________________
महापउमकुमरकहा
४०७
तथाहि :इह अस्थि हत्थिसिर-परिगलंत-मयसलिलसित्ततरुनियरा ॥ सुर-खयरेहि अवंज्झा, अडई विज्झाडई नाम ।। २४३ ।। जा य केरिसा :कप्पूर-पूर-परिमल-मिलियानललहरिहरियजणचित्ता ॥ हरिहयगयसिरविगलिरमुत्ताहल-नियर-दंतुरिया ॥ २४४ ।। अह तीए मज्झयारे, रसंत-सारंग-हंस-वायालं ।। रंगिरतरंगमालं, तरंगलोलं सरं अत्थि ।। २४५ ।। जलहिब्भमेण जत्थ य अवयरमाणेहि अब्भनिवहेहिं ।। अन्न गयंदभमेण, जुद्धं कुव्वंति जल-किरिणो ॥ २४६ ॥ तन्नीरतीरदेसे, तिसियं खर-किरणकिरणसंतत्तं ।। एगं कुरंगमिहुणं, संपत्तं सलिल-पाणथं ।। २४७ ।। आकंठसलिल-पाणं काउं वलियम्मि तम्मि मिहुणम्मि ।। अह तत्थ निसियभल्लीहत्थो आहेडिओ पत्तो ।। २४८ ।। दट्ठण हरिणमिहुणं, निद्दयहियएण तेण पावेण ।। आकनकड्दिएणं, बाणेणं पडिहया हरिणी ।। २४९ ॥ तं दट्टणं हरिणि, धरणि पत्तं लुलंत-तरलच्छि । मम्मच्छेयण दूसह-पहार-वियणा समकंतं ।। २५० ।। निब्भरनेहनिबद्धो लुद्धयबाणं विणा वि सो हरिणो ।। उद्धच्छो चेव मओ पिच्छ अहो नेहमाहप्पं ॥ २५१ ।। हा नाह ! पढममेव य तुमए निवेण जीवियं चत्तं ॥ सरपहरविहुरगत्तं, मं मोत्तुं कत्थ वच्चेसि ।। २५२ ॥ रे वाह ! मज्झ घायं, काउं संधेसि किं पुणो बाणं ।। नीरस ! न कि नियच्छसि, मह नाहं चत्तनियजीहं ।। २५३ ।। इच्चाइ चिंतयंति, अणुहरिणं चेव सा मया हरिणी ।। तं दट्ठण सह धणुणा, वाहेण वि जीवियं चत्तं ।। २५४ ॥
Jain Education International 2010_04
For Private & Personal Use Only
www.jainelibrary.org
