Page Text
________________
तइयअवसरे भूरिवसु-रयणप्पहाभववण्णणे पठमाणुवयदिढतो
२४९ सेज्जच्चाराईणं पडिलेह-पमज्जणाण अक्करणं । दुक्करणं वयाइयारो सम्मं च न पालए गहियं ॥६०॥ आयाणुग्गहटाए जईण कप्पं विसुद्ध-सद्धाए। कमजुत्तमतिहिदाणं तुरियं सिक्खावयं एयं ॥६१॥ सच्चित्ते निक्खेवं पिहणं वा वज्जए सचित्तेण। कालाइक्कमदाणं परोवएसं च मच्छरियं ।।६२।। पंच वि अणुव्वयाई गुणव्वयाइं च आवकहियाई। सिक्खावयाइं चउरो इत्तरियाई तु नेयाइं ॥६३।। भणिओ बारस भेओ पाणवहाईण विरमण-सरूवो। सावग-धम्मो संपइ सोदाहरणं फलं भणिमो॥६४॥
अत्थि इहेव जंबुद्दीवे दीवे भारहेवासे सुविसुद्धब्भंलिह-पायार-सिहर-परंपराबद्ध-रविरह-मग्गं, सुरूव-सुनेवत्थ-जणजणिय-निवास-विसेसियसग्गं, हिमगिरि-सिहर-सरिस-मंदिरमणोरम, लहु इय-नंदणवण-उववण-विभूसियं, विणिज्जियमाणस-सर-समूह, ठियकमलावलिविराइयं सालसुंदरं नाम नयरं । तम्मि य बंधुयण-कमल-संड-दिवायरो अपिसुणो अमच्छरी कयाण पढमाभिभासी सुहाहिगमणिज्जो चंदसोमो नाम सेट्ठी परिवसइ। विणिज्जिय-रइ-रूवा, बीयं पिव अभग्ग-सोहग्ग-महामही रहस्स, सोहणखेत्तं पिव पवर-विणय-सारस्स, मयरकेउ-महारायनिवास-रायहाणी, सयलसंसारसहनिबंधणा, धणा नाम भारिया। सयल-कलालया धण-धणदेवाभिहाणा दोण्णि ताण पुत्ता। कमेण पवड्ढमाणा पत्ता जोव्वणं । परिणीया तत्थेव नयरे। सक्कम-निरयाण वच्चइ कालो।
अण्णया कोल्लाग-सन्निवेसाओ अणुण्णविय-गुरुजणं गामाणुगाम विहरतो, एगल्लविहारपडिमं पडिवण्णो, सुत्तत्थपरिकम्मियमई, सयल-पावठाणाई परिहरंतो, सूर-नरिंदनंदणो, पडिवण्ण-समणलिंगो सालसुंदरनयरे समागओ विजयवम्ममुणिवरो। ठिओ चंदसोमसेट्ठि-जाणसालाए। समागया नागरया वंदिऊण साहुं निसण्णा समुचियासणे। कया धम्मदेसणा। पडिबुद्धा पाणिणो। कया जहारिहं धम्मपडिवत्ती। धम्मदेसणावसाणे वंदिऊण मुणिवरं जहागयं पडिगया परिसा। कओ तत्थेव मुणिणो मास-कप्पो । पइदिणं धम्मसवण-संजाय-सद्धेहिं गहिया मुणि-समीवे बेइंदियाण जीवाण निरवराहाण संकप्पओ पाणवह-निवित्ती धण-धणदेवेहिं । मासावसाणे विहरिओ अण्णत्थ मुणी। जहा पडिपुण्णाणुव्वयपरिपालणं कुणंताण वच्चइ कालो धण-धणदेवाण ।
अण्णया मरण-पज्जवसाणयाए जीवलोयस्स उवरओ चंदसोमसेट्ठी। कयमणेहिं उद्धदेहियं । काऊण मय-किच्चाणि जणयस्स कइवयदिणेहिं विगयसोगो घर-वावारं काउमारद्धा धण-धणदेवा। अइक्कतो कोइ कालो। पुवकय-कम्मपरिणइवसेण थोवदिणमज्झे चेव समागयं ताण दारिदं । अनिव्वमाणा य गया गाममेगं। ठिया ते तत्थ परघरेसु कम्माणि कुणंता किलेसेण उदरमेत्तं पि भरंति ।
अण्णया धणाभिहाणाए रंडाथेरीए विस्सासमागयाए भणिया धण-धणदेवा-"वच्छा ! नेह में सालसुंदरं नयरं । नाहमण्णस्स विस्ससामि । तत्थ गया तुम्हाण दिणार-दसगं वियरिस्सामि। पडिवण्णमणेहिं । कया गमण-सामग्गी । गहियासिफलओ पुरओ पत्थिओ धणो। सारहिभावं पडिवण्णो धणदेवो। कमेण वच्चंता कंतारमोगाढा । विगलिअप्पाओ वासरो। एयम्मि अवसरे भग्गो अक्खो भंडीए । ठिया तत्थेव । तदुवगरणं परामुसंतेण दिट्ठो गंठी धणदेवेण । तद्दिट्टि वंचिऊण छोडिओ। दिदाओ दोन्नि तत्थ सुवण्णखोडियाओ । चलिअं चित्तं । भणिओ तेण धणो-“तमंधयारा सव्वरी। अमाणुसा अडवी। विज्जइ इमीए समीवे सुवण्णयं । मारिऊण एवं गिण्हामो।" तेण भणियं-"अलमिमाए पावकहाए। मूढो तुम जो सयमेव निरवराह-बेइंदिय-पमुहजीवाणं संकप्पओ वह-नियम काऊण भंजिउमारद्धो । अहो! ते दढधम्मया ?" तेण भणियं-"पावस्स पुणो वि पायच्छित्त-करणेण सोही भविस्सइ । जओ नत्थितं पावं जं निप्पडियारं। अओ मोत्तण एवं कूडाभिनिवेसं करेसु मह वयणं ।” धणेण भणियं-"जइ एवं मंतेसि तो तुह समीवे वि नाहं चिट्ठिस्सं ।" धणदेवेण भणि-"हियाहिय-वियार-पडिवज्जिओ कूग्गह-महागह-गहिय माणसो निस्सिगो व्व बइल्लो दुरद्रिओ तो चितिअंधणेण परिवडिअपरिणामो एस पावो। जावज्जवि पावं न समायरइ ता दूरे भवामि । एवं वियप्पिऊण कईव वणंतरिओ जाओ धणो। इयरेण कड्ढिऊण मंडलग्गं विणासिया थेरी। गहियं सुवण्णयं । पक्खित्तं तीए कलेवरं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |