________________
धनसेनकहा
४७७
धणसेणो न य बाहिं नीहरिओ गरुयकज्जे वि ।। ११३२ ।। नाउं सुमंगलेणं वइयरमेयं विचिंतियं चित्ते ।। धन्नो चिय मह पुत्तो वयउचिया जस्स पडिवत्ती ।। ११३३ ॥ तत्तो मणिकणयाई, तिस्सा गेहम्मि पेसियं तेणं ।। अप्पच्छिय दाणेणं, तेणं लीलावई तुट्ठा ॥ ११३४ ।। धणसेण नाम लंछियमुदं पेसित्तु सेट्ठिगेहाउ ।। आगरिसइ धणसारं, रुहिरं व जलूगसा एसा ।। ११३५ ।। सो वि निय जणयपेसियधणेण पुज्जंतसव्वभोगंगो।। तिस्सा गिहम्मि चिट्ठइ बारस वरिसे निमेसं व ॥ ११३६ ॥ मरणं इमस्स जणए पत्ते जणणीए पेसिओ विहवो ।। सव्वं पि गेहसारं, पज्जंतं जाव संपत्तं ॥ ११३७ ।। अन्नदिणे सह मुद्दारयणेण इमाइ नियमसेसं पि ।। कुंडलकंकणपमुहं पेसयमाभरणपब्भारं ॥ ११३८ । सव्वं पि गेहसारं, गहियं नाऊण सिंभली एसा ।। धूयाए जावयरसे वि मग्गिए पायरायत्थं ॥ ११३९ ।। अप्पइ अवहरियरसं, जावयमह सा पयंपए जणणि ।। एएण असारेणं, न हि कज्जं हवइ इह किंचि ।। ११४० ।। सा आह इमं जाणिसि, जइ तत्तो मुयसु एय सारिच्छं। नामेणं चिय सुंदरि ! धणसेणं विगयधणनिवहं ।। ११४१ ।। रुट्ठा अणंगसेणा जंपइ हे दुट्ठि ! भणसि मह पुरओ। मा एरिस दिटुंते, मया वि न इमं चइस्सामि ॥ ११४२ ।। अह तीए निवडनेहं, धूयं नाऊण निययदासीहि ।। उवरिमतलावरेणं कमेण निव्वासिउ एसो ॥ ११४३ ।। छुरिया-रक्खसि-साइणि-पमुहाणं हवइ को वि पडियारो ।। वीसंभघाइणीसुं, न सिंभलीसुं जुगंते वि ॥ ११४४ ।। इच्चाइ चिंतियंतो, एसो जा जाइ निययगेहम्मि ।।
Jain Education International 2010_04
For Private & Personal Use Only
www.jainelibrary.org
