Page Text
________________
सम्मत्त-बीय-लंभोणाम पढमो अवसरो तत्थ य धनदेवकहाणगे सीलवईकहा
थइ समत्तीए य सविहमागयाओ ताओ य सीलवइए । “हा! एसो सो मह दइओ" निसाकर-करंबिय-जलहिजलं व उल्लालियं से हिययं । रवि-करालियद्ध-कमलं व वियसियं लोयण-जयलं । अमयरस-सित्तं व पुलइयं सव्वंग । वियंभिओ जिभारंभो । पिसुणिय-दुह-निस्सार-पंथ व्व पयट्टा णीसासा । नियंसइ नियत्थं पि नियंसणं । आलिहइ चलणंगुठेण भूमितलं । निरूवए दिसामंडलं गयणं व । हसइ अंतोमुहं । एवमाइयाणि कुणंती कामचेट्टियाई दट्रूण चंदसिरीए भणिया सीलवईसंपुण्ण-लक्खण-धरो सव्वंगोवंगज्ज सुंदर-सरीरो। पडिच्छदो विव विहिणा विणिम्मिओ रूव-निम्माणो ।५२७ । सच्चपइण्णो सरलो थिर-गंभीरो गुणायरो गरुओ। चंदो इव अमयमओ, को एसो सुयण ! वर तरुणो ?।५२८।
सणियमेव भणियं सीलवइए-“एसो चेव मह पिययमो ।” सो वि रायउत्तो चिंतिउमाढत्तो-“किमेसा इमाए अव्वत्तलिंग-धारिणीए कण्णगाए समीवे मह हियय-वल्लहा ? उवाह तीए रूवदंसणेण अण्णा का वि केली-कीला नागकण्णया इणम्मि मं विप्पयारेइ ? अहवा जा होउ सा होउ । न सक्कुणोमि पयडमेव पुच्छिउं । अण्णत्थ वच्चामि ।" नीहरिओ जिणमंदिराओ। चंदसिरी वि "पेच्छामि पज्जवसाणं । पच्छा जहाजुत्तं करिस्सामि।" ठिआ मोणेण । तस्स वि कुमारस्स सल्लेंति हिययं गच्छंतस्स, पीडिज्जति अंगाई निसण्णस्स, गाढयरं चहुटुंति सुयंतस्स, भिदंति देहमुद्धट्टियस्स, घति मम्माई दइयं सरंतस्स मयरद्धय-सरा । न का वि सा अवत्था जाए तरइ अच्छेउं । पच्छा पुणो वि जिणमंदिरं पविठ्ठो । चंदसिरीए भणियं-"अज्ज! अज्ज अम्हेहिं अतिहि-वच्छल्लं कायव्वं । आगच्छउ भवं ।" नीओ नियपासाए। भणिया सीलवई-"संपयं पि फलियं ते सूपरिपालियसील-पायवेण समागयं पिययमेण । करेसु चलण-सोयणाइयं समचिओवयारं ।" तीय वि तहेव संपाडियं । जाओ तस्स निन्छओ जहा-सा चेव मह दइया एसा समागया भोयणवेला । भुत्ताणि सह जोगेण । वीसमिओ खणमेत्तं कुमारो । समासत्थो पुच्छिओ चंदसिरीए--"कहं तुममेत्थमागओ?" तेण भणियं-"इमाए चेव तुह सहीए गवेसणं कुणंतो चउद्दिसं पेवेसिओ बहूणि गामागर-पट्टणाणि । अण्णम्मि दिणे सबलवाहणो पल्लि-गो उलाइठाणेसु गवेसिउं कांतारमेगमणुपविट्ठो । आवासिओ रयणीए तत्थेव खंधारो । सुह-पसुत्तो चेव केण वि अकारणवइरिणा विज्जाहरेण उक्खित्तोहं । पाविओ समुद्दमज्झं । उड्ढमुप्पइऊण 'अणुहवसु पावे सीलवई ! सीलपालणा फलं'ति भणमाणेण मुक्को जलहिजल-मज्झे । विहि-विहाणाओ पावियं मए फलहस्स खंडमेगं । इओ तओ वीईहिं वन्भंतो बीए दिणे पत्तो इमं पव्वयं । जलहि-जलाणगयफलिहमणिसोबाणमालाए विम्हियमाणसो समागंतण मणोरहाण वि अगोयरं जिणहरमिम [मणुपविठ्ठो । वंदिओ भावसारं भगवं तित्थयरो । कओ थडवाओ 'अहो मे आवया वि संपया जमेस-भयवं वंदिउ' ति । एयम्मि सक्खं समवलोइए पारिजाय-पमुह-कुसुम-समूहेण सम्म पूझ्य महाकव्वाहि महत्थाहि थुईहिं भावसारं, संथए 'नत्थि जं न मए पावियं' ति चिंतयंतो जाव चिट्ठामि ताव तुब्भेहि सह दंसणं जायं”ति । चंदसिरीए भणियं-"कुमार ! कयत्थो तुम जस्सेवंविहं सुसीलं कलत्तं । साहिओ सम्बो वि जहासुओ सीलवई-सील-संरक्खण-वइयरो । संतुट्ठो कुमारो हियएण । सुहेण तत्थ वसंताण वच्चंति वासरा ।
__अण्णम्मि दिणे सह विमाणेहि नहयलं समोइण्णा जयकुडपव्वए कय-सोया गहियपूओवगरणा पविट्ठा जिणमंदिरे विज्जाहरा । पूया-पुरस्सर वंदिऊण भगवंतं जहारिहं निसण्णा मंडवतले । मज्झदेसे य समुचियासणे निसण्णो विज्जाहराहिवो । एत्यंतरे गहिय कणयदंडेण दिव्वायारधारिणा एगेण पुरिसेण विण्णत्तो विज्जाहर-राया-“देव ! करेहि दिट्ठी-पसायं जा इमा पुरओ पियंगलया-सामल-सरीर-सोहा, विणिज्जिय-सयल-विज्जाहर-सुंदरी-समुहा एसा मलयसामिणो महिंदरायस्स सुया केरला । इयं च जा निमज्जिय-मणि-पईव-दिप्पमाण-देहा नियच्छायाए विच्छाएमाणी सुरसुंदरी-ठाणं मग्गओ तुह चिट्ठइ । एसा वंगाहिवस्स सयलसामंत-मउलि-संघट्ट-मसिणीकय-मणिमय-पायपीढस्स पुरिसदत्तराइणो दुहिया दुस्सला नाम । जा पुण ससुंदेर-गुणविणिज्जियरम्म-रमणीजण-विन्भमा लच्छि व्व खीरोयहि-फेण-पडलस्स सिय-पटुंसुय-वियाणयस्स हेटुओ तरलतारयं समवलोएमाणी दीसइ, एसा वि असेस-विउस-जण-सयंगाह-गहिय-कोससंचयस्स सूरके उनरवइस्स सुया सूरकता नाम । जा वि विणिद्द-नीलुप्पल-दलाभिराम-सरीरा दाणलेह व्व करिणो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |