Page Text
________________
मणीरमा-कहा
अण्णम्मि दिणे भणिया तुमं कुरुदेवेण-"पिए ! संपयगिरिगयवरमारूढो उवरि विरायंतपुंडरियछत्तो। निवडतकासचमरो सरयनिवो मयिले भमइ ।११८४।
ता गंतूण गामासण्णपव्वयगिरिनईदहेसु जलकीडं करेमो। जओसरए महद्दहाणं अंतो सिसिराइं वाहि उपहाई। जायाई कुवियसज्जण-हियय-सरिच्छाई सलिलाई।११८५६
पडिवण्णमेयं तए। साहिओ एस वइयरो सिरिमईए। सा वि चलिया समं कुरुदत्तेण । समारूढाणि पब्वयं । काऊण मज्जणं नईदह-निज्झर-सरसी-सलिलेस विविहवणसंड-गिरि-नई-परिसरेसु कीलिउमारदाणि। इओ तओ दइएण सह कीलमाणी गया तुम एगम्मि वणनिगुंजसमासण्णपएसे । एत्यंतरे पयसंचार-सवणसंभंतमाणसो वरिहभारमंथरगई तरलतारयं पच्छाहुत्तं नियंतो उडिओ तओ ठाणाओ एगो कलावी। कोउहलावूरिज्जमाणमाणसाणि निहुयपययसंचारं गयाइं तुब्भे वि तं पएसं? दिट्ठा तत्थ पंखाहिं पच्छाइऊण नियतणयं संठिया सिहंडिणी । सहरिसं जंपियं कुरुदेवेण"पिए ! अवहियाए होयव्वं । एवं भणिऊण गहिउमाढत्ता । कलुणकेयारवं कुणमाणी उड्डिया कलाविणी। पडिया चिरकयपारद्धियपासए सविहमागच्छंतो निद्धाडिओ मोरो। गहिया सा कुरुदेवेण समं मोरपोयगेण । समप्पिया तुज्झ । जाओ ते मोरपोयगं पइ पेमाणुबंधो । मक्का कलाविणी । धरिओ सद्धि डिभो । सूयसिणेह-लंघिया सविहभमिमाणी तसिया सिहंडिणी विउइया पहरमेगं य। पच्छा संजायपच्छायावाए तत्थेव वणनिगंजे नेऊण मक्को सो मोरपोयगो। मिलिओ जणणीए। समागओ मोरो। जाया ताण मणनिव्वुई। सिरिमई वि कुरुदत्तेण समं कीलमाणी गया एगम्मि गिरिसरियापरिसरे । दिट्ठो तत्थ सीयलसहयार-छायातलनिसण्णो उच्छंगनिवेसियसुइरं संलवणसमाउलाए बंदणाए नियधरिणीए केसपासं विक्खरंतो सूरदेवो नाम कूलपूत्तओ । तेण विदिटा] सिरिमई । तओ सो तं पइ संजायसिणेहाणुबंधो निण्णिमेसदिट्ठीए निज्झाइउमारद्धो । एत्थंतरे चिरकालकलहमणुसरंतीए चंदणं पइ पउट्ठमाणसाए, 'पावउ एसा रंडत्तणं' त्ति मण्णमाणीए भणिओ कुरुदत्तो सिरिमईए--"पिययम ! न सोहणमेत्थ चिरकालावत्थाणं ?" तेण भणियं-"किं निमित्तं ?” सिरिमईए भणियं--"कि न पेच्छसि पूरओ सुरदेवं सरागाए दिट्ठीए ममं निज्झायंतं । जं पुण एस संलवइ तं तुह कहिउं पि न तीरइ।" एयं सोऊण संजायकोवेण कुरुदत्तेण अलक्खिएणेव पहओ सो खग्गेण । पाविओ पंचत्तं । चंदणा वि दढं संजमिऊण निरुद्धवयणपसरा छढा एगम्मि वणनिरांजे । 'एतो वि समहियं दुक्खं पावउ' ति अवहरिओ चंदणा-तणओ सिरिमईए। विउइया सा पहरमेगं । एत्यंतरे मिलियाणि तुब्भे। साहिओ इयरेहिं सव्वो वि निय-वइयरो । संजायकरुणेहिं मोयाविया तुहि चंदणा समप्पाविओ पुत्तो । भणिया य सा कुरुदत्तेण--"जइ एत्तो चेव देसंतरं । गच्छसि, इमं च वइयरं कस्स वि पूरओ पयडेसि तो नत्थि ते जीवियं, नण्णहा। पडिवण्णमेयमिमाए । सवह-साविया मुक्का गया देसंतरं तुब्भे वि चिरं कीलिऊण समागयाणि नियघरं । नियाऊयं परिपालिऊण मज्झिमगुणजोगओ मरिऊण कुरुदेवो सिट्ठिओ संजाओ। तयणंतरं नरसीहो। तुमं पि तारप्पहा होऊप रंभावली । एवं सम्मत्तबीयलाहं देसविरइपरिपालणसामत्थओ देवभवंतरियाणि अणुभविऊण नरभवसोक्खाणि, जाओं कुरुदेवो सूरसेणो । तुम पि मणोरमा । मोरजीवो असणिवेगविज्जाहरो । मोरी वि हेममाला नाम एयस्स चैव घरिणी । कुरुदत्तो वि अनन्तरभवे काऊण कि पि कसलाणठाणं कित्तिवम्मो समप्पण्णो। सिरिमई हेमसंदरी। सूरदेवो नरवम्मो । चंदणा रयणमाला नाम नरवम्मस्स चेव भारिया । ता भहे ! जं सूरसेणेण कुरुदेवपज्जाए वट्टमाणेण घरिणि-तणयाण मोरो विउइओ तक्कम्मोदएण तेणेव मोरेण असणिवेगपज्जायमावण्णेण सपुत्ता तुमं राइणो समीवाओ अवहरिऊण पियमलयपव्वए मक्का। कयत्थमत्ताणयं मण्णमाणो गओ सट्ठाणं । एत्थंतरे तुज्झ वि तं कम्ममोइण्णं जं तया मोरीपुत्तेण सह विउइया । तओ तीए चेव मोरी हेममालापज्जायमावण्णाए पओयणवसेण पियमेलयमागयाए तुब्भं उच्छंगाओ प्रत्तो अवहरिऊण जलहिजले विमक्को। जाओ दसमासिओ ते विओगो। हेमसुंदरी वि जोव्वणमारूढा दिठा खयराहिवमामगेण । मग्गिया। पडिवण्णा पिउणा। परं जम्मंतरसिणेहभावेण कित्तिवम्म मोत्तूण न अण्णं परिणेइ [ति] नाऊण निच्छयं तस्सेव दिण्णा। एत्थंतरे जं कुरुदत्तपज्जाए बट्टमाणेण कित्तिवम्मेण सूरदेवो विणिवाइओ, तओ तक्कम्मोदएण तेणेव नरवम्मपज्जायं पाविऊण कित्तिवम्मो विणिवाइओ । हेमसुंदरीपुत्तो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |