Page Text
________________
मणोरमा-कहा
भगवया भणियं--"भावसारपवर-वासेहिं जिणप्रयाए फलमेयं ।" कहिओ सव्वो वि पुत्वभववइयरो । समप्पण्णं जाई-सरणं गंधिलस्स भणियमणेण-"भयवं ! जहा तूम्ह समीवे बहवे राईसराईया सव्वंग-परिच्चायं काऊण पव्वयंति तहा हं न सक्कुणोमि । अहं पुण पंचाणुव्वइयं सत्तसिक्खावइयं गिहिधम्म पडिवज्जामि।" भगवया भणियं"एवं भवउ ।" जाओ पवरसावओ । कुणंतो विसेसे]ण जिण-साहु-साहम्मियाइपूयं वियरइ दीणाणाहाण अणुकंपाए दविण-जायं एवं सावग-धम्म कूर्णतस्स वोलीणो बहकालो।
अण्णया पूणरवि विहरंता समागया ते चेव सुरिणो। गओ वंदणत्थं । सूया धम्म-देसणा संवेगमावण्णेण भणिओ गुरु-"भयवं ! अम्मापिईहिं अणुण्णाओ पव्वज्जागहणेण करेमि सफलं मणुय-जम्मं ।" गओ सघरं गंधिलो, साहिओ निययाभिप्पाओ जणणि-जणयाण । कह कह वि तेहिं समणुण्णाओ काऊण तेसिं सुत्थत्तणं, दाऊण ओसहिवलयं नियकणि?-भाउणो रामाभिहाणस्स, काऊण जिणाययणेस अद्राहियामहिम, दाऊण सडिय-पडियजिणाययणेसु समुद्धरणानिमित्तं पउरं दविणजायं, संपूइऊण सयल-संघ वत्थाइणा, घोसाविऊण अदिणाणि अमग्घायं, दाऊण दीणाणाहाईण. दाणं, पभाविऊण सयल-जण-मज्झे पवयणं, समारुहिऊण पुरिस-सहस्स-वाहिणीं सिबियं, पढमपाउसो व्व निरंतरं दविण-सलिलधाराहि, कयत्थो कुणंतो दुग्गय-वप्पीह-कुडुंबाणि, साहिलासमवलोइज्जतो नयर-नारीजणेण, पए पए पसंसिज्जमाणो धम्मियजणेणं, अम्मा-पीई-भाइ-पभिइपरियणसूहिय-सयण-परिवारिओ निग्गओ नयराओ। पत्तो सूरिसमीवं । दिक्खिओ आगमविहाणेण। गहिया विहा सिक्खा । अहिज्जिया सेसआगमा । परिपालिऊण निरइयारं सामण्णं, काऊण मासियं संलेहणं, आराहिऊण मरणाराहणं, समुप्पण्णो सव्वट्ठसिद्धे विमाणे सुरवरो। तओ चुओ महाविदेहे सिद्धं सुह-भायणं भविस्सइ" त्ति। एवं सोदाहरणं जिणबिंबगंधपूयाफलं साहिऊण भणिओ पियंकरसूरिणा समुदत्तो-- जइ इच्छह धणरिद्धि गुणसंसिद्धि जयम्मि सुपसिद्धि । तो गंधुद्धरगंधेहि महह जिणचंदबिबाइं ॥२६४।।
संपयं धुव्वुग्गहेण पूयाफलं पर्दसिज्जइ--
अत्थि इहेव जंबहीवे दीवे भारहेवासे विजयपूरं नाम नयरं। गंधिलो तत्थ माहणो। अणहिया से घरिणी। दालिद्दोवद्दव-पीडियाणं विडंबणापायं विसयसुहमणुहवंताणं ताण समुप्पण्णो अपुण्ण-भायणं सोमिलो नाम दारओ। जायमेत्तस्स वि उवरयाणि जणणि-जणयाणि । संगहिओ सोमिलो माउलेण अया-थणपाणेण संवडिढओ जाओ अट्रवारिसिओ। करेइ उत्ताणुत्तयं । कमेण जाओ जोव्वणत्थो। न कोड देइ दुहियरं। दढं परितप्पइ सो माणसे ।
अण्णम्मि दिणे कुस-सामिधेयनिमित्तमुज्जाणं गएण दिट्ठो नागरयाण धम्म कहतो धम्मसारमणिवरो । गओ तयंतिए सोमिलो मणसा पणामं काऊण अनिसण्णो चेव धम्म सुणिउमाढत्तो । मुणिणा भणियं--"सोमिल ! पयडपणामे को दोसो। ?” विम्हियमाणसेण चिंतियमणेण--"अहो ! नाम मणोगयं च मे वियाणियं भगवया । नाणालोयाओ एस वंदणिज्जो बुहाणं । संजाय-गुण-पक्खवाएण वंदिओ मुणिवरो। निसण्णो समुचियासणे । भणिओ मणिणा--"भमुह ! बंभचेरेण बंभणो भवइ न जाइमेत्तेण । जाइमएण तए न पयडपणामो विहिओ।" सोमिलेण भणियं-"एवमेयं । परिहरिओ संपयं जाइ-मओ।" भयवया भणियं-" अणुभ्यं तए जम्मतरे इमस्स फलं।" तेण भणियं--"कह चिय?" मुणिणा भणियं--"तुम इओ तइय भवे महामंडलाहिवे राया अहेसि सीहविक्कमो नाम । तुह देससीमासमासण्णविसालपन्वय-नियंब-संठिय-सीहगुहा-पल्लिपह सिरिसेणो नाम परिवसइ । उवद्दवेइ समासण्णदेसं । गओ तुमं तस्सोवरि परिक्खेवेण । चढिओ सो वि विसमपन्वय-दुग्गं । अकयकज्जनिवत्तो तुमं । गओ सनयरं । पढाविओ 'सो सुणओ' त्ति भणिया मागहेहि। नियदेसे कण्णपरंपराए सूर्य पल्लिनाहेण । आरुसिओ चित्तेण ।
अण्णया निग्गओ तुमं तुच्छ-परिच्छओ मिगयाए । कहिओ तस्स सूयग-नरेहिं । आगओ सग्णद्ध-बद्ध-कइवयपुरिसपरिवरिओ। हक्किओ य तुम जहा---"एस सो सुणओ तुह दंसणत्थं समागओ।" सज्जोवलग्गमाओहणं दोण्ह वि| विजिओ तुमं । पेसिओ जममंदिरं । अट्टज्झाणमुवगओ मरिऊण समुप्पण्णो स नगरबाहिरियाए वीहिए कंडुकविलो। अणुभूयं तत्थ तुमए पभूयं दुक्खं । तव्वयणजणियं नीयगोत्तं च, तक्कम्मसेसेण अहाउय-कम्मक्खएण सुणयभावं परिच्चज्ज
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |