Page Text
________________
मणोरमा सूरसेणचरियं
३१७
वइयरो।। अंबाए भणियं-"वच्छे ! न विसाओ कायव्वो। तुह समीहियसंपायणो चेव अम्हाण समुज्जमो । एहि, घरं गच्छामो।" तओ मए चितियं-- एक्कं पिय-जण-विरहो बीयं मयणानलो वियंभेइ । तइयं कल-कलकंठी-कलय सद्दो समुच्छलइ ।। तुरियमुज्जाणपायवअंतरिओ कुसुमधणुविमुक्केहिं । निसियसरेहि सहेलं सल्लाइ अंग अणंगो वि ।।
ता संगयमिहावत्थाणं ति मण्णमाणीए पडिवण्णं मए अंबावयणं । समागया नियमंदिरं । कहिओ एस वत्तंतो अंबाए तायस्स । तेण वि सखेयं भणिया अंबा-"पिए ! पणयपत्थणापूरस्सरं मग्गिया एसा विज्जवेगविज्जाहरचक्कवट्टिणो माउलेण सुहालयनयरसामिणा नरवम्मराइणा। पडिवण्णो य मए। परमेगा मम दुहिया जहा सुहिया संपज्जइ तहा करिस्सामि । न भे विसाओ कायव्वो।" अंबाए भणियं-"जइ एवं ता पण्णवेमि ताव ते दुहियं । जइ पडिवज्जइ सो चेव वरो सोहणो। पडिवण्णं ताएण। सरूवं साहिऊण दिण्णा अणेगे मह अंबाए उवएसा। न उण मह हियए एगो वि संठिओ। जओवारं वारं वि[ग]लइ उवएसो गुरुजणेण दिज्जतो। मयरद्धयबाणपहारजज्जरे पाणि-हिययम्मि ।।
नाऊण निच्छयं भणिओ अंबाए ताओ-"न पडिवज्जइ एसा।" तओ ताण पडिसिद्धो नरवम्मे दिण्णा हं कित्तिवम्मस्स तिलयसुन्दरनयरसामिणो चित्तवम्मविज्जाहरतणयस्स । महया विच्छडेण वित्तो विवाहो । सिणेहसारं विसयसुहमणुहवंतीए तेण सह जाओ मे दारओ। उचिय-समए कयं नामं कित्तिसुंदरो।
इओ सो नरवम्मराया अज्जउत्तं तायं च पओसमावण्णो अण्णया अंतरं लहिऊण वावाइओ तेण अज्जउत्तो। अहं पि भयभीया कित्तिसुंदरं गहाय ताय समीवं गया। ठिया तत्थ सुहं सुहेण कइवयदिणाणि ।
अण्णम्मि दिणे भणियं मह पुरओ ताएण “वच्छे ! चंचलाओ रिद्धीओ । संझब्भरागसरिसं जोव्वणं । खणदिट्रनटठं सहावओ जंतुण जीवियं, विसेसओ सवेराण अम्हारिसाण। ता करेमि कत्थ वि उभयभवसुहावहं पास-सामिमंदिरं।" मए भणियं-"कल्लाणे को विरोहो।"
__तओ नियपरिवारसम्मएण कारियमेयं ताएण जिणमंदिरं, पासायगब्भो आरामाओ। काऊणपइट्ठापुरस्सरं अद्राहिया महिम, भणियाहं ताएण-"वच्छे! न संति ते वसणसहाया. सहोयरा बद्धामरिसो समत्थो सत्तू । जइ कहवि वसणं भे भवइ तो एस भयवं सरणं पव्वज्जियव्वो।" तहेव पडिवण्णं मे तायवयणं । समागओ सद्राणं। ताओवोलीणो को वि कालो।
अण्णम्मि दिणे सबलवाहणो अलक्खिओ चेव समागओ नरवम्मराया। साहिखेवं भणाविओ तेण ताओ-"अरे! भट्ठपइण्ण ! दाऊण मह दुहियरं अण्णत्थ तं दितस्स दिह्र ते सव्वं । संपइ पोरुसं पेच्छामि । भवसु जुज्झसज्जो।" एयं सोऊण कयसण्णाहो चउरंगबल-परिवारिओ निग्गओ ताओ। पव्वत्तमाउहणं । निवडिया दोसु वि बलेसु विज्जाहरभडाभरं काऊण ढक्को नरवम्मो तायस्स। पलाणो तायपरियणो । एगागी विझो व्व वेढिओ समंतओ नरवम्मरायं ययघडाहिं। एत्यंतरे धरिओ नियमणमंदिरे । ताएण सुरासुरसमूह-थूओ पाससामी । तप्पभावेण न पभवंति सत्तुसत्थाई । “सपाडिहेरो एसो" त्ति कलिऊण मक्को नरवम्मेण । निक्खंतो दमसंदरायरियसमीवे। अहं पि सोयपरा ताएण मण्णमाणी गहिऊण कित्तिसुंदरं इमं जिणमंदिरं सरणमल्लीणा। भणिया केणेव अदिट्र-रूवेण रयणीए--"वच्छे! परबलं दळूण जिणमंदिरमज्झे पवेसियव्वं जेण खेम ते भवइ।" पडिवण्णं मए। पभाया रयणी । समागया सत्तू । पविट्ठा हं जिणमंदिरे। सो वि जिणभवणपेरतेसु चिरकालं परियंचिऊण अकयत्थो चेव गओ सटाणं । एवमेत्थ निवसंतीए वच्चंति वासरा।
अण्णम्मि दिणे पव्वयसिरी समवलोयणत्थं अकहितो चेव निग्गओ जिणभवणाओ कित्तिसंदरो । जावज्जवि थेवंतरे न गच्छइ ताव 'हा! ताय, हा! अंब', इच्चाइ विरसमारसंतो अवहरिओ केणावि । अहं पितह क्खक्खिया
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |