Page Text
________________
२६२
मणोरमा-कहा
साहियं तेसि जहट्रियं । पउत्ताणि तेहिं बोलपाणाइ ओसहाणि । कह वि पण्णविया। संजयामरिसो चलिओ पूणो वि तामलित्ति ठक्कूरो। वयणसारो वि अणागयामेव मोत्तण तामलित्ति भरुयच्छाभिमहं पत्थिओ। दिद-ठाणे समागओ ठक्करो। पूच्छिया पाडिवेसिया। तेहिं भणियं-"अज्जेव निग्गओ भरुयच्छमग्गे।" पहाविओ ठक्कुरो। मिलिओ थेवंतरगयस्स वयणसारस्स। जावज्ज विन किचि संलवइ ताव संजमिओ कर-चरण-केसेस बद्धो मोत्तोलिए वालिओ नियगामाभिमहं। अंतरा गच्छंतेहिं दिट्ठा उच्चासरिया दहतड़ी, हेटाओ अत्थाहाजलं] । अवियारेण भणियं-'किमिमिणा भारेण । मुच्चउ इमाओ दहतडीओ जेण हुलिऊण दहे निब्बुडुइ।” एत्यंतरे दिट्ठ-समासण्ण-हरिणजूहं। मोत्तूण मुत्तोलि सह पुरिसेहिं हरिणाभिमुहं पाविओ ठक्कुरो। समागओ तं पएसं खुड्डएण सह पिंडारो। दिट्ठा कंबलम्मि बद्धा मुत्तोली। चालिया मणागं करेणं । लक्खियं महिसि-संचारेण जहेस पिंडारो। तओ जंपियमणेण-“भो भाय ! मा कयत्थस्।" पिंडारेण भणियं-को तुमं! किं निमित्तं वा एवं दुक्खभागी जाओ?" तेण भणियं-"धणदत्तसेट्ठी सुओ धणसारो। परिणाविओ जणणि-जणएण रइ-रूव-विब्भमाओ महाकुल-पसूयाओ अट्ट कण्णगाओ। संपयं नवम-कण्णया परिणयनिमित्त अणिच्छंतो वलावि एवं बंधिऊण सुहि-सयहिं चालिओ। कुलदेवयोवएसेण बद्धं चेव परिणेमि।" धत्तेण भणियं"जइ भणेसि तो पूरेमि ते समीहियं । छोडेसु मं। पविससु तुम, जावज्जवि नागच्छंति सयणा।" तहेव कयं । बद्धो धणियं वयणसारेण कंबलीए खुडुयं गहाय पलाणो धुत्तो । खणंतरे समागओ ठक्कुरो। मुक्को दोत्तडीओ ढोलिऊण मोट्टा पडिया अगाहदहे। कयत्थमत्ताणयं मण्णमाणो चलिओ ठक्कुरो। वयणसारो वि खुड्डयं गहाय ठिओ मग्ग-तडे। दिट्ठो ठक्कुरेण । पच्चभिण्णाओ य पुच्छिओ तेण-"कहं तुम नीहरिओ? कस्स वा संतियं खुड्डयं ?" तेण भणियं "दहमज्झाओ नीहरिऊण दहिमुह-जक्खेण अणिच्छंतस्स वि खुड्डयं समप्पिऊण कहिओ परमत्थो-"जो एयम्मि दहे कंबल-मोटाए बद्धो निवडइ, सो मए नियमा कड्ढेयव्वो महिसिसयं च दायब्वं-एस संकप्पो।" अवियारेण चितियं-""एवमेयं न एत्थ संसओ। अण्णहा दढं संजमिऊण मए चेव अस्स सदेहे पक्खित्तस्स कहमेसा सामग्गी।"
तओ भणियं ठक्कूरेण-"वयंस ! दिट्रपच्चओ तुम अओ पत्थीयसि समीवे होऊण मम पि एत्थ दहे पक्खिवाहि जेण अहं पि महिसी-सामिओ भवामि।" तेण भणियं-“करेमि तुह पणयत्थं। परमेत्थ कज्जसिद्धी महत्तेण वा पहरेण वा दिवसेण वा भवइ न ऊसुएहिं होयव्वं ।" पडिवण्णं ठक्कुरेण। भणिया निय-पुरिसा-"दिवसं जाव तुब्भेहि दहाभिमुहं नियंतेहिं अत्थियव्वं ।" ‘एवं' ति पूरिसेहि पडिवण्णं । बंधाविओ अप्पा ठक्कुरेण कंबलीए। पुच्छिओ पुरिसेहि वयणसारो-"संपयं किं करेमो? तेण भणियं-"जहाहं मुक्को तहेमं पि मेल्लह।" तहेव कयं तेहि। पडिओ दहे ठक्कुरो। महिसीओ गहाय गओ वयणसारो। भणिओ तेण चिविडणासो-"एवमहमत्थोवज्जणं करेमि । जइ भे रोयइ, पडिवज्जसु मं सहायं।" चिविडनासेण भणियं-"आजम्म पि मह तुम सरणं । एवं हरिसो जाओ वयणसारो। ठक्कुरो पुण निरूवियंतेहिं पंचत्तमुवगओ दिट्ठो पुरिसेहिं । तत्थेव सक्कारं काऊण गया निययावासं पुरिसा । वयणसारस्स विसयसुहमणुहवंतस्स वोलीणो अहाऊयकालो। एवं तस्स अनओ वि निव्वडिओ।" चंदणेण भणियं-न एस एगंतो। किण्ण सुओ तए रंडाउत्तय दिलैंतो? तेण भणियं केरिसो? इयरेण भणियं
रंडापुत्तकहाएगम्मि पट्टणो रंडा एगा वसइ बाल-वच्छा। परघरेसु पाणियं वहमाणीए मग्गाणुलग्गो गच्छइ से सुओ।
अण्णम्मि दिणे नइए मज्जिऊण, जलदेहो चेव जणणीए मग्गमोइण्णो रंडासुओ जणसंवाहपणोल्लिओ, तिलरासीए उ[व]रि निवडिओ, तिलालित्त-सरीरो, रोवंतो चेव उट्ठिऊण लग्गो जणणीए पिट्ठओ । गओ नियघरं पखोडिऊण सरीरगं गहिया माऊए तिला। जाया तिलमुट्ठी गुलेण काऊण कक्करिययं दिण्णं दारगस्स। समुप्पण्णा तुट्ठी तहेव पइदिण्णं काउमारद्धो सो दारओ। 'बालो' ति काऊण न कोइ कि पि भणेइ । माया विन निवारे । कमेण वद्धंतो पत्तो जोब्बणं । अब्भासवसओ महातक्करो [जाओ] मुसेइ ईसर-घराणि अलक्खिओ चेव । विलसेइ दविणजायं।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |