Page Text
________________
मणोरमा सूरसेणचरिये मणोरमा पुव्वभव पुच्छा
३३५ जा जत्थ पगिट्ठा वेयणा, तत्थ तत्थ तं तं निरंतरमणभवमाणो, तिक्खदुक्खाणुगए अत्ताणे असरणे दीणे दयावणे किलिट्ठकम्मभरपणोल्लिए, कयाइ पढम, कयाइ दोच्चं, कयाइ तच्चं, कयाइ चउत्थिं, कयाइ पंचमी, कयाइ छळिं, कयाइ सत्तमी पि नरयपुढवि पूणरुत्तमणंतरावत्तो परिभमई । कहकहवि तत्तो उव्वदेवि एगेंदियाइ अप्पाउगं कम्म संचिणइ । एगिदिय बेंइंदिय-तेइंदिय-चरिदिएस सुदुरं भमिऊण कहकहवि पंचिदियतिरिक्खत्तणं पाउणइ । तत्थ वि बहुदुक्खदुखिए चिरं वसिऊण माणुसत्तणं लहइ । तम्मि वि जाइ-जरा-मरणाणिठेयर-संजोग-वियोग-रोग-सोग-दालिद्ददोहगाइ-दोस-दूसिए चिरकालं वसिऊण पत्तदेवत्ते वि साणबंध-मिच्छादसणसल्लपेल्लियसुहेल्लिसंभवत्तणओ चेव
देव] किंग्विसियाभिओगिय-हीणदेवत्तणेसु कयाइं रिउरिद्धिदसणजणियं, कयाइ महिड्ढिय-सुराणादाण-निव्वत्तियं, कयाइ ईसाय-माणभंग-संभवं, कयाइ मल्लमालिण्णाइ-चवण-लिंगप्पभवं, कयाइ निहीणजोणिसंभवजणियं दुक्खमेव पयरिसपत्तं वेएमाणे कालं अइवाहेइ । अह कहवि अण्णाणतवेण वा अकामतण्हा-छहाइणा वा देवाइभवप्पण्णे रिद्धिविसेसं कि पि पाउणेज्जा, तं पि समत्तरससुण्णमूलनिसेगं लवण रससुण्णमण्णं व न चित्ताणंदकारणं भविउमरिहिइ । तत्तो चुए पुणो वि से वराए भीमावाडवीभमणभायणं भवइ अविय-- दुविहं खलु इह सल्लं नायव्वं दव्व-भाव-भेएहि । दवम्मि तोमराई अहमिच्छा दंसणं भावे ।११६६। मिच्छादसणसल्लं सल्लं व पइद्वियं हिययमज्झे । सव्वेसि पि आवयाण कारणं दारुणं-विवागं ।११६७। मिच्छादसणसल्लेण सल्लियाणं सया वि जीवाणं । सम्मइंसणलंभो जायइ बहुकुलकम्मेण ।११६८ । एयं सो दिसिमोहो एवं सो अच्छिपबंधो य । तमिमं जच्चंधत्तं नेत्तद्धारो स एवं ति ।११६९। केसुंडगनाण मिमं अहवा मइविब्भमो स एसो त्ति । सुत्तीए रययविसयं विण्णाणमिणं तमेयं ति ।११७०। उज्जलजलविसओ वा एस स मायण्हियासु पडिहासो। तं च इमं जं सुबः जणम्मि विवरीयधाउत्तं ।११७१। तमऽकंडविडुरमिमं तह तमिमं पंसुवुट्ठिउव्वहणं । घोरंधवकुहरम्मि निवडणं नणु तमेयं ति ।११७२। जमिम मिच्छादसणसल्लं समत्तख लणपडिमल्लं । वासा समथम्मि महल्लं पयट्टमाणाण चिक्खल्लं ।११७३। जमदेवो पि हु देवो अगुरू [वि] गुरुअतत्तमवि तत्तं । जमधम्मो वि हु धम्मत्तणेण मण्णिज्जइ जणेण । ११७४। अंपि जहत्तगुणम्मि वि देवम्मि गुरुम्मि तत्तवग्गेय। धम्म य परमपयसाहम्मि अरईपओसो वा ।११७५। जमदासीणत्तं पि हु परमपयत्थेसु देवपमुहेसु । मिच्छादसण-सल्लम्स तं पि हु, दुविलसियं सव्वं ।११७६ । पढइ गणइ निच्वं पि सायरं जीवो । तह विहु त्रिवरीयमई अहह महमोहमाहापं ।११७७। जं भगवओ वि सागरकोडाकोडी]पमाणभवभमणं । मिच्छादसणसल्लस्स विलसियं तं पि विण्णेयं ।११७८। जइ एयं चिय एकक नरेसु मिच्छत्तसल्लभल्लमल्लीणं । ता सय दुहाण कए तं चिय होही किमण्णेण । ११७९। तावच्चिय मणभवणे सम्मत्तपईवो पहं देइ । जाव न मिच्छादसणे पयंडपवणो पणोल्लेइ ।११८०। पत्तं पि पुण्णपब्भारभरसमत्तरयणमुत्तरइ । मिच्छाभिमाणओ जह गोट्टामाहिल्लजमालीणं ।११८१। ते चरणगुणा सो नाणपयरिसो सुगरुसंगमो सोयं । मिच्छादसणसल्लं सव्वे वि गुणे पणासेइ ।११८२। जइ अत्थि सुहसमीहा अट्ठारसपावट्ठाणमेयं तु । मिच्छादंसणसल्लं उद्धरह तओ पयत्तेण ।११८३। .. एत्यंतरे लद्धावसराए जंपियं मणोरमाए---"भयवं! केरिसं मए पावट्ठाणमणुट्ठियं जेण पइ-पुत्तेहिं सह समासिओ विओगो जाओ? किं वा हेमसंदरीए सुएण सह वियोगस्स कारणं ? कहं वा पढमजोव्वणे विहवत्तणं पाविया ?" उवओगं दाऊण भणियं सूरिणा-"भद्दे ! निसामेसु--"
• अत्थि इहेव जंबुद्दीवे एरवएवासे धणधण्णसमाउलो नइ-कृव-वावि-पुक्खरिणिसमाउलो धणपरो नाम गामो तत्थ य पउरगोधणो धणो नाम मेहरो अहेसि । इओ य नवमभवे तस्स तुब्भे सिरिसिरिमइनामियाओ दुहियरो आसि । तुमं जेट्ठा इयरी कणिट्ठा। कमेण पवढमाणाओ जोव्वणं पत्ता। परिणीयाओ तत्थेव-वत्थव्वहिं कुरुदेव कुरुदत्ताभिहाणेहि कुलउत्तएहि परोप्परं सिणेहसारं विसयसुहमणुहवंताण वच्चइ कालो।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |