________________
चंद्रलेहाकहा
४३३
आहविय भणेइ सेटुिं, किह तुरया गिण्हिया तुमए ।। ५७३ ॥ चंदणसारो जंपइ, कारणमिह देव ! नेव जाणामि ।। विनाणनाणकुसला, मह कन्ना उत्तरं करिही ।। ५७४ ॥ कोऊहलकलियमणो, पडिहारं पेरिऊण नरनाहो । आहवइ तस्स धूयं अत्थाणसहा समासीणो ।। ५७५ ।। । तालविंट-हत्थसाडय-कप्पूरवट्ट जुत्त कच्चोलं ।। लीलाए करयलेणं, कलयंतीहिं समाइन्ना ।। ५७६ ।। जंपाण जाण लंघिणि सोक्खासण-पमुह वाहणगयाहि ।। बहु-देस-वेस-भासाहि, पवरदासीहि परियरिया ।। ५७७ ।। अवियःअंगोचियवेसाहिं, दविहपयारेहिं लाडवयणाहिं ।। वरकुंतलरयणाहि, कोसलभासाहिं ताहि जुया ।। ५७८ ।। वन्निज्जमाण विहवा, पए पए पवरवंदिवंदेहिं ।। बाला अबालचरिया, संपत्ता रायपासम्मि ॥ ५७९ ।। नणु दुद्धमुद्धडमुही, एसा कन्ना रवन्न लावण्णा ।। पडिउत्तरं करेही इय लोओ विम्हिओ जाओ ॥ ५८० ।। रायप्पणामपुव्वं, उवविट्ठा निय पिउस्स उच्छंगे ।। पुट्ठा रना पभणसु, हयहरणे उत्तरं किंपि ।। ५८१ ।। सा सावटुंभमणा रायं पभणेइ देव ! इह भुवणे । अन्नो वि सरइ भणियं दुल्ललिय निवो विसेसेण ।। ५८२ ।। जं किं चि भणइ भणियं, न सरइ न गणेइ लंछणं विहियं ॥ नरनाहो निवलच्छी सुहमुच्छा संनिवाएण ।। ५८३ ।। हालाहलसहवासा, कमलनिवासा सओवभुज्जंती ।। देंता वि अचेयन्नं न हु मारइ जं तमच्छरियं ॥ ५८४ ॥ विभवंतरं विसेसा, भवंतरं नूण सो समारूढो ।। कहसु मरइ नियविहियं जम्मंतरं विहिय वत्थं व ॥ ५८५ ।।
Jain Education International 2010_04
For Private & Personal Use Only
www.jainelibrary.org
