________________
सिरिपउमप्पहसामिचरियं
सो भुंजिउं पवत्ता, तं दिव्वं रसवई तत्थ ।। ६८८ ।। विम्हयवियसियनयणो, तं पिच्छंतो विचिंतए राया ।। पायालकन्नयाए रूवमहो निरूवमं भुवणे ।। ६८९ ।। तह मह धन्ना कन्ना, जेहिं सुया महुरजंपिरी एसा ।। धन्ना अहो भयवई, जा जिमइ इमीए सह मिलिया ।। ६९० ।। एत्थतरम्मि तिस्सा, संकेयवसेण जोगिणी भणइ ।। हा हा मज्झ पमाओ वीसरिओ जं नओ सीसो ।। ६९१ ।। सच्चं पमायमइरामत्तो संभरइ नेय अप्पं पि । अहवा न किंपि नटुं, तेण विणा नेय जेमिस्सं ॥ ६९२ ।। सा चंदलेहकन्ना, ससंभमा भणइ तं अयाण व्व ।। जोइणि सामिणि ! को ते सीसो मह कहसु निब्भंतं ।। ६९३ ।। देवो वा असुरो वा नायकुमारो व्व किंनरो वा वि ।। जो सीसो तुज्झ गोरव्वं तस्स कायव्वं ।। ६९४॥ सा जोइणी पयंपइ सीसो न हु देवजाइओ को वि ।। किं पुण एसो मणुओ, दुल्ललिओ नाम नरनाहो ।। ६९५ ॥ सा पभणइ अवणाए, वेलविया तंसि भत्तिलोहेण ।। जं भणसि मज्झ पुरओ नियसीसं मणुयमित्तं पि ॥ ६९६ ॥ ते जोइणीए भणियं मयच्छि ! मा भणसु कि पि इह अत्थे । जं मंतपभावेणं, दिव्वसरीरो कओ एसो ॥ ६९७ ।। तुमए वि अउ चेव य इहागओ जइ वि तह वि इह नाओ। जस्स अहं परित्तुट्ठा, किं दुलहं तस्स ति जए वि ।। ६९८ ।। तो दिव्वसरीरं तं दिव्वेण रसेण दिव्वभवणम्मि ।। तं दिव्वसुंदरि ! सयं जेमावसु मज्झ वयणेण ।। ६९९ ।। तुज्झ पमाणं वयणं ति जंपिऊणं इमा वि तं थालं ।' उच्चरिय भत्तपुनं उप्पाडइ नियय हत्थेण ।। ७०० ।। पुत्तय ! पुत्तय ! तुरियं, एसु इहं दिव्वभोयणं कुणसु ॥
Jain Education International 2010_04
For Private & Personal Use Only
www.jainelibrary.org
