Page Text
________________
१०८
मौरमा-कहा
__ एवंविहजणपसंसमसहमाणेण जंपियं एगेण मच्छरिणा-"किमेस सलहिज्जइ जो पुन्व-पुरिसज्जिय-धणं विलसंतो गव्वमुव्वहइ । जओ-- जणणि-यणं नियपुत्तो संफुसइ कहि ताव जा वालो। आरूढ-जोवणो पुण फुसउ पावेण लिप्पेज्जा ।६९०। पिउ-लच्छी जणणिसमा वालाणं चेव तीय सहवासो। उवरि पुण तीय समं संवासो लोय-हसणिज्जो ।६९१।
तं सुणिय समावण्णगरुयवेग्गो गओ नियघरं चंदणो। पुच्छिओ जिणदत्त-सेट्ठिणा--"पुत्त ! कि तुम उव्विग्गोविय लक्खीयसि ?" न दिण्णं तेण पडिक्यणं । तओ समाउल-चित्तो सेट्ठ परियणं पूच्छिउमारद्धो। न को वि परमत्थं वियाणेइ। एत्थंतरे पओयणसंगएण साहिओ सव्वो वृत्तंतो तव्वयंसरण । सेटिणा भणियं--"वच्छ ! कि बह ! दुज्जण-जण-भणिएण ठिओ विलक्खो। किण तओ दिण्णोण्णं अत्थि ते अज्जय-पज्जयपज्जयागयं” “चंदणेण भणियं-- "ताय ! एवमेयं । को एत्थ संदेहो ? परं जइ सुप्पसण्णा ताय-पाया, ता किंपि विण्णवेमि ।" सेट्टिणा भणियं-“भण्णउ वच्छो !" चंदणेण भणियं-",अत्थोवज्जण निमित्तं तुरंगमे गहाय देसतरं वच्चामि । न अत्थि मे अण्णहा मण-निव्वई।' निबंधं नाऊण समणमण्णिओ सेट्रिगा। कया सामग्गी। ढोइया पहाण-तुरंगमा। पयो पसत्थ-वासरे दक्षिणाभिमुहं । कइक्यदिहिं पविट्ठो कालासणी नाम अडविं। जाणिओ कालमुह-नाहलाहिवइणा । दिण्णा धाडी । विलोलिओ सत्थो गहिया तुरंगमा। दिसोदिसिं गया सत्थ जणा। चंदणो वि कह दि पलाविऊण समागओ निय-नयरं। कयं वद्धावणयं जणणि-जणएहिं । भणिओ य-“वच्छ! तए धरते तुरंगमा भविस्संति। न तए चित्त-खेओ कायव्वो।” गयाणि कइवय दिणाणि। अण्ण दिणे पुणो वि भणिओ सेठी-"ताय! कप्पासं घेत्तण संपर्य उत्तरावहे पच्चामि । तओ पडिनियत्तो जच्च-तुरंगमे आणेमि।" सेट्टिणा भणियं-“पुत्त ! एक्कासि निसिद्धो न ठिओ। दिठं च फलं गरुवयण-लंघणस्स । इयाणि पुण न कज्ज वसाएण । घरदिओ व तं किंपि करेहि जेण अम्हे वि पालेहि सयं च म किलेसभायणं हवसि । तेण भणियं-"ताय ! तुम्ह परिचालण-निमित्तमेव एत्तिअमेत्तो आरंभो किं मह पुट्टस्स दुब्भरं?" सेट्टिणा भणियं-“वच्छ ! अत्थि कमागया ते लच्छी । तीए संतोसं करेहि । अलं ववसाएण।” तेण भणियं-- ववसाय-वज्जियं चयइ ताय ! पुरिसं कमागया वि सिरि । असम-ववसाय-कलियं वरइ लच्छी न संदेहो।६९२। ता किपि पुणो वि अहं ववसायं ताय ! तुह अणुण्णाओ। चालेमि जेण वियरइ जयम्मि ससि-निम्मला कित्ती।। जओ-- गय गंडा जिवं काऊरिस, एकिक पडणि पडंति । सुपुरिस-धोरिय-बइल्लु जिम, पडण?णई करंति ।।६९४।।
सेट्ठिणा भणियं-- "पुत्त ! पुणो तं चेव भणंतो गरगरभट्टमणुकरेसि ।” चंदणेण भणियं--"ताय ! को सो गरगरभट्टो?" इसि हसिऊण जंपियं सेविणा--"वच्छ ! निसामेहि ।"
अत्थि अवताविसएसु वंसो नाम गामो । तम्मि य निरक्खर-कुक्खा जन्म-दारिद्दिओ वरुणो नाम बभणो परिसइ। तस्स सुओ गरगरो । सो पुण कूडववसाय-पयट्टमवि अत्ताणयं सुक्साइणं मण्णइ । अण्णया जणणि-जणयनिसिद्धेण वि तेण गहिओ ववहरय-संतिओ उद्धारएण दंतवडिओ बलविद्दो कप्पासो य चाउम्मासियउद्धारएण मोल्लेण। पत्थिओ लाडदेसे विक्केउ। भणिओ जणेण-'न एस उवाओ लच्छीए । अज्ज विनकिपि नळं एत्तियमेत्ताए चेव हाणाए। पडिबुज्झसु मा सव्वहाणा करेसु ।" असम्भ-वयण-पुरस्सरं भणियमणेण-"नियमओयणाणि चितेह को तुब्भे बुद्धि मम्गेइ।" निसिद्धेहि वि भणिओ सुहिसयणेहि--" वयणाणि ।" तेण भणियं--"किह तुब्भे विसिट्ठा जे पावबुद्धि पयत्थह ?"
तओ अवहारिओ लोएण जणणि-जणएहि य वच्चंतो निरुद्धो एगम्मि संलिवेसे सुंट्टा बलाहिएण। तस्स पुण संबल पि नत्थि, कुओ सुकं । एसा तुह बंभवमुत्ति भणिऊण बलाहियं पुट्ठिओ कंटयाणमुवरि। इओ य सो तस्स बइल्लो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |