________________
२४६
सिरिपउमप्पहसामिचरिय
को रक्खिस्सई इण्हिं नियकुलकेउं विणा पुत्तं ॥३०९।। चउरगं पि चिगिच्छं पडिच्छमाणो वि विज्जवयणेहिं । रागे पगरिसपत्ते पत्तो एसो वि पंचत्तं ॥३१०॥ धणमित्तस्स य माया तह भइणी झ त्ति भइणिजायाणि । नठाणि जीवनासं नरवइनरघायभीयाणि ॥३११॥
अहयं हियसव्वस्सा ववगयजीव व्व मुच्छिया जाव । चिट्ठामि ताव सयणा पंचउलनरेहिं सह पत्ता ॥३१२॥ तेहिं वि हिरण्णकोडीउ सत्तसंखाउ तहय अनं पि । सयणासणवसणाई कीलिय पज्जंतयं लिहियं ॥३१३॥ मुच्छा मिलियच्छि पुरा मं पिच्छिय ते वयंति सच्छंदं । रे रे पुच्छह एयं गिहिवइ भज्ज निहाणाणि ॥३१४॥ इत्थंतरम्मि दुसहदुहकोडिकडक्खिया महा पावा । दिव्वोवहया अहयं सचेयणा तक्खणा जाया ॥३१५॥ भणिया तेहिं निहाणे कहेसु दंसेसु नियय पइ जणणिं । तुमए च्चिय नियलोओ सहसा अपवाहिओ सव्वो ॥३१६।। पडिउत्तरमकरिती जमभडसरिसेहिं तेहिं पुरिसेहिं । मंतिस्स समाएसा एत्थ पएसे समाणीया ॥३१७|| किं चपईमरणं धणनासो तणयाभावो सुदीहरं जीयं । एएहिं असंतुट्ठो धिट्ठविही देउ धरणं पि ॥३१८॥ इच्चाइ सप्पवंचं पवंचिउं सा वि देवि पयपुरओ । हा नाह नाह ! भणिरी विलवई उच्चेहिं सद्देहिं ॥३१९॥ सोऊण इमं देवी चिंतइ अहहा निवाण निक्किवया । जे इत्थं निव्वीराधणे वि लोहं पकुव्वंति ॥३२०॥ सुकं दाणी दंडो, भोगो भागो करो य तह विट्ठी । एएहिं असंतुट्ठा, अहो निवालिंति तीए धणं ॥३२१॥
Jain Education International 2010_04
For Private & Personal Use Only
www.jainelibrary.org
