________________
४९६
सिरिपउमप्पहसामिचरियं
वायुकुमारा वायं, मुयंति तस्सेव आसाए । १३६९ ।। अढेि मोत्तुं दड्डे, धाउसमूहम्मि खीरजलहिस्स ॥ विज्झाविति जलेहि, मेहकुमारो चियं पहुणो ।। १३७० ।। सक्को उवरिमदाहिणदाढं गिण्हेइ हेट्ठिमं चमरो ।। उवरिमवामं दाढं, ईसाणो हेट्ठिमं तु बली ॥ १३७१ ।। अवसेसा सुरनाहा, दंति गिण्हंति कीकसे तियसा ।। सविमाणठियाओ ताओ पूइज्जंते सया तेहिं ।। १३७२ ।। नरनारीसमूहेहिं, संति निमित्तं च घिप्पए भूई ।। गंतूणं सुरनाहा, माणवथंभस्स उवरिम्मि ॥ १३७३ ॥ पहुणो चियाए ठाणे, तियसा कुव्वंति रयणमयथूभं ।। नंदीसरम्मि इंदा, वयंति अट्ठाहियं काउं ।। १३७४ ।। काउणं अट्ठाहियमहिमं, दीवम्मि तत्थ सट्ठाणं ॥ गंतूणं सूरनाहा, माणवथंभस्स उवरिम्मि ॥ १३७५ ॥ वज्जसमुग्गयमज्झे, मुयंति पूर्यति ताउ दाढाओ ।। तेसिं थूयाए मंगलविजया सया होति ॥ १३७६ ।। सिरि सुमइजिणे मुक्खं पउमप्पहो सिवं पत्तो ।। नउईए सहस्सेसुं गएसु अयराणकोडीणं ।। १३७७ ॥ एवं वक्कंतासुं बहुसु अइयरोवमाणकोडीसु । सिद्धत्थरायपुत्तो उपन्नो वीरजिणनाहो ॥ १३७८ ।। सिरिवद्धमाणतित्थे जंबू पभवाइमुणिगणिदेसु ।। सुट्ठियसुप्पडिबुद्धो, गएसु सूरी समुप्पन्नो ।। १३७९ ।। तत्तो कोडियगच्छे, गच्छो विव विविहदीहसाहालो ।। आबालपयडमहिमा खमाइसु परिट्ठिओ जाओ ।। १३८० ॥ गच्छम्मि तम्मि चउरो, दीहरवित्थारफुरियसोहाओ । साहाउ अगाहाओ, चउदिसिपसरंतमहिमाओ ॥ १३८१ ।। उच्चानागरविज्जाहरा य वइरा य मज्झिमिल्ला य ॥
Jain Education International 2010_04
For Private & Personal Use Only
www.jainelibrary.org
