Page Text
________________
३१८
मणौरमा-कहा
सुइरं विलविऊण परमपूया पुरस्सरं तिसंझमवि पाससामिणो चलणजुयलमाराहयंती एत्थेव एगागिणी ठिया। एत्तियं कालं अज्ज पूण माउस्सिया-धयं कणिभइणीं तुमं संजोजयतेण पडिकलकारिणा वि अणकलमायरियं दिवेण।" मणोरमाए भणियं-“कहमहं ते माउस्सियाभइणी? सुणेसु"--पारद्धे, मज्झ वीवाहऊसवे, वरवत्थाहरणे विभूसिए इओ तओ परियडते विज्जाहरनारीगणे, समागय-रयणीए [तमंधार]नियरनिव्ववियसयलजीवलोए, उग्गए मयलंछणे, अंबं परिवारिऊण समंतओ निसण्णे निय-परियणे, अकम्हा चेव परुण्णा अंबा। अमंगलभीरुयाहि कहकह वि निवारिया परिणयनारीहिं। पुच्छिया सोगकारणं। न साहियं ताण । तओ चलणग्गहं काऊण मए पुच्छिया। नाऊण निब्बंधं जंपियं अंबाए--"वच्छे ! अस्थि मे जीवियाओ वि अच्चंतवल्लहा विजयावली नाम कणि?-भइणी। सा पुण परूढपणएण चंदकंतपुरसामिणो भूमिगोयरविजयसेण-राइणो दिण्णा ताएण। पाणिग्गहण समए चेव सा मए दिद्विल्लिया। सया वि तं सामण्णेण सुमरामि । अज्ज पुण तुह विवाह-समय-समारद्ध-महामहूसवे सविसेसं सुमराविया । तेणाहं परुण्णा। जओचंदरहिया पओसा उल्लूरियपंकयः सरुच्छंगा। देसा वि पुत्ति पत्तिय पवसिय-सुयणा न सोहंति ।। सुमरिज्जंता ऊसवदिणेसु गेहूसवे सराविता । वच्छे ! दसंतरिया सुयणा सल्लंति हिययाइं । कि तेण ऊसवेणं किं वा विहवेण वच्छि अहलेण । विलसंता सयणजणा कुणंति नो जत्य संतोस ।। कि तेणब्भुदएणं पहुत्तणेणावि पुत्ति किं तेण । किं तेहिं लोयणेहिं दीसंति न सज्जणा जेहिं ।। करिकण्णचले विहवे कुसग्गा-जल-बिंदु-चंचले जाए । जं जीविज्जइ सज्जण-विओग-विहुरेहिं कि तेण? ।। सुव्वइय तीए जाया जण-नयण-कोमुइ-सरिच्छा । तुज्झ कणिट्ठा भइणी मणोरमा नाम नामेण ।। सा सूरसेण-रण्णा सयंवरामंडवम्मि परिणीया । कण्णारयणं परमं तुमए गंतूण दट्ठव्वा ।। जओअसणेण वच्छे ! सुट्ठवि नेहाणुबंधवडियाइं । हत्यउडमाणिआई व कालेण गलंति पेम्माइं।.
पडिवण्णं मए अंबावयणं । तुह दंसण-समूसुयाए वोलीणो एत्तिओ कालो । अज्ज पुण असक्कियामय वुट्ठी व तुम मिलिया ।। वामेण वि मह विहिणा विहियं एयं तु संगयं अज्ज । जं समदुक्खसहाए तए समं संगमो घडिओ ।। रणं पि इमं वसिमं वसणं पि हु ऊसवेण सारिच्छं । मणनयणानंदयरे मणोरमे जं तुमं दिट्ठा ।। एवं भणमाणीए वाहाविललोयणाए खयरीए । घेत्तूण गले बाढं गाढयरं साइयं दिण्णं ।। तो दुगुणियसोयानलजालावलिदज्झमाण-देहाओ । कय-कंठ-ग्गहणाओ पमुक्कपोक्कं परुण्णाओ ॥ जम्हा दिठे सुयणे सब्भाव-सिणेह-निब्भरे धणियं । उदगे व्व तेल्ल-बिंदु जंतूण दुहं पवित्थरइ ।। तह ताहि तत्य रुग्णं सुण्णारणम्मि दुक्खियमणाहिं । तदुक्खदुखिएहिं जह रुण्णं सावएहि पि ।।
एवं ताओ चिरं रोइऊण अण्णमण्णनिवारणेण विरमियाओ रोइव्वस्स। ठियाओ तत्थेव सहावसुंदरे जिणमंदिरे। तिकालमवि वंदण-पूयणाइणा पासजिणमाराहयंतीण वच्चंति वासरा।
अण्णम्मि दिणे पभाए चेव दिट्ठा गयणंगणे विमाणरिछोली । तक्खणा चेव भरिओ विसालसिहरमहीहरो विज्जाहर लोएण। ठिया सत्त-संकाए गहिऊण मणोरमं जिणभवणब्भंतरे हेमसुंदरी। ते वि विज्जाहरनरनारिगणा गहिय पहाणपूओवगरणा जिणमंदिरभंतरे पविसिउमारद्धा । हेमसंदरी मणोरमाओ वि पविसंतजणं निरूवेमाणीओ जाव चिट्ठति तावागओ विज्जाहरभडपरिवारिओ अहिणव-सिद्ध-पण्णत्ति-पमुह-पहाणविज्जो दाहिणेयर-पास-परिसंठिय कित्तिसुंदरमणोरमसेणो गंधव्वसेणो नाम विक्कमधणरायभत्तिज्जओ। पूइओ तेण पारियायपमुह सुरतरुकुसुममालाहिं तित्थयरो। काऊण पणाम निग्गओ। निसण्णो जिणभवणमंडवे । हेमसुंदरीए भणियं-"हला ! मणोरमे, गंधव्वसेणपासे मह पुत्तो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |