Page Text
________________
मणोरमा-कहा
जीविएण । पुच्छिया हं गुणवईए-"किं कारणं ? कीर-मिहुणयमेयमुवरयं ?" साहिओ मए किंपाग-फलविवागो, तओ सा खणं तरेण वंचिऊण मह दिट्टि मरणट्ठा समागया एत्थ पायवे । गहियाणी भूमिनिवडियाणि किपाग-फलाणि, भक्खियाणि य। विसविहलंघला निवडिया धरणिवठे। निरूवियं मए पच्छाहुत्तं, दिट्टा एसा, ससंभममागंतूण सित्ता कमंडल-वारिणा। वीजिया वक्कलंचलेण। न संपण्णो कोइ तहाविहो गणो । तओ हं कि कायव्वं ति? मुढा उवयारं काऊमसमत्था एवं विलविउमारद्धा। अणुकूल-विहिवसेण जाओ तुम्हेंहिं सह संगमो। जीविया एसा दव्वओ। भावओ पुण धणदेव-समागमेण जीविस्सइ।
एत्थंतरे भणियं कालसेणेण-"भयवइ! सो चेव एसो वणिय-कुल-कमल-दिवायरो धणदेवो। अहं पि धणदेवस्स चेव भिच्चावयवो। तावसीए भणियं-"जइ एवं तो मिलियं कुलवइवयणं। समागया जलहिणा जण्हुकण्णा।" सुवक्कलावयण कओ गणवईए संभमाणुरूवो उवयारो। ठियाणि परमाणंदनिब्भराणि परोप्परालावेण खणमेगं। मोत्तण तत्थेव सपरिवारं कालसेणं गओहं गुणवई-सहिओ तबोवणं। पणमिओ कुलवई । दिण्णाऽऽसीसा, निसण्णा उचियासणे। पुच्छ्यिा कुलवइणा-"तावसीसुवक्कले ! को एस आयारसूइज्जतमहाणुभावो अतिही ?" सविनयं जंपियमिमाए-“एस गुणवईए पिययमो धणदेवो नाम सत्थवाह-पुत्तो।" एवं सुणिऊण परितुट्ठो कुलवई। पुच्छिओऽहमणामयं ? तुम्हाणुभावेणं सव्वत्थ कुसलं। ठिओ तच्चलणसुस्सूसणाए थेवकालं। दिण्णो तेण धम्मोवएसो । तओ पणमिऊण कुलवइं गयाणि कालसेणसमीवं । कइवयदिणेहि पत्ता पल्लि । पडिवत्तिपरस्सरं धरिओ दिणमेगं अहं कालसेणेण । ढोइया हलगय-दंत-चित्तय-चम्म-चारु-चामरपमुहाणि पऊरपाहुडाणि।
बीय दिणे पत्थिओ नियसत्थाभिमुहं समं कालसेणेण, गहिऊण रस-तुंबयं अखंड-पयाणएहिं पत्तो पंचउर-पट्टणं । मिलिओ निय-सत्थस्स। आणंदिया संदरा[इ]पहाण-पुरिसा । तुट्ठो सत्थ-जणो । काराविया सव्वा भोयणाइया पडिवत्ती कालसेणस्स। सम्माणिओ पवरवत्थाईहिं। बीय-दिणे दाऊण पंचसुवण्ण-कोडीओ पणय-पुरस्सरं विसज्जिओ कालसेणो। अहं पि चलिओ सनयराभिमुहं । कइवय पयाणएहिं पत्तो नयर-समीवं । आवासिओ नयर-बाहिरियाए सत्थो। वद्धाविओ गंतूण सुंदरेण ताओ। दिण्णं परिओस-दाणं सुंदरस्स। सद्दाविया ताएण सयण-मित्तवग्गा। हक्कारियाणि सयल-पाय-मूलाणि । खुभिओ नयरलोओ। निग्गओ पच्चोणीए ताय-पुरस्सरो सुहि-सयण-वग्गो। सत्थसमासन्नमागयाणं अभिमुहं गंतूण निवडिओ हं चलणेसु । आणंदभर-निब्भरेण सायरं समालिगिओ ताएणं ।
तओ पसत्थ-वासरे महामहूसवेण पवेसिओ नगरं। समागओ निय-घरं, पणमिआ जणणी। “अणवरय-मुक्कनयण-सलिलाए पुत्तय ! न दिट्ठा ते रिद्धी लोयणेहि" भणमाणीए परामुट्ठो हं सव्वंगेसु करयलेहिं । तओ गहिऊण पाहुडं गओ नरवइ-समीवं। परितुट्ठो राया। कओ आजम्मंपि उक्करो। तंबोलाइकय-सम्माणो। समागओ नियमंदिरं। सम्माणिऊण विसज्जिओ परियणो। तओ परितुट्र-मित्त-सयणवग्गं,' महादाण-परितोसिय-दीणाणाह-तक्कुय जणं, जहासमीहियसंपज्जत-सयल-विसयगणं विसय-सुहमणुहवंतस्स वच्चंति वासरा।
अण्णम्मि दिणे नगराओ निग्गच्छंतो दिट्ठोऽहं धणदत्तसेट्ठि-धूयाए विणयवइए। संजायाणुरायाए चिरमवलोइओ। भणियं च सहीण पुरओ। “जइ एसो णे भत्ता न भवइ ता मए मरियव्वं पव्वइयव्वं वा।" साहिओ तयभिप्पाओ सहीहि धणदत्त-सेट्ठिणो। तेणवि सयं समागंतूण भणिओ ताओ “अम्हाणुरोहेण धणदेव-निमित्तं वरियव्वा विनयवई।" ताएण भणियं-"को कल्लाणे विरोहो। परं धणदेवं पूच्छिऊण निच्छयं ते कहिस्सामि।" विसज्जिओ धणदत्तो। पायवडण-निमित्तमागओ ससिणेहमवगहिऊण भणिओ हं ताएण-"वच्छ! वरिज्जइ तुह कए धणदत्त-सेट्रि-सूया विणयवई।" मए भणियं- "ज ताओ जाणइ।" पसरिओ एस वइयरो सवम्मिय पूरे।
__ अण्णया भणिओ हं गुणवईए-"अज्जउत्त ! जहा जगो मतेइ तहेव जइ भविस्सइ तो मए मरियव्वं ।” अदिण्णपडिवयगा मए। अण्ण दियहे जाम-मेताए जामिणीए निहाभर-निब्भरं पसुते परियगे दुक्खभर-भरिय-माणसा महया सद्देण रोयमाणी उट्ठिया सयणिज्जाओ गुणवई । सद्द-सवण-पडिबुद्धेण भवणाओ निग्गच्छमाणी गहिया मए दाहिण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |