________________
४८२
सिरिपउमप्पहसामिचरियं चिट्ठइ तस्सेव गिहे, कत्तिय मित्ताणि दियहाणि ।। ११९६ ॥ निय पुरदंसणऊसुयचित्तो तत्तो इमस्स अप्पित्ता ।। तं मणिमाला जुयलं, चलिओ गरुयाए रिद्धीए ।। ११९७ ।। मंगलपुरम्मि नयरे, पत्तो अयलस्स मंदिरे तेणं ।। गोरव्वं से विहियं, धणिणो सव्वत्थ महणिज्जा ॥ ११९८ ।। तइया य तस्स नयरे, सव्वत्थ अवरिसणं पुरं आसि ।। धणसेणे पुण पत्ते, सव्वत्थ वि अयलखेत्तेसु ।। ११९९ ।। तह वुटुं मेहेणं, हवंति जह तत्थ विविहधन्नाणं ॥ मूडसहस्सा अह सो जाणइ धणसेण माहप्पं ।। १२०० ।। केत्तियमित्तं दव्वं इमस्स दाऊण पुण वि सो चलिओ ।। सिरिपुंडवद्धणपुरे पत्तो पउमस्स गेहम्मि ॥ १२०१ ।। तह चेव तेण एसो गोरविओ तम्मि चेव दियहम्मि । नवरं इमेण पत्तं निहाणमसमाणमणिजुत्तं ।। १२०२ ।। पउमेण इमो भणिओ तुह चेव इमाणि गरुयपुन्नाणि ।। जं अज्ज मए पत्तो निही तओ गिण्ह तं एयं ॥ १२०३ ॥ धणसेणो वि निहाणं, तं तह अन्नं पि तस्स दाऊण ।। पुण कमसो वच्चंतो, संपत्तो निय पुरासन्ने ॥ १२०४ ।। निय गिहसुद्धिनिमित्तं, पुरमज्झे तेण पेसिओ वडुओ ।। नामेण भद्दमुत्ती, सो वि हु नाऊण सो कहइ ॥ १२०५ ।। देव ! तए लीलावइ गिहाउ परिनिग्गयम्मि परिहरियं ।। दियहाणि तिन्नि भत्तं, पाणं च अणंगसेणाए ।। १२०६ ।। अच्चाहियभीयाए, इमाए जणणीए तयणु भणियाओ ।। तिस्सा सहिउ कारह, मह धूयं भोयणं कह वि ।। १२०७ ।। अह ताउ तीए पासे, गंतूणं भणंति सायरं मुद्धि !॥ किं झायसि किं न कुणसि, भोयणमहवा नवं दइयं ।। १२०८ ।। वेसाण ठिई एसा जं नवतरुणेहि किज्जए नेहो ।।
Jain Education International 2010_04
For Private & Personal Use Only
www.jainelibrary.org
