________________
४८७
सीहकुमारकहा
पडिबोहितो पत्तो, सामी संमेयसेलम्मि ।। १२५८ ॥ अविरामभमणसंता, नक्खत्तगहा वि जत्थ खणमेत्तं ॥ उच्चतरसिहरतरुवरसिरेसु कुव्वंति वीसामं ॥ १२५९ ।। जत्थ जिणाण चउण्हं, निव्वाणगयाण रयणमयथूभा ॥ खयरामरेहिं महिया, तइया दीसंति पच्चक्खं ॥ १२६० ॥ हल्लीसयबंधेणं, जत्थ य मुणिजिणवराण चरियाणि ।। सुरसीमंतिणिनिवहा, गायंति सया सरोमंचा ॥ १२६१ ॥ अमलमयसलिलनिब्भरसंदोहमिसेण पुव्वसंगहियं । जिणवयणामयनिवहं, वियरइ लोयाण जो निच्चं ॥ १२६२ ।। सिहरिस्स तस्स सिहरे, विहियं सुरअसुर-वंतरगणेहिं ।। मणहरणसमवसरणं, पउमप्पहजिणवरिंदस्स ॥ १२६३ ॥ सीहासणे निविट्ठो, सम्मं साहेइ सव्व लोयाणं ।। पउमप्पहजिणनाहो, जिणिंदपूयाइयं धम्मं ॥ १२६४ ।। पूयाए जिणिंदाणं, जीवा पूयं लहिंति सव्वत्थ ।। पूयाए विग्घनासो, पूयाए सव्व संपत्ती ।। १२६५ ।। भणियं च :जं जं मणोभिरामं, दीसइ पुहईए सुंदरं किं पि ।। तं वीयरायपूया, फलंति नत्थित्थ संदेहो ॥ १२६६ ।। जे अट्टविहं पूयं करंति निट्ठवियअट्टकम्माणं ।। अट्ठ वि सयंवराओ तेर्सि अणिमाइसिद्धीओ ॥ १२६७ ॥ मणवंछियकप्पलयं, दुरंतदुहकंदपरसुसियधारं ।। इह परभवसुहवल्ली उल्लासणसजलघणधारं ।। १२६८ ।। कुव्वंति भत्तिजुत्ता, जिणपूयं जे सया वि उज्जुत्ता ॥ इच्छियलच्छी निवहं, लहंति ते सीहकुमारो व्व ॥ १२६९ ॥ पूयाफलोवरि सीहकुमारकहा :वर पहईसरकित्तीथंभसहस्सेहिं अत्थि दंतुरियं ।।
Jain Education International 2010_04
For Private & Personal Use Only
www.jainelibrary.org
