________________
सुरसुंदररायकहा
११५
आगच्छंतो दिट्ठो, उवरिमभूमी निसनेण ॥१४७०॥ ससरीरं दारिदं, अहव इमो दुक्खलक्खभंडारो ।। तेणेव भयादंडा, कसिणा दीसंति सप्प व्व ॥१४७१ ।। इय चिंतिय सचिवेणं, कत्तो देसंतराउ पत्तो सि ? । वत्थव्वो वा कत्थइ? इय पुट्ठो जंपए एसो ॥१४७२।। जोयणपंचसयाओ परओ चंदपरपट्टणं अत्थि । तस्साऽऽसन्ने गामे, वसेमि आजम्मदालिद्दी ॥१४७३।। सामि! निसामियमेयं, जह मंती दूरदेसियनराणं । निक्कंदइ दालिदं, वणहत्थी वणनिगंजं व ॥१४७४।। तत्तो मत्तं सयणे, पत्तो एत्थ त्ति मंतिणा भणियं । हं सिद्धो सो अत्थो, जस्सऽत्थं वित्थरो एसो ॥१४७५॥ उठेहि एहि पंथिय ! गच्छामो रायपायपासम्मि । आसत्तवेणिजणियं, धणियं अवणेमि तुह दुत्थं ॥१४७६।। इय जपतो मंती, पत्तो रायस्स अंतियं तत्तो । विनवइ देव! एसो, पत्तो चंदउरनयराओ ॥१४७७॥ राया पुच्छइ पंथिय! अच्छेरं किंचि विज्जए तत्थ? भणइ इमो तं नयरं, अच्छरियमयं असेसंपि ॥१४७८।। तह वि हु कहेमि सामिय! सुणेसु नयरस्स उत्तरासाए । पउमसरमज्झ खंभे, मणिभवणं तत्थ अइरम्मं ॥१४७९॥ . उवहसियगोरिरूवा, नियधूया विहियपरिसविद्देसा । लीलाकुमारिकता, रना मुक्का तहिं भवणे ॥१४८०॥ राया भणेइ पुणरवि, इणमेव भणेहि जेण तुह जीहा । बहहा असेसकल्लाणभाइणी किज्जए एण्हिं ॥१४८१ ।। निय जायाओ अहिओ, पहिओ नरनाह! मंतिनाहेहिं । दिट्ठो अहवा गरूया, सिद्धे कज्जम्मि नवि विमहा ॥१४८२॥ रयणमयपाउयाओ, निवस्स सीहासणे निवेसेउं । सामंततंतवाला, अन्ने सचिवा य तो भणिया ॥१४८३ ।।
Jain Education International 2010_04
For Private & Personal Use Only
www.jainelibrary.org
