Page Text
________________
सम्मत्त-बीय-लंभो णाम पढमो अवसरो तत्थ य धनदेवकहाणगे सोमसेट्ठीणो खेमंकरभवो
७९
वासं । पभाया रयणी दिट्ठो दाहिणकरनिबद्ध-छ-कंकणो छण्हं कण्णगाणं मज्झदिओ। मलयसुंदरीए ईसाइयाए भणिओ ताए-"अज्जउत्त! काओ इमाओ ? केण वा तूह करे निबद्धाइं कंकणाई?" रण्णा भणियं--"न एयाओ कण्णगाओ कितु तुह भगिणीओ, कंकणाणि पुण एयासि चेव जणणि-जणएहिं बद्धाणि।" मलयसंदरीए भणियं-"अज्जउत्त ! निरप्पणो तुमं जो निय-परियणं पि न निमंतेसि विवाहेतो?" रण्णा भणियं--"मरिसेउ सुंदरी ! संखेव-विवाहो एस ।” कहिओ सव्वो वि वइयरो। जहा जेटठं निवडियाओ ताओ परोप्परं चलणेस ।
दिण्णं पयाणयं । कमेण पविठ्ठो बहुदिवस-लंघणिज्जाए पउमावईनामियाए महाडवोए। अणवरयवहतर प बाली. णाणि दोण्णि दिणाणि । तइयदिपहे समावासियं सिबिरं अडविमझे । वोलीणो वासरो । समागया रयणा । एत्थंतरे. पवणाणुसारेण निसुओ अवत्तो कलणसहो ईसाणकोणे नरिदेग । सप्पम्हओ गहिऊण मंडलं अलक्खिओ चेव निग्गओ सिबिरसणिवेसाओ । गओ थेवं भमिभागं । "हा! जए वारसाहसोर ! नियकूलनहयलचंद ! खेमंकर न कयत्था कण्णा जेहिं तुह गुणगणो निसुओ। अकयत्थं लोयण-जुयलं जेण एकसि पि न दिछो।" एवंविह् विलाव-पुरस्सरो निसुओ रोयणसहो । नियनाम-गहण-सवण-समुप्पण्ण-संको तुरिय-तुरियं गओ तद्देमं नराहिवो । दिट्ठो सत्ततलभूमिओ पासाओ, दाहिणकरकरवालो विगय-संको समाहिउमाढत्तो । दिदा य सत्तमतलोवरि पवरपल्लंकनिसण्णा सुरसुंदरो संकासा एगा कण्णगा । तोए वि राया । ससंभमं उट्रिया पल्लंकाओ एसा । राणा भणियं-"अलं संभमेण । उवविसउ एत्थेव संदरी ।" तीए भणियं-"अणुचिओ एस उवयारो जमहं पल्लंके तुम्हाण पूरओ उवविसामि । ता तुमं पल्लंकमारोहसु । अहं धरणीए उवाविसामि ।" रण्णा भणियं-“पाहुणगा अम्हे । जं भणहिसि तं काहामो । निसण्णो पल्लंके । सा वि पूरओ धरणाए। पूच्छिया रण्णा-"संदरि ! को एस वइयरो ? को वा एस खेमंकर-नराहिवो जस्स नामग्गहणं काऊण सदुक्खं परुण्णं तुमए ?" तीए भणियं-"सुणउ महाभागो।" अस्थि गंधार जणवए जयंती नाम नयरी । जयसेणो राया । जयावली देवी । नाण मज्झिमे क्यसि बद्रमाणाणमहमेगा दुहिया जाया मयणमंजरि नाम।। पयत्तेण पालिज्जतीए बोलीणाणि बारस-संवच्छराणि ।
अण्णया समागओ अवितहवाई नाम नेमित्तिओ । पूडऊण पूच्छिओ ताएण-"को इमाए कण्णगाए वरो भविस्सइ?" तेण विम[रसि]ऊण भणियं-जगबाहस्स राईणो पत्तो खेमंकरो । पेसिया ताएण तस्स समोवे नियमहत्तरया। दिठो सो तेहिं । तत्थ पच्छिया पउत्ती । साहिया तप्परियणेण जहा विस्सपूरि पइ गओ । अज्ज वि ने नियत्तइ । तं सुणिय-समागया मंतिणो । कहिओ एस वइयरो तायस्स । ताएण भणियं-"समागच्छउ ताव पच्छा जहाजुत्तं करिस्सामो ।” अण्णम्मि [दिणे कुट्रिमतले कणयकंदुएण कोलमाणी सहीण मज्झे दिट्टा अहं अणंगरइनामविज्जाहरेण । समुप्पण्णतिव्वाणुरागेण निज्झाइया सुझ्यासुइरं। मोत्तूण लज्ज सयमेव मग्गिया । न दिण्णा ताएण ।
तओ पओसमावण्णण अज्ज रयणीए हरिऊण इहाणीया । विउविओ एस पासाओ। कया विवाह-सामग्गी। जावज्जवि पाणिग्गहणं न करेइ ताव समुप्पण्णा एयस्स दारुणा सिरोवेयणा । गओ ममं मोत्तण सविसेस-विज्जासाहणनिमित्तं वंसकुडंगि । ता एस मह वइयरो । संपयं साहेउ महाभागो को तुम ? कहं वा एगागो इहागओ ।" राइणा वि साहिओ सव्वो वि नियवइयरो। कहियं नियनामं । हरिसिया एसा पहल-वयण-कमला. जंपिउमाढत्ता-"दिण्णा पढममेव जणणि-जणएहि अज्जउत्तस्स । अओ करेहि पाणिग्गहणं जावज्जवि न समागच्छइ सो दुटु-विज्जाहरो । कालकारी हि पुरिसो पसंसिज्जइ ।" पडिवण्णं रणा तोए वयणं । नियंसियाणि विज्जाहर-पउणोकयाणि पहाणदेव-दुसाणि । विलित्तो अप्पा सारसिरिखंडेण । पिणद्धाणि पवराहरणाणि । बद्धं दाहिणवामकरेस परोप्पर कंकणं । सक्खिकओ हयासणो निव्वत्तिय पाणिग्गहणं । निसण्णाणि पल्लंके ।।
इओ समागच्छतो दिठो तोए विज्जाहरो। कहियं राणा । तेण भणियं-"मा भाहि ।" समरिओ वेघालो। समागओ । जज्जि पवत्ता विज्जाहरवेयाला । खणंतरेण विणिज्जिओ विज्जाहरो वेयालेण पणछो य । वेयालो वि संपूडऊण विसज्जिओ राइणा । मयणमंजरीए भणियं-"अज्जउत्त ! को एस अवसर-साहगो महाणुभावो ?" माहिओरपणा नव्वदयगे। परितद्रा । समागयाणि पच्छिमपहरे मिबिर-सन्निवेमं । गभाया रयणी । पाडिया मयणमंजरी
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |