्जुकुमारा ४ अग्निकुमारा ५ दीवकुमारा ६ उदहिकुमारा ७ दिसाकुमारा ८ वाउकुमारा ९ थणियकुमारा १० । २ ते समासतो दुविहा पण्णत्ता । तं जहा पज्जत्तगा य अपज्जत्तगा य । सेत्तं भवणवासी । १४१.१ से किं तं वाणमंतरा ? वाणमंतरा अट्ठविहा पण्णत्ता । तं जहा किन्नरा १ किंपुरिसा २ महोरगा ३ गंधव्वा ४ जक्खा ५ रक्खसा ६ भूया ७ पिसाया ८। २ ते समासतो दुविहा पण्णत्ता। तं जहा पज्जत्तगाय अपज्जत्तगा य । सेत्तं वाणमंतरा। १४२.१ से किं तंजोइसिया ? जोइसिया पंचविहा पन्नत्ता। तं जहा चंदा १ सूरा २ गहा ३ नक्खत्ता ४ तारा ५। २ ते समासतो दुविहा पण्णत्ता । तं जहा पज्जत्तगा य अपज्जत्तगा य । सेत्तं जोइसिया। १४३. से किं तं वेमाणिया ? वेमाणिया दुविहा पण्णत्ता । तं जहा कप्पोवगा य कप्पातीता य । १४४. १ से किं तं कप्पोवगा ? कप्पोवगा बारसविहा पण्णत्ता । तं जहा सोहम्मा १ ईसाणा २ सणंकुमारा ३ माहिंदा ४ बंभलोया ५ लंतया ६ सुक्का ७ सहस्सारा ८ आणता ९ पाणता १० आरणा ११ अच्चुता १२। २ ते समासतो दुविहा पण्णत्ता । तं जहा पज्जत्तगा य अपज्जत्तगा य। सेत्तं कप्पोवगा। १४५. से किं तं कप्पतीया ? कप्पातीया दुविहा पण्णत्ता। तं जहा गेवेज्जगा य अणुत्तरोववाइया य । १४६. १ से किं तं गेवेजगा? गेवेज्जगा णवविहा पण्णत्ता । तं जहा हेट्ठिमहेट्ठिमगेवेज्जगा १ हेट्ठिममज्झिमगेवेजगा २ हेट्ठिमउवमिगेवेज्जगा ३ मज्झिमहेट्ठिमगेवेज्जगा ४ मज्झिममज्झिमगेवेजगा ५ मज्झिमउवरिमगेवेनगा ६ उवरिमहेट्ठिमगेवेजगा ७ उवरिममज्झिमगेवेजगा ८ उवरिमउवरिमगेवेज्जगा ९ । २ ते समासतो दुविहा पण्णत्ता । तं जहा-पज्जत्तगा य अपज्जत्तगा य । सेत्तं गेवेजगा। १४७. १ से किं तं अणुत्तरोववाइया ? अणुत्तरोववाइया पंचविहा पण्णत्ता । तं जहा विजया १ वेजयंता २ जयंता ३ अपराजिता ४ सव्वट्ठसिद्धा ५। २ ते समासतो दुविहा पण्णत्ता । तं जहा पज्जत्तगा य अपज्जत्तगा य । सेत्तं अणुत्तरोववाइया। सेत्तं कप्पाईया। से तं वेमाणिया। सेत्तं देवा । सेत्तं पंचिंदिय । सेत्तं संसारसमावण्णजीवपण्णवणा। सेत्तं जीवपण्णवणा । सेत्तं पण्णवणा।कापण्णवणाए भगवईए पढमं पण्णवणापयं समत्तं ॥ २.बिइयं ठाणपयं सुत्ताइं १ ४८-१५०. पुढविकायठाणाई १४८. कहिणं भंते ! बातरपुढविकाइयाणं पज्जत्तगाणं ठाणा पण्णत्ता ? गोयमा ! सट्ठाणेणं अट्ठसु पुढविसु। तं जहा-रयणप्पभाए १ सक्करप्पभाए २ वालुयप्पभाए ३ पंकप्पभाए ४ धूमप्पभाए ५ तमप्पभाए ६ तमतमप्पभाए ७ इसीपब्भाराए ८-१, अहोलोए पायालेसु भवणेसु भवणपत्थडेसु णिरएसु निरयावलियासु निरयपत्थडेसु २, उड्डलोए कप्पेसु विमाणेसु विमाणावलियासु विमाणपत्थडेसु ३, तिरियलोए टंकेसु कूडेसु सेलेसु सिहरीसुपन्भारेसु विजएसु वक्खारेसुवासेसु वासहरपव्वएसु वेलासु वेड्यासु दारेसु तोरणेसुदीवेसु समुद्देसु
GO乐乐听听听听听听听听听听明明明明明明明明明明明明明明明明明明明明明明明明明听听听听听听听听听听听听
KOYo55555555555555555
श्री आगमगुणमंजूषा - ९५१॥55555555555555555555555FOTOR