Page Text
________________
सम्मत्त-बीय-लंभो णाम पढमो अवसरो
चंदलेहे, न मए सुण्णचित्तत्तणओ किंपि वियाणियं । किमेस हेला-विणिज्जिय-सयल-सामंत-पणाम-परंपरापडिच्छणसमय-निवडत-मणि-मउड-कोडि-संघट्ट-मसणीकय-पायवीढो अज्जउत्तो।" चंदलेहाए भणियं-“सोहणं जायं, जइ संपयं पि परिजाणिओ। कि दिट्रपूवो कयाइ सामिणीए पढमं वा दंसणं?" देवीए भणियं-"हला! असंबद्ध-पलाविणि! न एस कालो केलीए। संपयं कालोचियं करेसु।” “जं देवी आणवेइ"-त्ति भणिऊण उट्ठिया चंदलेहा । तओ संभमवस-खलंतमुत्तरियं दाहिण-करेण ल्हसियं कडिल्लं वामकरण संठवंती झड त्ति, उट्ठिया पियंगुमंजरी वि । “देवि ! अलमलं, चिरप
भमेणं ति, भण-भण" घेत्तण करे नियकरेणं निवेसिया भद्दासणे राइणा । सयमवि चंदलेहाविदिन्ने पंचवन्न-रयण-किरण-नियर-निबद्ध-इंदाउहे विचित्त-रमणीए कणगासणे निसण्णो। दिण्णं च चंदलेहाए पियंगमंजरीए कणय-मय-भिंगार-मह-विणिग्गय-सच्छ-सलील-धाराए मुह]पक्खालणं । भणियं च अइगोरवेण] नरिदेण"पिए ! पियंगमंजरि ! साहेहि, नियदुक्ख-कारणं । अणेग-कुवियप्प-सय-संकुलं संतप्पइ मे हिययं । किं च समक्ख-जणसंविभत्तं पि विस[ल्ली]होइ दुक्खं ।" तओ कह-कह वि निरुद्ध-सोगावेगाए परम-विणय-विहिय-करयलंजलीए समहियघग्घरं जंपियं देवीए--"अज्जउत्त ! तुह पसायलालियाए, आणापडिच्छयासेस-परिअणाए, चिताणंतर-संपज्जंत-सयलमणोहराए बहुजण-सलाहणिज्जं विसयसुहमणुहवंतीए नत्थि मह किंपि दुक्खकारणं केवलं पुत्तजम्मविरहिया । विस मि] व विसयगणं अरण्णमिव वसिम भारमिवाभरणं तिणमिव समुद्दपज्जंतरज्जं विलवियमिव गीयं विडंबणं व हाव-भावविलास-गब्भिणं नट्टं सुद्ध[भ] भयल-मिव परमपल्लं[क] कारागारमिव धवलहर-निवसणं पंकमिव कुंकुम-कप्पूर-मिगनाहिसारसिरिखंडमंडणं जलियजलणजालावली व हारावली मुम्मुरंगारनियर-मिव चंदकिरणावली पडिहाइ। जओधण्णाओ ताओ महिमंडलम्मि महिलाओ माणणिज्जाओ। जा नियकुच्छिसमुब्भवसुयाण वयणं पलोयंति ।७१। उच्छंगाओ कक्खंतरेण पविसित्तु पहसिरम हाई । थणदुद्धं बालथाई धावति ते [हु] धण्णाओ ।।७२।। धण्णाण वि धण्णाओ जाओ दळूण पुत्त-भंडाणि । पण्हुअपओहराओ पयं मुचंति नारीओ ॥७३॥ थणपाणकयत्थाई मोत्तूण पओहरे पहट्ठाई । जाणुवर-संठियाइं नच्चाविज्जति धण्णाहिं ।।७४।। धण्णाउ कुट्टिमतले, उळंतपडतअक्खुडताई । ईसीसिमम्मणुल्लावविराई, जायाणि पेच्छंति ।।७।। मज्झ पुण अहण्णाए, नाह न जायं इमाण एक्कं पि। झिज्जामि तेण अहिअं, कसिणे पक्खे ससि-कल व्व ।।७६।। रूवेण वि संपण्णा, जोयण-सोहग्ग-संजुया वि दढं। महिला अवच्चरहिया वंगलगोणि व्व पडिहाइ ।।७७।।
कि बहुणा ? अज्जउत्त ! घरिणीसद्देण वि निफलणेण लज्जिया न सक्कुणोमि नियपरियणस्स वि मुहमुवदंसिउ किमंग पुण सेस लोयस्स, परमत्थेण अज्जउत्तो ! चेव महदुक्खकारणं, जो न चितेइ पुत्तट्ठा किंपि उवायंतरं" ति, भणिऊण मोणमासिया। राइणा भणियं-"देवि! जइ एवं तो जं मए पुवि भणियमासि-“कस्स वा सुमिरियं तुह विप्पियं कुणंतस्स कयंतेण तमम्हाण निवडियं"। एत्थंतरे “पडियममंगलं हवउ देवो पव्वयाऊ पूरेउ पणइजणमणोरहे। पालेउ तिसमुद्दमेहलं मेइणी ति।" जंपियं चंदलेहाए।
राइणा भणियं-“अहो ! मंगलकरणकुसलया देवी परियणस्स, अवसर-भणिई-निउणत्तणं च। देवि ! साहारणे वि संय-सोगानले किमेगागिणी संतप्पसि ?" तीए भणियं-“धण्णो तुम, संति तह आणाओ वि विसुद्धरायवंस-संभवाओ . पणइणीओ, ताण पुत्तेहिं वि कयत्थो तुम।" चंदलेहाए भणियं-"असाहारणो पई देवो देवीए अम्हाणं संकप्पो आसि । जाव सयं चेव देवीए सयल-पणइणी-साहारणो कओ।" राइणा भणियं-"चंदलेहे ! अलमिमिणा वियारेण। जंपउ जं वा तं वा करेउ जं नियमणस्स पडिहाइ। तह वि मह माणणिज्जा देवी को वल्लहे रोसो ?।।७८।।"
- तओ कोवानलवसरत्तच्छ-दुप्पेच्छाए इसिकंपंत-सिरोहराए आवेसवस-फुरुफुरंताहराए जंपियं देवीए--"हला चंदलेहे! जइ अज्जउत्तचित्त-लहणत्थं मए एयं पयंपियं तो कीस तुमं विस-तुंबयं व बाहिं लण्हा अंतो विसभरिया,
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |