________________
४७८
सिरिपउमप्पहसामिचरियं
ता तं उव्वसियं पिव पिच्छेइ पुच्छेइ नरमेगं ।। ११४५ ।। अह जणयमरणपमुहे कहियम्मि इमेण वइयरे सव्वे ।। सो चिंतइ धुवमहमाहममोहनन्नो ममाहितो ॥ ११४६ ।। वच्चंतु खयं जोव्वणजीवियपमुहाणि तस्स पुरिसस्स ।। आमरणं उवभुंजइ, जो जणयसमज्जियं विहवं ॥ ११४७ ।। इगवीसरयणकोडीसरस्स इब्भस्स नंदणो अहयं ।। तो जाव न कोडीओ, बायालीसं समज्जेमि ॥ ११४८॥ पविसामि ताव न गिहे इय निय चित्तम्मि निम्मियपइन्नो ॥ साहसमेत्त सहाओ नीहरिओ झत्ति नयराओ ।। ११४९ ।। वच्चंतो सो कमसो, संपत्तो पुंडवद्धणे नयरे । दिव्ववसा पउमेणं दिट्ठो तज्जणयमित्तेण ॥ ११५० ।। नेउं नियम्मि गेहे तेणं काऊण गरुयगोरव्वं ।। पुट्ठो निययं सव्वं साहइ वुत्तंतमेयस्स ॥ ११५१ ।। भणियं तेणं सुपुरिस ! मुंच विसायं इहेव अइबहुयं ।। अहयं ववहारत्थं तुह दव्वं अप्पइस्सामि ।। ११५२ ।। इच्चाइ जंपिऊणं, तम्मि पसुत्तम्मि तस्स सव्वं पि ।। दटुं पलीवणेणं, गेहं धणधन्न-संपुत्रं ॥ ११५३ ।। । सव्वो तुरंगनिवहो, जाइ धुवं जत्थ सिंगिओ घाडो । बज्झे इत्ति विचितिय धणसेणो लज्जिओ जाइ ।। ११५४ ॥ अह कमसो गच्छंतो, पत्तो मंगलपुरम्मि नयरम्मि । अयलेण तत्थ सगिहे, नीओ तज्जणयमित्तेण ।। ११५५ ।। विनायवइयरेणं, तेण वि अब्भुवगयम्मि बहुदव्वे ।। चोरेहिं तस्स गेहं, मुसियं खत्तं खणेऊण ॥ ११५६ ॥ भज्जइ तं चिय डालं, जत्थ कमेडो चडेइ निब्भंतं ।। इय चिंतित्तु विसनो, सो पुरओ वच्चए तुरियं ।। ११५७ ।। पत्तो कमसो एसो, नयरीए तामलित्ती नामाए ।।
Jain Education International 2010_04
For Private & Personal Use Only
www.jainelibrary.org
