Page Text
________________
तइयअवसरे परिग्गहपरिमाणवए नरचंद-जिणगुत्तकहाँ
२७५
जीहाए विलिहतो न भद्दओ जत्थ सारणा नत्थि । दंडेण वि ताडितो सभद्दओ सारणा जत्थ ॥३०॥ जह सरणमवगयाणं जीवियववरोवणं नरो कुणइ । एवं सारणियाणं आयरिओ अचोयओ गच्छे ।।३०२।। जहिं नत्थि सारणा तह य पडिचोयणा य गच्छम्मि । सो हु अगच्छो गच्छो मोत्तव्यो संजमत्थीहिं ॥३०३।। गच्छो गणि व्व ओवासभिलग्गो वा नासागई मग्गो । जे मल उत्तरगुणा अक्खलियासोग्गमग्गो ।।३०४।। तम्हा गुणपब्भारेण भद्द ! अप्पाणयं भरेऊण । पढिऊण भाववक्खं जिणागम विहरसु विहीए ।।३०५।।
मए भणियं-"अलं मे गुणपब्भारेण पज्जत्तं जिणागमाहिगमेण । पुण्णं विहारेण । न कज्जं गच्छवासेणं" ति भणिऊण किलिट्ठट्ट-कम्मसंचोइओ, वारिज्जतो गुरुणा, एगंतसुहावहं अवगणिऊण तस्स वयणं, सिद्धिपुर-पह-पयट्टाण सुसहाए मोत्तूण साहुणो, सग्गापवग्ग-पय-सुह-सयदाण-दच्छं मोत्तण गच्छं, निग्गओ हं। विहरिओ गामागर-नगरेसु देसणाए बुज्झावितो मुहाजणं कमेण विहरंतो मुत्तासुत्तनयरे ठिओ कुंभकारसालाए ।
इओ य अच्चुक्कडयाए लोहस्स, अवगण्णिऊण लोयववहारं, उज्झिउण सयलसिणेहं, पराभूओ गुणसुंदरो चंदहासेण, न देइ कि पि । कि बहुणा ? घराओ वि निद्धाडिओ देहबलियाए जीवेइ । तओ विसयनिंदापुरस्सरा संसारनिव्वेय-जणणी मया पयत्तेण कया माए गुणसुंदरस्स धम्मदेसणा । परूविओ साहु-धम्मो । चरणावरणकम्मोदएण न परिणओ तस्स। बहुजणपरिभूओ भिक्खं भमिऊण कह कह वि उदरं भरेइ । न पुण चरणं पडिवज्जइ चंदहासो वि मज्झ वि चित्तरवखं न करेइ । तओ परिवडिय-चरणपरिणामेण कोहानलावूरिज्जमाणहियएण चिंतियं मए-“अहो जहण्णत्तणं एयस्स । किं वयं मोत्तूण पुणो वि घरवासमाविसामि, उवाहु गहियलिंगो चेव नरवइणो कहेमि । किं वा इमस्स वहणट्ठा णियाणं काऊण अणसणं करेमि । एवं चितिऊण तइय पक्खो मए पडिवण्णो। अट्टज्झाणेण मरिऊण जाओ वाणमंतरो। नाऊण ओहिणा कुविओ अहं। मारिओ सपरियणो चंदहासो । अहिद्रियं घरमप्पणा । न एत्थ कस्स वि पविसिउं पि देमि ।" जिणगुत्तेण भणियं-"मणिय-जिण-वयण-सारस्स न ते एरिसं जत्तं । मंचसु इमं दुग्गइनिबंधणं अभिनिवेसं । पडिवज्जसु सव्वसत्तेसु मेत्तीभावं । कुणसु तित्थयरपडिमासु पडित्ति । पज्जुवासेहि साहुणो, जेण जम्मतरे वि सुहेण बोही संपज्जइ।" वंतरेण भणियं-“पडिवण्णं मए तुह वययं । दिण्णमिणं घरं साहु-साहम्मियाण । साहम्मिओ धम्मोवएसदायगो य मह तमं । अओ किं पि पत्थेमि । अत्थि इमम्मि घरकोणे निहाणीकया मए सुवण्णकोडी। तं नियपासे करेसु, जेण मे चित्तनिव्वुई होइ । निवससु निस्संको इमम्मि मंदिरे जाव भे रोयइ।" एवं भणिऊण गओ वाणमंतरो। आणिओ [त]त्थेव नरचंदो । जिणगुत्तेण साहिओ सव्वो वि वंतरवइयरो । निहालियं निहाणं । दिट्ठा सुवण्णकोडी। भणिओ नरचंदो जिणगुत्तेण-"कुमार ! दहलक्खा चेव दीणाराण मे मोक्कला। तप्पमाणं धरेऊण सुवण्णयं सेसं धम्मे वियरामि ।" नरचंदेण भणियं-"पढम ताव अप्पा समुद्धरिज्जइ। पच्छा धम्मचिंता किज्जइ। दहलक्खा चेव तुह परिग्गहे। सेसं मह संतियं । जिणगत्तेण भणियं-“सेसं धम्मे दायव्वंति मे भासियं ।" नरचंदेण भणियं-“वाउलो तुम जो समयं न याणसि।” अणिच्छंतस्स वि नरचंदस्स दस लक्खाहियं सुवण्णयं दिण्णं सत्तस ठाणएसु जिणगुत्तेण । जाया चित्तखंडणा नरचंदस्स “न मह वयणमिमिणा कयं" ति वहइ चित्ते पओसं । न लंघेइ बज्झपत्ति । वच्चंति दिणाणि ।
अण्णम्मि दिणे मओ तत्थ अउत्तो राया । नत्थि रज्जारिहो । अहिसित्ताणि पंच दिव्वाणि । पडिवण्णो तेहिं नरचंदकुमारो । अहिसित्तो अमच्चसामंताईहि राय-पए । हत्थि-खंधमारूढोत्तर-निग्घोस-भरियदस-दिसाभोगो मागहकयजयजयारावो, पविट्ठो नयरं । तत्थ वि कयविविहोवयारो रायभवणे विहिय-दहिदोव्वंकुराइ-सयलमंगलो सम्माणियासेसमंति-सामंत नागरजणो रज्जं परिपालिउमाढत्तो नरचंदो । - अण्णम्मि दिणे वियणम्मि भणिओ राया जिणगुत्तेण-"महाराया ! पुव्व-कय-सुकयाणुभावेण पत्ता तुब्भेहिं निरुवमा रायलच्छी । गयिं च भे गुरुपुरओ परिग्गह-परिमाणं । ता तं निरूविऊण जइ समहियं तो धम्मे दिज्जउ ।" राइणा भणियं-अहो तुम अत्थाओ वि य महंतओ । न मे कज्जं परिमाणनिरूवणाए । न वा धम्मेण । जइ तुह वयणं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |