________________
सिरिपउमप्पहसामिचरियं
सो नियइ नरं विमुक्कं तं कत्थ वि दिवससमयगयणं व ॥ कत्थ वि सचंदतारं रयणी समयंतरिक्खं व ।। २०३० ।। वच्चंतो सो पुरओ मलयायलमेहलं व पिच्छेइ ।। घणसारगंधसारागुरुरम्मं गंधहट्टगणं । २०३१ ।। रयणायरवेलं पिव अणेयमणिरयणविदुमसणाहं ।। सोवन्निय हट्टगणं कत्थ वि सो पिच्छए तत्थ ।। २०३२ ।। दोसिय हट्टसेणिं कत्थ वि सो नियइ तरुणि रमणि व ।। पयडियनम्मं निम्मल-नित्तसमारूढपरभायं ।। २०३३ ।। मणहरणखज्जगावणमेसो वल्लइ विपंचियसरं व ।। पयडियवंजणमसमप्पमोयजणगं नियच्छेइ । २०३४ ।। इय विविह वत्थू-भरियं नयरं पुरिसप्पयार-परिहरियं ।। पिच्छंतो सो कमसो पत्तो नरनाह-भवणम्मि ।। २०३५ ।। जं रयणनियर-तोरण-हरिचंदण-कलसवेजयंतीहिं । पुरपिच्छणाय पत्तं सग्गविमाणं व पडिहाइ ॥ २०३६ ।। सुद्धं तं पि असेसं, वुध्दसु सिध्दंत-तत्तमिव सुन्नं ।। सो पुलयंतो कुमरो आरूढो भवण-सिहरम्मि ।। २०३७ ।। सो नियइ तत्थ मणिमयममुल्लंपल्लंकमसमसोमालं ।। वर-हंसतूलकलियं, सुरसरिपुलिणं व सुविसालं ।। २०३८ ।। सो परिसंतो निब्भयचित्तो, तत्थेव रयण-पल्लंके ।। सुहनिदाए सुत्तो, निययावासं व संपत्तो । २०३९ ।। अह नरपयप्पयारं पलोयमाणो फुरंतअहरुट्ठो । कुमुओ रक्खस-चक्की संपत्तो तत्थ भवणम्मि ।। २०४० ।। सो रयणसारकुमरं निब्भरनिदाए मुद्दियच्छिजुयं ।। अवलोइउण चिंतइ, पिच्छह पिच्छह महच्छरियं ।। २०४१ ।। जं नन्नो चिंतेउं नेव गिराए पियंपिउं सक्को । तं इमिणा कुमरेणं, पारद्धं केलिमित्तेण ॥ २०४२ ।।
Jain Education International 2010_04
For Private & Personal Use Only
www.jainelibrary.org
