________________
४२०
सिरिपउमप्पहसामिचरियं
जम्मदिणण्हाण-जलभरमित्त-पवित्तं हसइ मेरुं ।। ४०९ ॥ निय निय पमाणवन्ना, चउवीसं तत्थ तेण तित्थयरा ।। उल्लसियपुलणपडलेण पूइया विविहपूयाहिं ।। ४१० ।। सो जाववणुद्देसं, अट्ठावय-पव्वयस्स पुलएइ ।। ता तत्थ सही सहियं, विज्जाहर-कनयं एगं ।। ४११ ।। नवतारुण्णरवण्णं, निरुवम-लायन-लहरि-सरि-सरिसं ।। पेच्छइ कुसुमावचयं, कुव्वंति काणणसिरिं व ॥ ४१२ ॥ चिंतिउं च पवत्तो :कुसुमाउहस्स आउहममोहमहमेव तिजयविजयम्मि ।। इय एसा रोसेणं, मन्ने कुसुमाणि उच्चिणइ ।। ४१३ ।। सा वि हु अणंगसेणं, दट्ठमणंगं च अंगसंपुत्रं ।। झत्ति ससज्झ सहियया, कुसुमावचयं तओ चयइ ॥ ४१४ ॥ सा पयड-पुलय-पडला, सराय-हियया नियच्छिउं रायं ।। मुत्तूण तत्थ चित्तं, संचलिया देहमित्तेण ॥ ४१५ ॥ अइवाहियदिणसेसो, राया सिन्नम्मि जाव संपत्तो ।। चिट्ठइ तं चिंतंतो, ता पत्ता खेयरी एगा ॥ ४१६ ॥ कयपणिवायं रायं, जंपइ नरनाहसूरतेउ त्ति ।। सुरावयंसनयरे, विज्जाहरनायगो अत्थि ।। ४१७ ।। तब्भज्जाहं कमला कन्ना सा मयणमंजरी मज्झ ।। जा पुन-कप्प-पायव-मंजरी-सरिसा तए दिट्ठा ।। ४१८ ।। लायन्नलहरिसरिया, दुहिया सा चेव तुह मए दिन्ना ।। इय जंपिरीए तीए, खेयरराया तहिं पत्तो ।। ४१९ ।।
अन्नोन्ननेह-निब्भर-चित्ताणं ताण सरिसरूवाणं ।। विज्जाहराण तेणं, वीवाह-महसवो विहिओ।। ४२० ।। सो मन्नइ निय हियए, नूणं अट्ठावयस्स तित्थस्स ॥ दंसणमिहेव जम्मे, मह सहलं संपयं जायं ।। ४२१ ।।
Jain Education International 2010_04
For Private & Personal Use Only
www.jainelibrary.org
