________________
रयणसारकहा
३५९
हा हयविहिणो ललियं चरियं सोउं पि तस्स वरमणिणो । अम्हेहिं न संपत्तं दूरे सुस्सुसणा पमुहं ॥१७६१ ।। नलिणिदललग्गजललवचवलं संजोयजीवियप्पमुहं । पत्तो चिय हेयव्वो असारसंसारवित्थारो ।।१७६२॥ अह नियविरावतासियहरियंदणलग्गभुयगसंदोहं । विहगेस जयपडाया विब्भमपयडणसिहारम्मं ॥१७६३।। ता पिच्छ गच्छ-सच्छह सच्छच्छ-अतुच्छ-पिच्छ-संभार । कमणीयदेहसोहं दिव्वं वर-सिहिणमारूढो ॥१७६४॥ मुहससिनिज्जियसोहा संगयससि-रविसमाणताडंका । नवचंदजायविब्भमचकोरपरिचयमुहसोहा ॥१७६५।। विहसियमहपंकेरुहसुरहिसमीराहिवासिय दियंता । नवइंदिवर-विब्भम-इंदीदिरविंद-चुंबियच्छिजुया ॥१७६६।। आभरण-किरण-लहरी निज्जिय-खर-किरण-किरण-निउरुंबा । कणियारकसमगोरी एगा तरुणी तहिं पत्ता ॥१७६७|| सा रिसहेसरपडिमं पणमित्ता नियसिहडिणा जत्ता । करणंगहाररम्मं नच्चइ सच्चविय बहभावा ॥१७६८।। कीरकुमाराण निब्भरबंधुररोमंचकंचुयंगाण । नच्चावियाई तीए चित्ताइ वि नच्चयंतीए ॥१७६९।। रूव-विणिज्जियमारं सा वि निरूविउं सहसा । वियसंत-नेत्तपत्ता, सचमक्कारा तओ जाया ॥१७७० ॥ करभोरु ! नत्थि जइ मण-खेओ मणयं पि एत्थ निविसित्ता । तत्तो धुवमम्हे वि हु, सकयत्थे कुणसु खणमित्तं ।।१७७१ ।। इय भणिया कुमरेणं,उवविट्ठा तत्थ पुच्छिया तेण । सा साहइ वुत्तत्तं, निययं आमूल-पज्जतं ॥१७७२॥ जुयलं ॥ सारय-ससंक-जोण्हा, मुणाल-नालोवमाण-गुण-नियरो । राया कणयपरीए,विज्जइ कणयद्धओ नाम ॥१७७३ ।।
___Jain Education International 2010_04
For Private & Personal Use Only
www.jainelibrary.org
