Page Text
________________
मणोरमा-सूरसेणचरिये पावडाणवणणं
३३१
खडियचप्पुडियाइयं, करेइ सिड्ढिरायं (?) उज्जमइ विविहसिप्पाइकम्मेसु । एवं खिज्जइ च्चिय से वराए न ऊण आकंखारक्खसीविनडिए किलिस्समाणे वि विणा पुण्णेहि पाउणइ दविणजायं । केवलं चिरकालं खिज्जऊ [ण) मए समाणे दुग्गइ-दुहाण भायणं भवइ । अवि य-- लोभे सव्वविणासी लोभे परिवारचित्तभेयकरे । सव्वावइ-कुगईणं लोहे संसारमग्गे त्ति ।११००। लोहदोसेण पउरं पुरिसो पावं पबंधिउं घोरं । अविहियतप्पडियारो निवडइ संसारकंतारे ।११०१। जो पृण लोभविवागं नाऊण विवागओ महासत्तो । तप्प डिवक्खं सेवइ इहेव सो सोक्खमणुहवइ ।११०२। ता एवं लोहरिङ सुंदरसंतोस-तिक्खखग्गेण । जिणिऊण दुज्जयं पि हु तमप्पणो निव्वुई कुणसु ।११०३। जइ इच्छइ मुत्तिसुहं दुरंतदुक्खाण कारणं ता भो। नवमं पावट्टाणं लोहं दूरेण वजह ।११०४।
___ अहावरे दसमे पावट्टाणे से णं पेज्जं । से वि मूलनिवेसे सयल (पावट्ठा) णाणं नाही हासाइछक्कवक्कस्स; विज्जुनिवाए विवेगगिरिसिहरसंवसयस्स, फलपयरिसो अण्णाण तरुणो, सारिणी पवाहे संसारामस्स, विझोवगे विसयाहिलासकुंजराणं, रायहाणी अत्थपत्थिवस्स, इमे णं पेम्मे पुरिसे असिवायं जडे, अणग्गी अंगदाहो, अदारिदो वरायं अविसुब्भवा मुच्छ्त्त णं अमंततंते आवेसे, अलग्गगहे उम्माए, अमूयत्तणं मोणं, अणुवहयसवणिदियं बहिरत्तणं, अणप्पविक्कयं परवसत्तणं । केत्तियं व रागस्स बज्जरइ जेणाहिट्रिए पुरिसे धत्तुरयरसिए व्व तणं पि कंचणं, मायण्हियानडिए व्व अजलं पि जलं, तिमिररोहियचक्खु व्व एगचंद पि चंददुगं, सुमिणपेच्छए व्व वितहं ति काऊण तत्थं पासइ। अहो रमणीजणस्स रत्तुप्पलसरिसा चलणा, कणयगंडिया-संकासाओ जंघाओ, कयलीखंभविन्भमे ऊरूणि, कंकेल्लिपल्लवकोमले करयले, मुणालिया सणिहाओ बाहाओ, लायण्णपडिपुण्णकणयकलससरिसे पउहरे, विद्रुमागारमहुरं [अहरं] अमयरसं व तण्णिस्संद, कुंदकलियाकप्पा सिहरिणे दसणे, अट्ठमीचंदसंकासं भालयलं, कलाविकलाव-कप्पं धम्मेल्लं-एवं मुत्तपुरीससोणियकुणिम-कलिमलाविलेसु अवत्थुभूएसु वि जुवइ-जणंगोवंगेसु रागाइरेगअवत्थत्तं परिकप्पिय, अगण्णिऊणकुलक्कमकुसं, अवगणिऊण गरुजणोवएस, परितोडिऊण लज्जासंकलाओ, उम्मलिऊण जणउवएसे, लोहकीलाए तोडिऊण अंगी-कयगुणवरत्ताओ, उक्खणिऊण मज्जायालाणखंभं मओम्मत्तहत्थि व्ब रागी जहिच्छाए वियरइ । यतः दृश्यं वस्तु परं न पश्यति जगत्यन्धः पुरोऽवस्थित।रागान्धस्तु यदस्ति तत् परिहरन् यन्नास्ति तत्पश्यति।११०५। कुन्देन्दीवरपूर्णचन्द्रकलशश्रीमल्लता पल्लवा । नारोप्याशुचिराशिषु प्रियतमागात्रेषु यन्मोदते ।११०६। अवि य-- जइ रागोच्चिय न भवे जीवाण विडंबणाकरो इहई । ता असुईकलमलभरिए रमेज को माणुसे देहे ।११०७। जं अइदुग्गंधं वीभच्छ[विरसं] वाम हाणिजणगं च । जो रमइ तेण मूढो अन्वो ! विरमेज्ज सो केण ।११०८। जं जं गुज्झं देहे लज्जिज्जइ जेण दिट्टमेत्तेण । तं चेव जस्स रम्म अहो विसं महुरयं तस्स । ११०९। ऊससाइ ससइ वेवइ मउलइ नयणाई नीसहा होइ । तं चिय कुणइ मरंती रागिस्स तहा वि रमणिज्जा ।१११०। सुक्कसोणियसंभूयं नवछिई मलाविलं । अट्टि-सिंखलियानद्धं हय-महिला-सरीरयं ।११११। एवं विहं असारं बहुजणपरिनिदियं अइविलीणं । जं सोंडीरा वि नरा रमंति ही ! रागसामत्थं ।१११२। किं बहुणा भणिएणं ! जं जं जीवाण जायइ जम्मि । दुक्खं सुतिक्खवियणं तं तं रागफलं सव्वं ।१११३। जइ सोक्खेणं कज्जं तो सयलाणत्थकारणं एयं । दसमं पावट्ठाणं रागं दूरेण वज्जेह । १११४।
अहावरे एक्कारसमे पावट्ठाणे । सेणं दोसे। तप्परे वि पुरिसे वाहिज्जइ मच्छरेण, दूमिज्जइ परपुयादरिसणेणं, कयत्थिज्जई ईसाईहि, वाहिज्जइ अणक्खेहि, खिज्जइ पररिद्धिदरिसणेण, हरिज्जइ तप्परिक्खएणं, तसइ परवसणेणं विहुरिज्जइ परगुणकित्तणेणं । तहा पेसलालाविणं मुहा मंगलयरं ति, धम्मियं च गवित्ति (?) ति, भणिई-कुसलं मुहरंति, पयइ-सूरं निरगुंकंपं ति, सभावना-निर[य] लल्लियर्र ति, लज्जालुयं दंभपरं ति भणिऊण दूसेइ अदूसणिज्जे वि । उक्तं चशाठ्यं ह्रींमति गण्यते व्रतरुचो दम्भ : शुचौ कैतवं । शौर्य निर्धणता ऋजौ विमतिता दैन्यं प्रियालापिनि ।१११५॥
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |