Page Text
________________
२५०
मणोरमा-कहा
कथारिकुडे । सद्दिओ धणो । तेण भणियं-"अलं तुह संगमेण ।" तओ सो पडिभग्गभंडि मोत्तण गोणे गहाय एगागी
चेव पलाणो उप्पहेण । सव्वं रयणि कंतारमवगाहिऊण अमुणिय-दिसा-विभाओ पभायसमए पत्तो सीहगुहं नाम पल्लि । दिट्ठो नाहलेहिं। बंधिऊण समप्पिओ पल्लिनाहस्स । तेण वि उद्दालिऊण गोणए, गहिऊण सूवण्णयं पूच्छिओ-"अरे! को तुम! कहिं पत्तमेयं? कहं वा इहागओ?" तओ खुद्दहियओ भयसंभंतलोयणो पच्चुत्तरं दाउमसत्थो मोणेण ठिओ। समाइट्ठा भिल्लाहिवेण नियपुरिसा-“दढं कयत्थिऊण एवं सूला रोवियं करेह ।" 'जं सामी आणवेइति भणिऊण तहेव कयं तेहिं । महया अट्टज्झाणेण मरिऊण समुप्पण्णो तीए चेव अडवीए भुयंगमो। थेरी वि तेण तहा वावाइया मरिऊण समुपण्णा तीए चेव पल्लिए पल्लिनाहपुत्तत्ताए । उचिय समए पइट्टावियं से नामं अणहओ । कमेण पवड्ढेतो पत्तो जोवणं । कयाइ कतारमडतेण तेण दिट्ठो सो भयंगमो । सो वि अत्तणो चेव धणदेव-पज्जाए वद्रमाणस्स कतारमज्झे पलायंतस्स पडियमेगं सुवण्णखोड्ढियं पेच्छिऊण, लोहदोसेणं कुंडलिऊण, सरीरेण विरइयफडाकप्पडो, रोसाउरलोयणी, अणद्वाभिमहो ठिओ। अणहओ वि कुंडलिअमज्झसंठियं दठ्ठण य खोढियं लोहाभिभूओ सप्पवहणद्रमवट्रिओ। सप्पो वि अभिमहं पहाविय-लग्मो अणहस्स । तेण वि सप्पो वावाइओ । अट्ट ज्झाणेण मरिऊण दो वि समुप्पण्णा तत्थेव मूसगा। __अण्णया इओ तओ परियडतेहिं दिटुं दोहिं वि तं सुवण्णयं । जायवेरा जुज्झिउमारद्धा । एवं पइदिणं जुझंताण परिवाडीए सूवण्णयं संगोवयंताण य वच्चंति वासरा ।
अण्णम्मि दिणे वावाइओ थेरीजीवमुसगेण इयरो । अहिट्टियं अप्पणा सुवण्णयं । सो वि मूसगो कुरज्झवसाणो मरिऊणमुप्पण्णो तम्मि चेव कंतारे मज्जारो। कमेण परियडतो समागओ-तं पएस जत्थ तं सुवण्णयं । दिट्ठो मूसगो वि तेण । सणियमभिसरिउमारद्धो तयभिमुहमज्जारो। सो वि मसगो पेच्छतो वि मज्जारमागच्छंतं लोह-मोहिओ सवण्णयमहिटिऊण ठिओ न पलाणो। मारिओ मज्जारेण । अट्टज्झाणेण मरिऊण समुप्पण्णो तम्मिचेव पएसे अयगरो। जायरूवदसणेण संजायमुच्छो. न मुयइ तं पएसं । कयाइ आहारत्थिणा इओ तओ परिब्भमतेण तं पएसमागएण दिट्ठो तेण अयगरेण । चलिओ तयभिमह अयगरो। मज्जारो वि अमुयंतो -तं ठाणं गिलिओ अयगरेण । ठिओ अहिद्रियं तं पएसं । अण्णया सो वि दड्ढो दवग्गिणा । दो वि समुप्पण्णा तीए चेक अडवीए सीहा । परिब्भमंता समागया तं पएसं । दिलैं दोहिं सुवण्णं । मुच्छ्यिा तम्मि परोप्परं जुज्झिऊण मया समुप्पण्णा सरह-गयवरा। दिळं सरहे अट्रिओ धणदेवजीवगयवरो । संजायरोसेण गहिऊण तं सरह] उक्खित्तो नहयले । निवडिओ तस्सेव पिट्रिसंठियउडढपिएसे मओ तत्थेव गओ। पडिया तस्स कडेवरे किमिया । तेहिं सरहो वावाविओ। दो वि मरिऊण समप्पण्णा तत्थेव जंबुया । परिब्भमंता पत्ता तमुद्देस । चामीयराअवलोयणे विलोललोयणा परोप्परं पहरिऊण मया समाणा गया पढमपुढवि । तओ उव्वट्टो लद्ध-जिणधम्मो परिपालियचरणरे उप्पाडियकेवलो सिद्धो थेरीजीवो । इयरो वि भमिऊण अणंतकालं संसारं पच्छा आयरिय-देसे लद्धमणुयभावो धम्मरुइमुणिवर-समीवे नियचरिय-सवण-संजाय-वेरग्गो पडिवण्णसामण्णो पाविअखवग-सेढी कालमासे कालं काऊण सिद्धीसुह-भायणं जाओ।
.. इओ सो धणो गओ कंताराओ सालसुंदरं नयरं । परमसंवेगमावण्णो पुणो पुणो गहिअ-वयभंग-दोस-दूसियं धणदेवमणुसोयंतो साहु-समीवे धम्म सुणमाणो समुल्लसंत-सद्ध-संवेग-सलिल-संपक्खालिय-पावमलो जिण-वयण-सवण-बिसर-कण्णो जहागहियदेसविरइपरिपालणपरायणो अकिलेससंपज्जंत-भोयणच्छायणो कालं गमेइ ।
__ अण्णया समागओ कुसग्ग-नयराओ वाणिज्जेण सालसुंदरनयरे धणस्स मामगो धणचंदो । दिट्ठो तेण धणो। पूच्छिओ धणदेववत्ततं । तेण भणिअं-"कहं सो पावो?" धणेण वि साहिओ जहट्रिओ सव्वो वि तव्वइयरो । धणचंदेण भणियं-"न सोहणं कयं तेण । नज्जइ संपयं कत्थ वि गओ?" तेण भणियं-"न नज्जइ, गओ धणं गहाय धणचंदो कुसग्गपूरं। उवणीयं घरमेग। दिण्णं ववहार[निमित्तं दविणजायं । आणिया घरिणी। धणेण ववहरिउमारद्धो । विसूद्धववहारेण निव्वहणमेत्तसंतुट्ठो कालं गमेइ। .
. अण्णया कुविया राइणो खित्त-देवया। पयट्टियं रायमंदिरे असिवं । संखुद्धो राया। सहाविओ भूयदमणो नाम मंतवाईओ। संपूईऊण फलाइणा भणिओ राइणा-“असिवकारणं नाऊण साहेसु।" तेण वि समांलिहिऊण मंडलं, निवे
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |